ما السبب في أن كل ما أريده أو أفكر فيه لا يتحقق وماذا أفعل في هذه المشكلة؟

Question

السلام عليكم.. دلوقتي انا اي حاجه اي حاجه بفكر فيها مستحيل تتحقق وبجد.. بقيت حرفيا اي حاجه عيزاها تتم بحاول مفكرش فيها يعني مجرد تفكير.. حصلت معايا كذا مره ان فكرت ف موضوع معين واتلغى او اتخرب حتي لو الموضوع تمام وخلاص يعني.. هقول مثال.. مره بفكر ف فرح اخويا وهنعمل اي وكده يا دوب مجرد تفكير وخلاص التجهيزات فجأة واحد جارنا يتوفى ومره افكر اني هعمل حاجه بكره في الشغل الاقي المكان اللي هشتغل فيه يغرق والشغل يتلغي من نفسه بدون اي سبب معرفش فيه اجابه او لا بس انا خلاص بقيت متاكده من الموضوع ده..

Accepted Answer

السلام عليكم ورحمه الله وبركاته. طب خليني اقول لك انه لو الفكره دي كانت موجوده عندك اصلا وانت طول الوقت قاعده مركزه في كل حاجه بتحصل عشان تأكدي الفكره او تنفيها فخليني اقول لك ان الفكره في الاساس هي السبب. في مقوله بتقول "كل متوقع آت" يعني اللي انا هتوقعه هيحصل. إزاي ده.. عشان احنا اللي من غير ما نحس ومن غير ما ناخد بالنا بنهيأ الظروف اللي حوالينا إنها تأكد اللي احنا متوقعينه. كل حد فينا من جواه نفسه يطلع صح نفسه يطلع يعني انا حصل زي ما انا فكرت حصل زي ما انا حسيت اللي انا حسيته طلع طلع صح احساسي ما بيكدبش الحته دي جوانا الاحتياج ده دائما انه انا اثبت اني صح ولا بيخلينا ممكن اتوقع شيء جوايا ومن غير ما احس ببقى ماشيه في الطريق ان انا اثبت ان انا توقعته ده او اللي انا قلته لنفسي من جوه ده بيحصل طبعا بشكل لا واعي ما حدش فينا بيبقى قاصد يعمل ده لكن للاسف يعني من دراسات علم النفس هو ده الانسان بيعمله بالظبط. من غير ما يحس فالفكره دي من جوانا احنا محتاجين نوقفها تماما ونبدلها بفكره ثانيه الفكره الثانيه اللي هنحطها مكانها انه كل شيء يحدث بقدر الله يعني انا ما فيش في ايديا حاجه الحاجات اللي بتحصل من حواليا دي مش بيدي دي زي ما ربنا مقدرها فخلينا نقول هل انا دلوقتي اقدر اني اوقف القدر اللي ربنا هيقدره ما اقدرش طب اقدر اعمل ايه والله لو انا في حاجه بقى يعني قلقانه من انها تحصل ومش عايزاها تحصل انا هالجأ لله اللي هو في ايده الاقدار دي وهقول يا رب كذا ما يحصلش يا رب الامر الفلاني يتم على خير واكون فعلا صادقه في الدعاء ده على قد ايه اللي صوته اقوى جوايا هتبقى هي دي الفكره الاساسيه اللي انا همشي وراها واللي هلاقي نفسي برضه بشكل لا واعي رايحه في اتجاه انها تتحقق لو انا الفكره الاقوى جوايا والمعنى الاقوى جوايا ان دي اقدار الله واللي مقدره ربنا هو اللي هيتحق وانا هدعي ربنا علشان. اطلب منه ان حاجه الاحسن هي اللي تتحقق فانا هبقى رايحه بكل ما فيا ناحيه الاتجاه ده لو لسه جوايا الصوت الاعلى بيقول انه لا ده انا لما بفكر في حاجه بتقف يبقى هلاقي الحاجه فعلا بتقف ازاي ده هيحصل من غير ما تحسي وبشكل لا واعي هتكوني عملتي حاجات او هيأتِ الظروف اللي حواليكي من غير ما تحسي انه هو اللي هيحصل ازاي ده ازاي ده علشان خاطر احنا. من غير ما نحس ومن غير ما ناخد بالنا بنهايا الظروف اللي حوالينا ان هي تاكد ان احنا متوقعين. الموضوع يقف وما يكملش فهديكي مثال من اللي انت قلتيه ممكن تكوني جواكي الفكره بتاعه انه انا لما اتقدم لشغل اكيد هيحصل عندهم حاجه والدنيا تخرب اصل انا اا يعني ايه لما بفكر في حاجه بتقف فهتلاقي نفسك من غير ما تحسي اتوجهتي انك تقدمي في مكان شغل هو هو مكان غير مستقر ومكان. ظروفه مش احسن حاجه ففعلا الفكره اللي انت بتفكري فيها انك لما تقدمي شغل الدنيا هتقف او هتعطل هي دي اللي هتحصل.

Answer

السلام عليكم، اولا التفكير عمره ما كان بيغير القضاء او القدر المكتوب ليكي ولغيرك من قبل مانام تخرجي للدنيا، ثانيا كتير من الناس وارد انه يحصل معاها زي ما حصلك ودا شي طبيعي، ثالثا، بصي للمشكلة من زاوية اخري، يعني ربنا بيخترلك الافضل والايسر لكي، لو خير العبد بما كتبه الله له وحياة اخري هيختار اللي كتبه الله له، وربنا ممكن ربنا يكون غرق مكان شغلك اللي بتقولي عليه لانه فيه اذيه ليكي، متفكريش انك بتفكيرك ده انك بتخلي ده يحصل وتستغربي، التفكير ده بيدخله الشيطان في دماغك، وبعدين مش من موقفين تحكمي وتقولي كدا، كل اللي بيحصل سواء فكرتي فيه او لا وحصل، دا قضاء وقدر، السلام عليكم

Answer

وعليكم السلام ورحمة الله وبركاته، أختي العزيزة، ما تمرين به قد يكون من مظاهر التفكير الوسواسي، وهو نوع من الأفكار المزعجة التي تؤثر على راحتك النفسية وتجعل من الصعب عليك اتخاذ خطوات إيجابية نحو الأهداف التي تودين تحقيقها. من المهم أن تدركي أن التفكير في الأحداث أو الأمور لا يمكن أن يؤثر بشكل مباشر على حدوثها. هذه هي مجرد أفكار قد تكون مرتبطة بمشاعر القلق أو التوتر. التجارب التي مرت بها قد تشعرك بأن هناك رابطًا بين أفكارك والنتائج، ولكن هذا ليس صحيحًا دائمًا. إليك بعض النصائح التي يمكن أن تساعدك في التعامل مع هذه الوساوس: التوعية بالمشاعر : حاولي أن تلاحظي الأفكار التي تراودك وتستجيبي لها بشكل منطقي. تذكري أن هذه الأفكار ليست حقائق. التفكير الإيجابي : بدلي الأفكار السلبية بأخرى إيجابية. على سبيل المثال، عندما تفكرين في شيء سيء، حاولي استبداله بفكرة إيجابية حول الموقف. التحدث مع شخص موثوق : قد يساعدك التحدث مع أحد الأصدقاء أو أفراد الأسرة أو حتى مختص نفسي في توضيح الأمور وفهم أفكارك بشكل أفضل. الممارسة العملية : حاولي اتخاذ خطوات صغيرة نحو تحقيق الأهداف التي تودينها، بغض النظر عن الأفكار التي تطرأ. العمل الفعلي يمكن أن يساعد في تقليل الشعور بالقلق. إذا استمرت هذه الأفكار في التأثير بشكل مُفرط على حياتك اليومية، قد يكون من المفيد التواصل مع مختص نفسي يُمكنه مساعدتك في تجاوز هذه الحالة بشكلٍ أفضل. أرجو أن تجدي هذه النصائح مفيدة، وإذا كان لديك مزيد من الأسئلة أو الاستفسارات، فلا تترددي في طرحها. أسأل الله لك التوفيق والهدوء النفسي.

ما السبب في أن كل ما أريده أو أفكر فيه لا يتحقق وماذا أفعل في هذه المشكلة؟

نفسية

وسواس

سؤال من احد أعضاء فدني

تم النشر السبت، ١٥ فبراير ٢٠٢٥

3 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك