انا فعلا حابب اتكلم مع حد غالبا ميعرفنيش ثانيا يكون كبير عني عنده خبره ع الاقل عنده فكر يقدر يفكر ذيي مثلا
وميعرفنيش علشان اتكلم براحتي وف اي وقت اكاني متكلمتش
لو كانت طريقتي ساذجه شويه وطولت من غير ما تفهم انا عايز اقول اي
انا طالب فرقه رابعه كليه تجاره جامعه بني سويف في اكتر من فكره ف دماغي
حابب اتعلم انجليزي واكسل واطور من نفسي
وحابب اتعلم برمجه
عندي قابليه التعلم
بحب اتعلم معنديش مشكله
ولكن عايز ابداء شغل يعني مش عايز الي هو اعتمد ع المحاسبه وكدا خوفا من فرص العمل
لو عند حضرتك نصيحه يبقي تمام
الفكرة اني محتار اكمل ف المحاسبه واهتم واذاكر انجلش واكسل واكمل ولا ابداء اشوف البرمجه ف كل الحالات انو معنديش كمبيوتر فخم يعني امكنياته عاليه لا الكمبيوتر الي عندي متواضع جدا جدا جدا
كل افكارك مفهومه و انت شخص طموح بس باختصار ابدأ فى اى حاجة وهتلاقى الممارسه هى اللى خلت قراراتك اكثر ثقه عشان هتقدر تحدد اذا ده مناسب ولا ده اكتر ...اذا حابب ده ولا ده. كل المجالات بتتطور وبتاخد اشكال مختلفة ..وانت طالما شخص مجتهد يبقي اى كان المجال هتسعى فيه حتى لو ظروف المجال اتغيرت وهتتعلم بسرعه زى ما انت بتقول.. استخدم مميزات شخصيتك لصالحك وتوكل على الله وابدأ وشوف المنارسة الحقيقية هتقول ايه... حتى لو الامكانيات فى الاول مش قد المجال هتلاقى جوه المجال اللى يقولك ازاى تعرف تجيب جهاز والافضل ايه وهكذا. التخطيط مهم والاخذ بالاسباب مهم ...بس البداية الحقيقية اهم. وفى وسط الاسئلة هنا والاجابات اتمنى تلاقى حد ذو حكمة تحب انه يجاوبك ويسمعك .
تم النشر السبت، ٢١ يناير ٢٠٢٣
ابدأ ف اكتر حاجة حضرتك تكون شايف انها اهمهم وهى تكون البداية، والاهم من كل دا تنظيم الوقت، بجد لو حضرتك منظمتش وقتك هتلاقى نفسك معملتش اى حاجة والوقت عدى بسرعة منك وضاع على الفاضى.... حدد اولوياتك ونظم وقتك هتلاقى نفسك اتعلمت كل حاجه وكمان هتشوف اكتر وهتبقى حابب تتعلم اكتر وربنا هيوفقك وهيسهلك امورك وهتتعلم وهتوصل لكل اللى انت عاوزه وهتنجح وكله هيبقى توفيق من ربنا اولا وسعى منك ثانيا ومتخليش حاجة توقفك، جاهد نفسك والظروف والامكانيات واقع واقف تانى بسرعة وكمل وهتوصل للى عاوزه بإذن الله قول يارب. وربنا هيكرمك ويوفقك إن شاءلله
تم النشر الأحد، ٢٢ يناير ٢٠٢٣
قولت أهم حاجة وعلى ما اعتقد ديه هتخليك تتعلم طول الوقت، وهي عندي قابلية التعلم. طيب دلوقتي الكمبيوتر امكانيته متواضعة، نقدر نعمل ايه هقولك على حاجة ( وظف المواضيع على قد امكانياتها) يعني مثلا حاليا الامكانيات كذا وكذا .. طيب الامكانيات ديه تقدر تعمل ايه؟ والله اقدر مثلا اذاكر من عليها واتعلم اكسيل مثلا .. يبقى تمام الواحد بيتعامل وبينظم وقته على قد الظروف المتاحة اللي في ايده لحد ما ظروفه ديه يقدر انه يغيرها. والله لو انت ظروفك تسمح حاليا انك تجيب لاب امكانياته تنفع برمجة ف تمام وكمل. لو حاليا مش هينفع .. كده كده الانجليزي ثابت معانا سواء هنا او هناك يعني سواء هتشتغل برمجة او هتتعلم اكسيل .. خلي الانجليزي معاك علطول. تقدر تنزل ابليشكن ذا امريكان انجلش من ع الفون وتبدأ .. وده لمستر ابراهيم عادل .. واشهر برنامج في الوطن العربي عموما. طيب لو لظروف مش سامحة ب لاب .. ذاكر كويس جدا اكسيل لحد ما تتمكن منه .. لو حبيت تضيف بعد كده .. بعد شوية وقت لما تشتغل وتجيب فلوس لو حابب تغير المجال وتروح لبرمجة يبقى ياريت. واعمل كده .. بس لازم دلوقت تحاول تتعلم علشان تشتغل.
تم النشر الأحد، ٢٢ يناير ٢٠٢٣
المشكلة مش في الإمكانيات الي عندك المشكلة في انت شو بدك من جواك المشاكل البسيطة زي الأجهزة الكهربائية و كل هاد هاي مجرد عقبات بس تختار طريقك الصح وتأكده ما رح تواجه صعوبة في مواجهتها و بخصوص البرمجة او المحاسبة بفضل تختار مجال دراسي اله مستقبل كمان انت بتحبه لاني ما رح تظل طول حياتك متمسك بتخصص بتكرهه هيك بتقتل طموحك واهدافك فكر بمنطق و بنفس الوقت بفكر باللي بتحب
تم النشر الأحد، ١٦ يوليو ٢٠٢٣
لعرض السؤال في فدني اضغط هنا