مشكلتي انا فتاه في عمر 22من عمري كنت ف البدايه لدينا الكثير. من الخناقاات وحياتي لم تكن ف التمام ولكن كان هناك الكثير من الخلافات مع امي أخواتي اقاربي ولكن عندنا قابلت شخص الشخص ده كان ف البدايه حرفيا 24ساعه بنتكلم... أهملت حياتي كلها تمسكت به هو فقط بئي كل حياتي حرفيا كل حاجه الاخ والصديق والاب والحنان وكل حاجه حرفيا اعترفت بحبه له وهو كذلك بعد ذالك تحولت الأشياء كلها بئا يمارس عليا تأنيب الضمير كل حاجه عنده كل مشكله بيكون هو رد الفعل ولا كان انا السبب ف كل حاجه وأنا كنت صريحه معاه من البدايه بقى كل حاجه كنت قولت أن الحاجه دي بكرها يعملها... بقى يلعب علي مشاعري بقيت مش عارفه اعيش من غيره ولا عارفه ابعد عنه مع أنه ديما يقولي احنا مينفعش نكمل مع بعض انا هسيبك مع أن انا مش عاوزه ده متعلقه بي جدا مش عارفه اعمل إيه حاسه أن انا تايهه هو كان كويس بقا وحش بعد كده بس م عارفه ابعد ولا اكره اعمل اي
طبيعي يتحول بالصورة دي ويتغير لأنه أساسًا كان بيتسلى بك. حافظي على كرامتك وابعدي من نفسك ولا تنتظري إنه هو اللي يبعد عنك. عادي هتاخدي وقت على ما تتجاوزي التعلق به لكن خليكِ قوية وشديدة مع نفسك واستحملي شوية العذاب اللي هتحسي به لما تنفصلي أفضل بكتير من العلاقة المسمومة وكمان اللي شرعًا حرام ولا ترضي ربنا. عززي نفسك وركزي في حياتك. عشان تقضي على تعلقك وتفكيرك فيه بعد ما تتركيه ركزي على حياتك ودوري على حاجات مهمة تشغل وقتك وإن شاء الله مع الوقت هتنسيه. إياكِ تضعفي وإلا هتندمي بعدين أكثر من ندمك وعذابك دلوقتي.
تم النشر الخميس، ١ أغسطس ٢٠٢٤
شاهدي الفديو للدكتور عماد رشاد _ الاعتمادية العاطفية @يوتيوب الدكتور يشرح حالتك بالتفصيل و الاسباب التي أدت لذلك. وكيف تتعاملين معها.
تم النشر الأحد، ٤ أغسطس ٢٠٢٤
كل ما تفتكريه او تكوني عايزة تكلميه افتكري كل حاجة سلبية كان بيعملها ليكي ومع ذلك كنتي بتستحملي
تم النشر الأحد، ٤ أغسطس ٢٠٢٤
السلام عليكم مشكله التعلق المرضي دي احنا بنحلها ازاي احنا ما بنبصش بقى على الشخص وهو بيعمل فينا ايه وازاي نوقفه عن اللي هو بيعملوه خالص احنا بنبص لنفسنا ونقول هو انا اصلا ايه اللي وداني هناك انا ايه اللي خلاني لما اتعملت مع شخصيه ايا كانت الظروف صح او غلط ايه اللي خلاني اتعلقت بيه ايه الجزء اللي ناقص عندي ايه المشكله اللي عندي اللي خلتني اوصل لدرجه التعلق ايه الفراغ اللي موصلني لدرجه ان انا لما الاقي ده املا كل فراغي بده وابقى خلاص ده بالنسبه لي كان دقيق المايه اللي هتحين هذه النقطه. غالبا الخناقات والخلافات اللي موجوده انت ترجمتيها جواكي بان انا مفيش حد بيحتويني او مفيش حد قريب مني والناس دي كلها فوادي وانا في وادي لذلك لما لقيتي الشخص ده حسيتي انه اه حد بقى هيبقى قريب مني واكلمه كلمني ويعني اخد منه كل المشاعر اللي انا مستنياها من كل اللي حواليا اللي بيتخانقوا دولت وعندنا خلافات مع بعض. ده انفصال عن الواقع الواقع بتاعنا في مشاكل وازمات وده طبيعي جدا مش كل ما هنلاقي في شيء بنفتقده في الاشخاص اللي حوالينا وبنتمناه حناخذ بعضينا اول ما نلاقيه في اي حته ناخذ منه من غير ما نحسب الحسبه. حساب الحسبه كويس قوي قوي قوي بدايه من الموقف ده عشان ما تتعلقيش وعشان ما يتضحكش عليك في الحياه فيما بعد. هو لما اي حد هيديني اي حاجه يديهاني مقابل ايه؟ ده شيء ضروري جدا يعني لو احنا تكلمنا في الارتباط الصح اللي هو خطوبه او جواز فالخطوبه. الراجل بيقدم شبكه ان هي المقابل بتاع ان اهلها. يسمحوا له ان هو يتعرف عليها في اطار العيله وبعد كده بيقدم مهر علشان يكون مسموح له ان الست دي او البنت دي تعيش في بيته كل شيء له مقابل وده شيء طبيعي جدا وده من قوانين الحياه احنا بنبذل كل جهدنا في حاجه عشان ناخذ مقابل بنقوم نطبخ وبنتعب علشان ناكل المقابل ده مش حاجه عيد حاجه اساسيه فاي حد يهمك في البدايه ان هو بي. في مشاعر او بيديك حاجه بدون مقابل فهو كده يضحك عليك يا اما هو مستني مشاعر في المقابل يا اما هو مستني ان هو يدي لك علشان بعد كده يجبرك تدي له حاجه وما تقدريش تقولي عليها لا والحاجه دي مش المفروض انك تديها لك خلي بالك كويس قوي قوي من انك تركزي في الفراغ اللي عندك وتتقبلي ظروفك وتعرفي انه مش اي حاجه فاضيه نروح نملاها من اي حته هو ده اللي هيخليك فعلا تعالج التعلق المرضي سواء في الموقف ده مع الشخص ده او في انك تواجهيه في المستقبل مع اي حد ثاني.
تم النشر السبت، ٣ أغسطس ٢٠٢٤
في الواقع لا أجد كلامًا أبلغ مما قاله هو: أنا هسيبك! هذا يهددك، أين كرامتك وعزة نفسك؟ سيكون من رحمة الله بك أن يتركك. فرى هاربة لأن نهاية طريقك أليمة. وقبل أن تدافعي عن نفسك دعيني أنا أدافع عنك وأخبرك أنني أشعر بك وبألمك وبقلبك وبتمزق ضلوعك. لكن.. هذا الألم بقدر ما هو قاسٍ فهو لا يساوي ذرة من ندمك على المواصلة. استعيني بالله، أكثري من الدعاء، أنصحكِ بشيئين: سورة البقرة يوميًا، وكتاب سكن.
تم النشر الخميس، ١ أغسطس ٢٠٢٤
يا حبي، أولا حابة أقول لك إنك مش لوحدك وكلنا بنمر بمشاعر معقدة زي اللي بتحسيها. التعلق بالشخص اللي بتحبيه ممكن يكون حاجة جميلة، بس كمان لازم نكون حذرات لأنه مرات ممكن يتحول لتعلق مرضي ومؤذي. إنتي ذكرتي إن هذا الشخص كان مصدر سعادة في البداية، لكن بعدين بدأ يؤذيك ويسبب لك الألم. أول خطوة لازم تعمليها هي تحطي حدود لنفسك. حاولي تكتبي كل المشاعر والأفكار اللي جواك. هذا سيساعدك تفهمي إيش اللي تحسي به بشكل أفضل. حاولي تفكري في حياتك من غيره. شو الأمور اللي تحبي تعمليها؟ شو الأشياء اللي كنت تسويها قبل ما تعرفي عليه؟ حسّن من علاقتك بنفسك، واعملي على تطوير مهاراتك وهواياتك. وإذا ممكن، حاولي تتحدثي مع حد موثوق فيه، سواء كان صديقة قريبة أو حتى مختص. الدعم من الناس اللي حولك مهم جدًا في الأوقات هدي. بدل ما تحاولي تكملّي العلاقة بأي شكل، خدي وقت لنفسك وقرري إيه اللي فعلا تستحقينه. الحب يجب أن يكون متبادل ومبني على الاحترام المتبادل، ومش على تأنيب الضمير. خديها خطوة بخطوة، وكوني لطيفة مع نفسك.
تم النشر الخميس، ١ أغسطس ٢٠٢٤
لعرض السؤال في فدني اضغط هنا