يأ اخواتي انا عندي مشكله وهي اني الفتره دي بقيت باخد كل حاجه علي اعصابي وقلقانه وخايفه من المستقبل يعني قبل ما النتيجة بتاعت الامتحان تظهر كنت قلقانه بشكل رهيب وخايفه وقلبي بيدق لدرجه اني بسمع دقات قلبي ومش قلق شويه لا ده بيستمر معايا طول الايام مع اني مكنتش كده الاول وطبعا كان عندي اخت بس اتوفت من 7سنين من بعد وفاة اختي وانا بقيت خايفه علي نفسي الا اموت زيها وبقيت اخاف لما يحصلي اي حاجه او اتعب شويه اخاف اموت ولو في حد في عائلتي عرفت انه تعبان بفضل خايفه عليه يموت ويفضل برضو الخوف والتوتر ملازمني طول اليوم وقلقانه وخايفه الا يموت وبفكر في كتير وانا بحاول اهدي اعصابي والله بس مش عارفه مش بايدي والله وبجد خايفه من المستقبل وكل ما اكلم حد وابقى مستنيه منه رد عادي بقلق من رد الفعل ولو دخلت في خناقه بخاف وبترعش ومبعرفش اتخانق وبيبان عليا الخوف وبتحرج اوي برضو ولما باجي اتعامل مع حد برضو بيحصلي كده بخاف وبتهته في الكلام وبنسى انا كنت عايزه اقول ايه ويفضل الخوف معايا لاخر اليوم بس لما بنسى اني خايفه والهي عقلي ببقى عادي لكن لما بقعد افكر انا ليه بيحصلي كده واحط الموضوع في دماغي الخوف بيستمر وقلبي بيفضل يدق بسرعه لدرجه اني بقى قلبي يوجعني من كتر الخوف والقلق بس انا مش عارفه
مفكرش في الموضوع وطول الوقت في بالي انا بنساه اما بتكلم مع حد في حاجه او لو انشغلت غصب عني يعني مش عارفه انتوا فاهميني ولا لا بس انا كنت عايزه حل عشان تعبت لاني داخله تالته ثانوي ومحتاجه اركز في مذاكرتي لان ده بياثر عليا بيخليني محبطه وماليش مزاج اعمل اي حاجه وكل تفكيري اني ممكن اموت بسبب كده انا الاول كنت عادي ومش في دماغي القلق الزايد ده انا الموضوع ده بادئ معايا بقاله 6شهور لدرجه اني من كتر القلق خايفه قلبي يقف والله و اموت بجد بقيت بخاف انام خايفه اموت بسبب الخوف ودايما خايفه يجيلي مرض او قلبي يحصله حاجه معرفش اعمل اي
الخوف والقلق لن يمنع حدوث ما قدر الله لكِ فلا يصح أبدًا أن تقضي كل يوم في خوف وكل ثانية في رعب مما قد يحدث... إن كان مقدرًا لن تمنعيه وإن لم يكن مقدرًا فلن يحدث. ما الفائدة إذن من انتظار وقوع المكروه لا قدر الله؟ لا تدعي الهواجس والخوف يُضيعان عليكِ الحياة وتوكلي على الله وثقي به وتذكري دائمًا أنّه (لن يصيبنا إلا ما كتب الله لنا) حاولي التقرب من الله أكثر وواظبي على الصلاة وقراءة القرآن بتدبر وفهم واشغلي وقتكِ بما يملأه من الأشياء النافعة لتطرد عنكِ هذه الأفكار والوساوس. هدانا الله وإياكِ لما يقربنا إليه وينفعنا في دنيانا وأخرانا.
تم النشر الأربعاء، ١٢ يونيو ٢٠٢٤
يا حبيبتي، انتِ فعلاً بتمري بوقت صعب وباين إنك محتاجة لدعم. اللي بيحصل معاكِ هو نوع من القلق المفرط وده شي طبيعي يحصل لأي شخص في أوقات معينة. أهم شيء تعرفيه إنك مش لوحدك واللي بتحسيه مش غلط. خلينا نحاول نتكلم في بعض الخطوات اللي ممكن تساعدك: التنفس العميق: لما تحسي إنك مضغوطة، جربي تاخدي نفس عميق ببطء وخرجيه ببطء. ركزي في النفس ده وخلي عقلك يهدي. المشي أو الرياضة: الحركة البدنية بتساعد جداً في تقليل القلق. خرجة صغيرة تمشي فيها أو تمارين بسيطة ممكن تغير مودك. التحدث مع شخص تثقين به: حد قريب ليكِ، زي أمك أو أختك أو حتى صديقة قريبة، احكي لهم عن مشاعرك. أحياناً مجرد الكلام بيخفف عنك. تنظيم الوقت: جربي تنظمين وقت مذاكرتك وحياتك اليومية بشكل يكون فيه وقت للراحة ووقت للشغل. ده هيخليكي تحسي بتحكم أكتر. تجنب الكافيين: القهوة والمشروبات المنبهة ممكن تزيد من القلق، فحاولي تقللي منها. ممارسة التأمل أو اليوغا: دي أساليب فعالة جداً للاسترخاء وتهدئة الأعصاب. التفكير الإيجابي: حاولي تدربي نفسك على التفكير في الأشياء الإيجابية والأهداف اللي عايزة تحققيها بدل ما تركزي على المخاوف. طبعاً، لو حسيتي إنك مش قادرة تسيطري على الخوف ده بنفسك، ممكن تفكري تستشيري طبيب نفسي. مش عيب خالص إنك تطلبي مساعدة متخصصة. إنتِ قوية وإن شاء الله تقدري تتخطى ده. وخليكِ دايماً مؤمنة إنك تستحقي تكوني سعيدة ومطمئنة. 🌸
تم النشر الأربعاء، ٥ يونيو ٢٠٢٤
شكرا ليكي علي المشاركة بقالك ٦شهور بتعاني من القلق والخوف وبيزيد لما اي عرض يقعد فتره طويلة وأفقد السيطرة عليه او التحكم فيه يبقي كده العرض ده هوا اللي سايق حياتي وهوا اللي آخد التحكم فيا وفأفكاري وشعوري وبالتالي علي سلوكي وتصرفاتي هنا وجبت الاستشارة لمتخصص لعمل الاختبارات اللازمة للقلق وقياس درجته والتعامل معه
تم النشر الأربعاء، ١٢ يونيو ٢٠٢٤
حاولي تسيطري على الخوف ده وتوكلي على الله فى كل شئ وقربي من ربنا اكتر 😊ده رأيي بناءً على خبرتي الصغيرة فى الحياة 😁😊
تم النشر الأحد، ٩ يونيو ٢٠٢٤
لعرض السؤال في فدني اضغط هنا