السلام عليكم انا خاطب من 5 شهور هى خريجة ازهر بس اول حاجة خدتنى الصراحة أن مش معنى خريجة ازهر إنها شيخة لا بالعكس حفظ القران والكلام إلى ادرس لهم هى مادة فقط لا غير ولو مش حفظ القران اجبارى للاسف مكانش اتحفظ فخطيبتى عادى يعنى ممكن تتسمى مرحة فأولا نقطة أنها خريجة ازهر وأنها هتكون ملتزمة وتراعى ربنا فيا دة كان حاجة أساسية فى اختيارى وتفضيلى لخطيبتى فدى أول نقطة هزتنى
تانى حاجة انا عندى 30 سنة وهى 22 سنة اوقات كتير باحس أن فرق السن والعقلية كبير اوى وأوقات تانية باحس أنة لا فمش عارف ممكن علشان الواحد تاجر وعندى خبرة حياتية وساعات باقول لنفسى أن الفرق دة.مهم وانى لازم اديها وقتها وأنها تتعلم مع التجربة والايام تالت حاجة قماصة لابعد الحدود من اقل كلمة ولاحظت أن دة مش معاى بس دة مع الكل فمش عارف هاعرف اتعايش مع الطبطبة والدلع دة ولا لا
رابع حاجة لاحظت لما بنكون خارجين أنها بتبص للرجالة وخائف اتكلم مع فى الموضوع دة لانى مش عارف هاقولة ازاى وللاسف مش عارف ابعادة وخطورتة
اخر حاجة انى لما باجى امسك أيدها واقرب منها هى عادى خالص مفيش مشكلة فعندى وساوس كتير فى الموضوع دة وأنها المفروض ان هما من برة متدينين ومن جوة لا وشكر واسف على الإطالة
بالنسبة لآخر نقطة .. فالغلط بدأ منك أنت لأنه لا يجوز لك أن تمسك إيديها من الأصل قبل العقد عليها ولو أنت شايف أن دة ضعف في التدين منها فهي أيضا من حقها تشوف دة ضعف تدين منك وربما يكون الغلط منها أقل لأنك اللي بدأت وهي ممكن تكون اتكسفت ترفض علشان متزعلكش .. بالنسبة لفرق السن ممكن تديها وقتها تتعلم - وطبعا أنت أدرى بعقلها - ولعلك إن تزوجتها وتقدم بك العمر وأصبحت في الخمسين وهي ما زالت شابة في بداية الأربعينات حمدت هذا الفرق في السن بينكما
تم النشر الأربعاء، ١٩ أبريل ٢٠٢٣
🎤 إجابة صوتية
تم النشر الأربعاء، ١٩ أبريل ٢٠٢٣
معلش يعني مع احترامي لحضرتك طيب ايه المميزات ال مخلياك متمسك بيها او ايه الحاجات الكويسه ال انت شايفها فيها مبدأيا كده كون ان اهلها محترمين وكويسين دي نقطه مهمه ولكن مش هي الاساس انت هتتجوزها هي مش هتتجوز اهلها فانت لازم تكون مرتاح لطباعها هي وتصرفاتها هي والواضح من كلامك انك متردد او ان مفيش الحاجات ال كنت بتدور عليها او الحاجات ال تعتبر اساسيه بالنسبه لك لي تعليق كمان ان انت لازم حتى لو بينك وبينها سنه واحده فرق مش ٨ لوسواء تزوجتها او تزوجت غيرها لازم يكون عندك ثقافة انك تدي ال قدامك فرصة انه يتعلم ويعيش مرحلته السنيه وتكون متيقن ان محدش بيغلط قاصد او بيحب يغلط ولازم يكون عندك ثقافة ان الست بتحتاج لجو الطبطبه والدلع حتى لو عندها كل خبرات الحياة فمعلش يعني حاول توسع خلقك وتطول بالك شويه قبل الزواج لان ده مطلوب منك سواء تزوجتها او تزوجت غيرها وحتى مع اولادك في المستقبل ان شاء الله اما فكرة انها قماصه فدي صفه بتكون صعب التعايش معاها شويه الا لو ممكن هي مع الزمن تتعلم وتتغير ومع المسؤوليات والضغوطات تفهم ان الصفه دي مش مريحه ليها ولا لغيرها فتبدا تطور نفسها وتتغير في الحته دي وده شئ مش مضمون لان في ناس اللهم عافنا بيكون ده طبع فيها مش بيتغير ربنا يلهمك الصواب
تم النشر السبت، ٢٢ أبريل ٢٠٢٣
طيب نبدأ بحاجه حاجه .... أول شئ انت قولت انها مرحة: ف ايه مانع انها تكون مرحة، اكيد انت مش عايز حد نكدي! تاني شئ .. السن فرقه مش كبير للدرجة، اه 22 سن يعتبر لسه برده مكونتش شخصيتها، ف محتاج انك تصبر عليها شوية لتكون شخصيتها نضجت شوية، ولكن في الاول والاخر انت حر! يعني ايه حر؟ يعني براحتك انت شايف ان ده عيب ومش قادر تتقبله ف ده يخصك انت، ب ايدك انك تنفصل بهدوء وب ايدك برده انك تكمل، ده شئ يرجع ليك في الاول والاخر. السؤال التاني اللي قولته انك لاحظت انها بتبص للرجالة؟ انت متأكد يعني انها قاصدة تبص ولا مجرد عينها جت ع اي حاجه؟ اما في نقطة مسك الايد؟ انت اللي غلطان من الاول: يعني تمسك ايدها وتقول هي متساهلة عادي؟ ما انت اللي عندك الجزء ده عادي؟ الله اعلم بيها؟ اتكسفت، احرجت، معرفتش تتعامل .... اتكلم معاها في الجزئية ديه لو حابب تفتح الموضوع.
تم النشر الأربعاء، ١٩ أبريل ٢٠٢٣
لو سمحت انفصلوا، ده أنسب شيء لك ولها، كون انك تشك، وتضايق بسبب نقص أمور كنت عايزها هيكون ليه أثر سلبي عليكم في بعد. هذه فترة خطوبة تم ايجادها علشان يقرر الطرفان إذا كانا متناسبان أم لا. وفي حالتكما للأسف الموضوع غير مناسب لكليكما
تم النشر الأربعاء، ١٩ أبريل ٢٠٢٣
قولا واحدا سيبها
تم النشر الأربعاء، ١٩ أبريل ٢٠٢٣
وعليكم السلام ورحمة الله وبركاته. أولاً، أحب أشكرك على الصراحة فيما قلت، لأن الصراحة من أهم الأسس التي يستند عليها الحوار السليم والعلاقة الجيدة بين الزوجين. بالنسبة لتخصص خطيبتك، فلا يوجد مشكلة في أن تكون مادة الدراسة الرئيسية فيها هي القرآن، فهذا أمر جيد ويدل على اهتمامها بدينها والتزامها به. ولا يعني ذلك أنها تشيخة، بل يمكن لأي شخص أن يحفظ القرآن بشكل جيد بغض النظر عن تخصصه في الجامعة. بالنسبة لفرق السن بينكما، فهو شيء طبيعي ولا يعد عائقًا أمام إقامة علاقة ناجحة إذا تعاملتما مع بعضكما بالاحترام والتفهم وحسن التواصل. والخبرة الحياتية التي تمتلكها يمكن أن تفيدك في إرشاد شريكة الحياة الجديدة. بالنسبة للقمصان والدلع، فهذا أمر يحتاج إلى بعض التوازن، لا يجب الإفراط فيه أو الغياب التام عنه، ويجب عليك التحدث مع شريكتك بصراحة لإيجاد توازن يناسبكما. وبالنسبة لنظراتها للرجال، فهذا أمر يحتاج إلى التحدث معها بصراحة وعدم الاستسلام للخوف، فالتواصل الصادق والمفتوح يساعد في حل العديد من المشاكل الزوجية. وأخيراً، أريد أن أذكرك بأن الأسس الأساسية لنجاح الحياة الزوجية هي: الصراحة، التفهم، الاحترام والتواصل الجيد. وبالتأكيد ستواجهون بعض التحديات والصعوبات في الطريق، ولكنها ستكون فرصة لكم لتقوية علاقتكما وتطويرها. فأتمنى لك التوفيق والنجاح في حياتك الزوجية.
تم النشر الأربعاء، ١٩ أبريل ٢٠٢٣
لعرض السؤال في فدني اضغط هنا