انا فية حاجة غريبة بتحصل معايا كل موقف صعب بيواجهني أو لو حصل حاجة تضايقني وبيبقي المفروض اصلا اني انهار وقتها انا ممكن ازعل واعيط شوية وبعدها كأن محصلش حاجة بتجاوز حزني بسرعه جدآ مش باخد وقتي فيه وفيه اوقات تانيه بتيجي عليا بيبقي يتوجب فيها الحزن فعلا زي حالة وفاة أو فراق حد عزيز في سفر مثلا او حاجة بيبقي عندي لا مبالاة مش طبيعيه ومش بقدر اعيط ولا ببقي حاسه اني زعلانه هل دا طبيعي ؟
التعبير عن المشاعر مهاره محتاجين نمارسها باستمرار ، اللامبالاة مع الحزن او الهروب السريع من الموقف هي آليات دفاع بيستخدمها عقلك للحمايه المؤقته من الموقف او المشكله ، المشكله هنا ان تاثير تلك المشاعر المكبوته ممكن يخره في صور تانيه ، من غضب شديد علي موقف صغير ، سلوك آخر مثل الاكل العاطفي وادمان الشراء ، الافضل حاولي تخرجي المشاعر باي طريقه ، بالكتابه ، بالتحدث مع صديق مقرب ، الصلاه والدعاء مع البكاء ، وخدي وقتك واطلبي من الآخرين تفهم ما تمري به .
تم النشر الأحد، ١٤ يوليو ٢٠٢٤
انا كمان بقالي سنة علي الوضع دا وحقيقي فاهمة كل حرف بتقوليه ممكن بعض الناس يشوفو أن دي حاجه مش وحشة بس هي فعلاا حاجه سيئة جداا وشعور فقدان شغف في الحياة كلها غير عادي وأعتقد أن دا بيحصل بعد صدمة معينة أو ضغط نفسي كبير اووي لفترة اتعرضتيله لفترة طويلة اوووي وصدمات متتالية أو حزن مكتوم جواكي وضغط نفسي مكبوت جواكي مبتتكلميش عنه أو مبتهتميش بمشاعرك ومبتديهاش مساحتها اللي هو بتتجاهلي حزنك وهدفك كله انك تتخطي الألم النفسي اللي انتي عايشاه ف بتحاولي تتظاهري بالبرودة علشان تقنعي عقلك الباطن أن انا كويسة ومفيش اي حاجه ف الجسم بيبدأ يتعامل مع المواقف بشكل مش طبيعي من جوا زعلانة جداا ومن برا بتضحكي ومش عارفه تعبري حتي عن زعلك وتبقي زعلانة جدا انك مش عارفه تعبري عن اللي جواكي وبتتصرفي تصرفات مبتعبرش عنك خالص موقف يفرح تلاقي نفسك مش متحمسة ليه ولا اي حاجه كل حاجه عادية بالنسبالك مش حاسة بإثارة من جهة اي حاجه أعتقد أنها إما صدمة نفسية أو حاجه تانية زي ضغوطات كتيرة اوووووي ورا بعضها مع الكتمان وعدم الإفصاح عن المشاعر وتجاهل مشاعرك رغبة منك انك تكوني كويسة ومتسمحيش للزعل انو يسيطر عليكي بس دا بيأثر عليمي بالسلب لأن لازم الانسان يعيش حزنه ويديله مساحته ويعالج الموقف مش يهرب منه لو تقدري انا بتكلم كدا لاني بمر بنفس اللي بتمر بيه ولاحظت أن دي الأسباب اللي حصلت معايا ووصلتني ل كدا وان شاء الله هتابع مع مختص وأشوف الموضوع دا علشان عندي مشاكل كتير غيره بس انصحك تروحي لمختص نفسي تتكلمي معاه ومتسيبيش نفسك علشان الموضوع ميتطورش ولو في اي مشكلة نفسية متأثرش علي حياتك وحالتك تتطور بعد كدا للأسوء مش هتبقي حاجه كويسة خصوصا أن الموضوع دا مسببلي انعدام شغف وفقدان للطاقة غير عامي مخليني مش عايزة اعمل اي حاجه ف حياتي ولا اوصل لأي حاجه وحاسة بيأس وإحباط وكره لنفسي مش طبيعي ف تابعي مع نفساني ومتسيبيش نفسك علشان متوصليش ل مرحلة مش كويسة
تم النشر الأربعاء، ٣ يوليو ٢٠٢٤
مرحبًا! طبعًا، شعورك ومشاعرك هما جزء فردي منك وكل شخص بيختلف عن التاني في كيفية التعامل مع الحزن والصدمات. في ناس بتتعامل مع المواقف الصعبة بسرعة، وده مش بالضرورة يعني إنهم غير طبيعيين. الجسم والعقل عندهم آليات دفاعية مختلفة للتأقلم. اللي ممكن تفكري فيه: الآليات الدفاعية : مرات، الجسم بيحاول يحميك من الألم الشديد عن طريق اللي مبالاة. دي طريقة من طرق التعامل مع الصدمات. معالجة المشاعر : ممكن تكوني بتقدري تعالجي مشاعرك بسرعة وتتنقلي للمواقف الجديدة، وده مش شيء سيء. الزمن : بعض المواقف ممكن تحسي فيها بالحزن فورًا، والبعض الآخر ممكن ياخد وقت على ما تشعري بالحزن فعلًا. التعامل السطحي : مرات بيكون عندنا مشاعر مدفونة جوة وبينتهي الحال إننا مش بنتعامل معاها صح. في الحالة دي، ممكن يكون مفيد إنك تتكلمي مع حد تثقي فيه أو تتابعي مع معالج نفسي. انتِ اللي بتحسي بنفسك أكتر من أي حد تاني، وإذا حسيتي إن فيه أي شيء مش مريحك أو بيدايقك بطريقة مش متناسبة، ممكن يكون مفيد تتابعي مع خبير نفسي يساعدك تلاقي حلول وأنماط التعامل الأنسب ليكي. لو فيه أي حاجة تانية حابة تتكلمي عنها، أنا هنا😊
تم النشر الثلاثاء، ٢ يوليو ٢٠٢٤
وانا كدا
تم النشر الاثنين، ٨ يوليو ٢٠٢٤
لعرض السؤال في فدني اضغط هنا