سلام عليكم
انا طالبه ثانويه عامه،من اول مبدات السنه كنت تمام فشهر ٨ لحد شهر ٩ ربنا ابتلاني بالعاده انا كنت بعمل الحاجه دي ونا معرفش انها عاده ف جت ف دماغي فضول لوحدي لقيتني بكتب العاده السريه عشان انا طول عمري اسمع عنها ولاكن معرفش دي اي ،ف لقيت ان إلى انا بعمله عاده،توبت واستغفرت وبعدت بس كان كل مضايق من المنهج او اتعب نفسيا الاقيني بعمل كده ،الاول مكنتش بوصل للنشوه بعد كده لقيتني بوصل ،اتوب واركز فتره وارجع اتفرج وامارس من ضيقتي، وهكذا،لحد الشهر ده، انا م عوزه اوصل لكده ولا اعمل القرف ده وحاسه اني م هوفق خاصة لاني علمي علوم وعندي حلم وبقول ازاي وحده مش كويسه ربنا يوصلها لحلمها وتبقا حاجه عاليه وهيا مش كويسه وبتغضب ربنا،وم عوزه اذاكر بقول ااجل السنه بسبب الذنب ده هل ااجل السنه ولا اتوب واسيبها لربنا للعلم كل متوب ارجع تاني مع اني حلفت ع المصحف كتير واقسمت بالله مارجع عشان من جوايا انا مش عوزه وقعدت فتره لما اسمع عن الحاجه دي اتقرف واقول ازاي حد يعمل كده وازاي كنت انا بعمل كده
السلام عليكم ورحمه الله التائب من الذنب كمن لا ذنب له. و بعض الناس ممكن أن يقعوا في هذا الأمر ، حلو انك اخدتي مره و اتنين و تلاته و مازلتي تحاولي. و للتخلص من اي عاده لازم تشوفي عاده تانيه تعمليها بدالها مينفعش انك تتخلصي من عاده بدون ما يكون فيه بديل. ف اول حاجه للتخلص من العاده السريه هي انك متقعديش لوحدك ، و لو قاعدتي في الروضه بتاعتك تبقي فاتحه الباب. تعملي الهاء و تشتيت لنفسك ، يعني اول ما يجيلك الشعور بممارسه العاده السريه قومي غيري مكانك لو في الاوضه اطلعي الصاله، لو في الصاله اطلعي البلكونه ، روحي اقعدي مع مامتك ، ادخلي المطبخ اعمليلك اي حاجه حتي لو كوبايه شاي. المهم أنك تشغلي نفسك علشان الشعور يروح ، لأنها بتاخد معاكي دقيقتين تلاته بين الشعور بأنك عاوزه تنفيذ و التنفيذ فعلا، ف استغلي الفتره دي في اي حاجه تانيه. طيب تحطي عاده تانيه كبديل ازاي ؟ اول ما يجيلك الشعور مثلا بضغط الامتحانات تقولي اه ممارسه العاده بتخليني افصل شويه. لا قولي مثلا اتفرج علي مقطع فيديو مضحك يفصلني ، لو بتحبي الرسم يبقي تمارسين الرسم اول ما تحسي انك مضغوطه، او هروح اعملي ايس كوفي يروق عليا افصل بيه دماغي من الضغوط ، او اعمل حاجه دافئه و اتفرج علي اي مسلسل. هنزل اتمشي شويه ، هعمل تمارين رياضيه ف لازم يكون ليكي عاده تانيه وقت الضغط علشان تفصلي بيها ممكن تشوفي القلم اللي بتكتبي بيه و تفضلي تقولي فوائده و لو مكنش موجود كنتي هتعملي ايه و كان ايه ممكن يحصل ، و دا ما يسمي بالتعقل ابحثي عنه علي الانترنت. و يوجد منصه رائعه اسمها عفه لتعزيز القيم و الفضيله تابعيها https://t.me/Effah20300 ستساعدك أيضا خدي خطوات دي و لو وقعتي تاني قومي و كملي تاني و حاولي تاني و تالت تحياتي لكي
تم النشر الجمعة، ٢٤ مايو ٢٠٢٤
شكرا ليكي أنك بتجاهدى نفسك و بتقاومى كل مابتقعى عشان تقومى من تانى ... ده فحد ذاته قوة تستحقى التقدير عليها 👏🌹 مبدئيا كده تكرار العادة السرية ده سلوك قهرى بسبب الضغط النفسي يعنى يندرج تحت المشاكل النفسية وليس نقص الإيمان أو اضطراب فى العقيدة ( بس ده مينفيش إنه حرام شرعا بس انا اقصد انه ذنب بيقع فيه الشخص المتدين والملتزم عادى لأننا لسنا معصومين ) زى بالظبط الإفراط فتناول الطعام أو الشوبنج أو استخدام الإنترنت لساعات طويلة جدا ، كل ده سلوكيات قهرية بنكررها بطريقة لاواعية لتخفيف الألم النفسي الاصلى ال بنعانى منه وتشتيت انتباه العقل عن اللحظة الراهنة ال بنحس فيها بالمعاناة النفسية. *قبل أى حاجه لازم تقبلى كونك عندك مشكلة سببت السلوك ده وتتعاطفى مع نفسك عشان تقدرى تقاومى الرغبة فى السلوك ده (العاده السريه ) وتمنعيه بالتدريج. *ابحثى جواكى عن المشاعر المؤلمة ال بسببها بتروحي للسلوك ده وحاولى تحليها مع نفسك أو مع شخص متخصص. *حددى المحفزات ال بتحركك ناحية السلوك وتجنبيها قدر الإمكان وكونى واعية جدا بيها . وفالنهاية أهم حاجه فرحلة التعافى اننا نتعلم ازاى نقوم بسرعة بعد مانقع وننتكس (لأننا لازم نقع دى فطرة ربنا فينا فكل بنى ادم خطاء وخير الخطائين التوابون ) فالنهاية
تم النشر الجمعة، ٢٤ مايو ٢٠٢٤
يمكن أول خطوة تعمليها هي أنك تحددي أسباب العادة السرية وتحللي ليه بتحصل. بعد كده تعملي خطوات عملية عشان تتخلصي منها، زي نقلبي الطاقة اللي بتستخدميها في العادة دي لأنشطة إيجابية زي الرياضة أو القراءة. برضه جربي تقللي من الوقت اللي بتقضيه وحدها وحاولي تشغلي نفسك بأنشطة تانية. الأساس انك تركزي على تحقيق أحلامك وتطوير نفسك ومش تركزي على الذنوب اللي حصلت، اتوبي وأعملي تغييرات ايجابية في حياتك.
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا