انا بنت عندى ١٥ سنه عندى متلازمة جوسكا لكنها اتطورت معايا جدا بقالها عندى ٨ سنين بحس أن فيه جوايا شخصين واحد بيخلينى اب عن ربنا واعمل حاجات وحشة وده شخص الشرير أما الشخص التانى بيكون طيب واعيزنى اسيل الفون واذاكر واهتم بصلاتى واهلى وحياتى واكون إيجابية ومتفائلة على عكس الشخص التانى صراع صعب اوى ومبكنش عارفة اسمع كلام مين ولا اعمل ايه مع أن عارفة أن الشخص الأول شرير بس احيانا بضعف واتجه له واقعد على الفون واضيع الصلاة والمذاكرة حاولت اتخلص من الموضوع ده للاسف معرفتش وحاسيت انى اتغيرت ثقتى فى نفسي اتهزت جامد مبقتش بثق فى نفسي خالص وبخاف وقلبي بيقعد يدق بسرعة رهيبة فى بعض الأوقات من قلة ثقتى فى نفسي ومن الخوف كا فى الاول ثفتى فى نفسي قوية جدا كنت واثقة جدا من نفسي ثقة عمياء ولكن دلوقتى بسبب الموضوع ده وبسبب انى بقيت ابص لغيرى وأسباب تانية اتغيرت ومبقتش اثق فى نفسي وبحس احيانا انى ضعيفة وانى فاشلة وانى شخص وحشة وبسبب كده معدش عندى اي ثقة فى نفسي خالص فأتمنى حد يساعدني وينصحنى وهل الصراع الا عندى ده مرض ولا ايه اتمنى حد بجد يساعدنى وينصحنى وهكون ممتنه ليه جدا ...
السلام عليكم ، سعات الإنسان بيتعرض لمواقف مؤذيه كتير فى حياتو ومشاكل كبيره من اهلو ومن الي حواليه وسعات بيفشل فى حجات كتير اوى ف حياتو ممكن يفشل في الحب أو الدراسه او اى حاجه كان نفسو فيها وبمإن الإنسان طبعو انو هو يحب التفكير ف سعات التفكير بيبقي مصحوب بوسوسة شيطان تخلي الإنسان بفكر افكار غريبه تشجعو كل أفعال مش كويسه وف الحقيقه كل ده بيكون وهم يعنى مثلا ربنا بيبتلي كل واحد ب ابتلاء مختلف وكلنا مختلفين فى طريقه استوعابنا للابتلاء ده فى ناس بتكون قويه وناس ضعيفه الناس الضعيفه دى بتهرب من المشاكل والضغوطات بإنها تسمع اغانى أو تشوف اى حاجه وتتخيل أنها عايشه فى عالم تانى عشان تهرب من الواقع ممكن يكون الإنسان معدووم الشخصيه ومنبوذ ومع ذلك عشان يحيي نفسو بالراحه يتخيل انو حد كويس وهكذا الملتزمه دى انتى بتدخلي فيها كل الاحلام الي معرفتيش تنفذيها لو تعرفي تتابعي مع دكتور يكون شىء كويس أو اتفرجى علي فيديوهات اكتر عن الموضوع ده هيفيدوكى إنشاءالله 🥰
تم النشر الجمعة، ١٧ نوفمبر ٢٠٢٣
مين قالك أن دا مرض فيه تشخيص طبيب للمرض . ايا كان دا امر طبيعي نفسك تميل الي تراخي والكسل وراحة وانتي بتحاربي ما بين دا ودا هنا لازم تكوني علي واعي وانا شايفك واعيه جدا للأمر تذكية النفس مهمه جدا لو كان لأمر سهل للنجاح الجميع ولكن الذي يصبر ويجهاد يصل واصعب جهاد هو جهاد النفس كملي وربنا معاك وحافظي علي صلاتك جدآ اوووعي تاخريها دقيقه واحده وعليك بقراءة وحفظ سوره البقره مهم جدا فيه برنامج كويس جدا بالنسبة للموبايل وتحكم فيه واختيار البرامج المهمه "detox" أو برنامج Bhuind وربنا يوفقك يارب العالمين 🤲🌸
تم النشر الجمعة، ١٧ نوفمبر ٢٠٢٣
هو مبدئيا فيه اطباء واستشاريين نفسيين ولو مفهاش مشكله لادارة الابليكيشن ممكن اجبلك اسم ابليكيشن كويس فيه اطباء من كل التخصصات وف كل محافظات مصر
تم النشر الأحد، ١٩ نوفمبر ٢٠٢٣
طب واحجز ازاى
تم النشر الأحد، ١٩ نوفمبر ٢٠٢٣
ممكن تحجزي استشارة نفسيه اونلاين وف سرية تامه وبتختاري الطبيب الي انتي عايزة واوقات الجلسه وقريبا الجلسه والواحدة بتبقا ف حدود ٥٠ جنيه بس لازم التعب النفسي الناس مستهونة بيه والله خطير بجد لانه بيغير مسار حياة المصاب انا اعدت فترة طويلة يعاني من اكتئاب شديد والله بس الحمدلله اتحسنت نوعا ما
تم النشر الأحد، ١٩ نوفمبر ٢٠٢٣
حاولت لاقى دكتور نفسي وملاقتش حد للاسف فى قريتى
تم النشر الأحد، ١٩ نوفمبر ٢٠٢٣
ان النفس لأمارة بالسوء واصعب جهاد هو جهاد النفس لان دايما هتلاقيها بتدلك علي الغلط ولازم علي قد ماتقدري تحاربي ده .. ولو جه ف بالك اي فكرة وحشه تقولي لا مش هعمل ده بس لو حسيتي ان الموضوع اصعب من كده لازم طبيب نفسي
تم النشر السبت، ١٨ نوفمبر ٢٠٢٣
هل من ايجابة مفيدة دون استهزاء ؟..................
تم النشر الجمعة، ١٧ نوفمبر ٢٠٢٣
لعرض السؤال في فدني اضغط هنا