بابا شخص كويس ربانى انا واخواتي احسن تربيه والحمدلله كان دايما جنبنا وكان ليخفف علينا بس للاسف مفيش حاجه بتبقي كامله للأسف...
من فتره قصيره مسكت تليفونه بالصدفه لقيت نفسي بشوف حجات علي التليفون ومصدومه ازاى بابا يقدر يعمل كده ! بابا بيتفرج علي فيديوهات اباحيه للاسف بابا كل سجل البحث عندو فى التيك توك بحث عن اجسام نساء وكلام عجيب محدش يستوعبوا معرفش هو عرف التيك توك ازاى مع أنو دايما بيقولنا ابعدوا عن التليفونات شويه بابا عمرو ما قالي قومى صلي بابا عمرو ما قالي دخلي شعرك جوا الطرحه ولا عمرو خد بالو لما جات عليا فتره مبقتش اصلي بابا مهتم ف كل حاجه ف حياتنا يا جماعه الا موضوع الدين وكمان هو مش منتظم ف الصلاه خالص لازم ماما الي تفكرو ومع ذلك بيخونها بيكتب للبنات ف الكومنتات تعليقات بشعه لدرجه انو جالو تحذيرات كتير من التيك توك انو بيتعدا حقوق الإنسان بسبب انو بيشتم بألفاظ محدش يتخيلها طب ليه الشخصيه دى من برا كويسه كده ومن جوا فيها حجات كتيره تكرهنا فيها معتقدش هرجع اشوفو تانى أبدا بنظره الاب الكويس هل ده نفاق ؟ انو يكون كويس وبيقولنا متعملوش كده ويروح هو يعمل ؟ انصحو ازاى ولا اتصرف ازاى لانى مينفعش اعرف انى عرفت ولا ينفع اعرف اى حد انى عرفت عشان البيت ميتفككش وانا عندى اخت لسه صغيره وانا مش ناقصه مشاكل
بابا انسان . طبعا الواحد بيتعامل مع الاب والام انهم المثال الصحيح بالنسبالهم ( ودى حاجة فطرية ) ولانه بياخد منهم فى اول سنين عمره الصح والغلط ومعتمد عليهم لحد ما يبقى كبير وقادر يفكر ويحلل ويفرق لوحده بين الصح والغلط وتتحطى بقى فى مرحلة ادراك ان بابا وماما بنى ادمين وليهم اخطائهم عادى ...عشان كده ربنا وصاكى عليهم رغم الاحتمالات الكتير لاخطائهم بابا هيفضل شخص كويس للاسباب اللى قولتيها ...وهتفضل الحاجات اللى عرفتيها اخطاء الشخص الكويس ايوه انتى بدأتى تشوفى انه كويس فى حاجات ومقصر فى حاجات زيك بالظبط ...فيكى مميزات وعيوب بردوا مش محتاجة تبصى لبابا بصه تانيه ولا محتاجة تقولى لحد و كان من الافضل انك لما تمسكى تليفون بابا لاى هدف متقلبيش فيه كده لان ربنا امرنا ( ولا تجسسوا ) سواء بالقصد ولا غصب عنك
تم النشر الجمعة، ١٠ نوفمبر ٢٠٢٣
حاول تفتح قدامه اى حاجة دينية عن الموضوع لفت نظر يمكن يتوب
تم النشر السبت، ١١ نوفمبر ٢٠٢٣
لازم حد كبير يكلمه ويعقله دى مراهقة متأخرة وباباكي مش هيتراجع بسهولة للاسف ، وطبعا مينفعش تعرفيه انك عرفتي لانه هيتكسف منك انتى ادعيله بالهداية
تم النشر الجمعة، ١٠ نوفمبر ٢٠٢٣
لعرض السؤال في فدني اضغط هنا