السلام عليكم
انا في تالتة ثانوي وعندي حاله رعب بجد انا الحمد لله حالي احسن من غيرى بكتر بس انا بقيت أنام كتير جدا ومش عارفه اعالج الموضوع دا بس مش ده الموضوع هي الناس الي بتبدأ من دلوقتي وبيدخلوا طب كانو بيعملوا إيه ياريت والله يقولوا
السلام عليكم، هحاول أكلمك من خبرتي رغم إن النظام تغير كتير عن أيام ما كنت أنا في الثانوية العامة لكن النصائح عامة وأعتقد تناسب أي نظام تعلم. بالمناسبة أنتم في حال أفضل كتير حتى لو فيه مشاكل بنظام التعليم لكن عندكم حاليا كل حاجة موجودة أونلاين وسهل جدًا تلاقي المعلومات اللي محتاجاها أو لو مش فاهمة من طريقة شرح مدرس تلاقي شرح تاني أنسب وأسهل لك. بالنسبة للنصائح: فطبعا على رأسهم، الاستعانة بالله وتجديد نيتك من الدراسة: افتكري دائما إن لا حول ولا تغير من حال إلى حال إلا بالله ولا قوة لفعل التغير إلا بالله سبحانه وتعالى، فاستعيني بالله ولا تقصري في صلاتك على أساس انشغالك بالمذاكرة. ثانيا، البعد عن القلق تماما، الخوف هيؤدي لنتيجة عكسية.. وبلاش تفكري في طب أو غيره أو تقلقي على مجموعك أو الامتحانات هتكون عاملة إزاي وهل هتلحقي ولا لأن... كل ده هيضيعك... لما كنت بالثانوي مفكرتش في النتيجة ولا الامتحانات ولا شغلت نفسي ألحق طب أو غيره... كنت مهتمة بمذاكرتي والمراجعة وإني أعمل اللي عليّ وأنا موقنة إن ربنا هيوفقني وهيختار لي الأفضل مهما كانت بقى الكلية اللي هدخلها في النهاية. ثالثا، بلاش تخلي توقعات الأهل ورغبتهم في دخولك كلية معينة يضغط عليكِ. رابعًا، حتى لو هتبدئي دلوقتي فالوقت كافي بس بشرط تنظمي وقتك وخطتك مذاكرتك تكون مرنة ويكون فيها وقت لنفسك وراحتك عشان ميحصلش لكِ احتراق وتتوقفي عن المذاكرة نهايئا. خامسًا، قبل ما تبدأي مذاكرة الدرس أو سماع شرحه اقرأيه سريعا عشان تاخدي فكرة عنه وبعدين اسمعي الشرح مرة بسرعة وبعدين مرة تانية بتأني وسجلي ملاحظاتك. سادسًا، المراجعة مهمة جدًا جدًا، أي درس تذاكريه راجعيه أولًا بأول لأن ده هيثبت المعلومات وهيبقى استرجاعك لها سهل وقت الامتحان. نومك ملخبط عشان الخوف والقلق اللي انتِ فيه، فرغي مشاعرك على ورق واقعدي مع نفسك ونظمي أفكارك عشان تقللي الخوف ومارسي رياضة عشان تحسني نفسيتك ونظام نومك وممكن تشوفي أعشاب للاسترخاء والأرق من عند العطار، هتساعدك جدًا. النوم مهم جدًا وخصوصا قبل الامتحانات عشان تقدري تسترجعي المعلومات في اللجنة. دي حاجات أنا عملتها والحمد لله مرت الثانوية بخير... ابعدي عن التحفيز الخارجي وركزي على برمجة تفكيرك صح واعملي اللي عليكِ وإن شاء الله ربنا هيوفقك للي فيه الخير لكِ مستقبلا. بالتوفيق إن شاء الله.
تم النشر الأربعاء، ١٢ فبراير ٢٠٢٥
الكلام التحفيزي حلو بس مؤقت ، كتير من الناس اللي مروا بنفس التجربة يبحثون عن مصدر للتحفيز وكدا عشان تسمع كلام تحفيزي مؤقت لفترة قصيرة وبيروح 😑 طيب يا جماعه نعمل ايه هي حاجة واحدة هتخلي التحفيز والحماس بتاعك متجدد طيب ازااي يعني شوقتنا، طلب بسيط أثناء حضورك الدرس والمدرس بيحل امتحان مثلا أو بيسأل طلبة قل لي شايف ايه؟! همم هممهم مم 🤔 مش شايف حاجة 😅 أقولك انا شايف ايه شايف طلبة زمايلي بتجاوب شايف ناس متفاعلة مع المدرس ناس بتطحن نفسها عشان تحقق حلمها ، طيب وأنا أنا كذا وكذا وكذا طيب نفسك تكون زيهم، اه زيهم وأحسن وتكون أشطر منهم بل وأشطر وأشطر وأشطر 😾 طيب ازااي ضاعف الإنتاج ايوا انا مش زيهم انا احسن والدليل اللي ذاكروه في المدة دي كلها انا هذاكرها في المدة القصيرة دي وهسحقهم كلهم كلهم ، اه انا اسف هيبرت شويا 😅 كل ما تحسي باحباط ما عليك سوى النظر اليهم انت لا تحسدينهم ، انت تسعين لتكوني افضل منهم ومن أي شخص آخر. أخيرا ضاعف الإنتاج أكتر واكتر 😾💯 وركزي على المجموع اكتر ومش على الكلية تبا لماذا يسعى الجميع لدخول كلية الطب متخليك مختلف هو كل المجتمع ماشى بنفس النمط ليه في ناس حققت نجاح لم يحققه الطبيب 🤔🤨
تم النشر الأربعاء، ١٢ فبراير ٢٠٢٥
وعليكم السلام ورحمة الله وبركاته. أختي العزيزة، أقدر تمامًا مشاعرك وما تواجهينه من قلق بشأن العام الدراسي ومصيرك الدراسي. مرحلة الثانوية العامة تعدّ من الفترات الحساسة في حياة الطلاب، ويشعر الكثيرون بتوتر ورعب من امتحاناتها وماذا سيحدث بعدها. أنصحك بأن تركّزي على تنظيم وقتك بشكل جيد، حيث يمكنك وضع جدول دراسي يتيح لك مراجعة المواد بطريقة مريحة ومتدرجة. حاولي أيضًا أن تتعاملي مع الامتحانات كفرصة لإظهار ما تعلمته بدلًا من الخوف منها. أما بالنسبة للحالة التي تشعرين بها من النوم الزائد، فهذا قد يدل على إرهاق نفسي أو جسدي. من المهم أن تحاولي الانخراط في أنشطة تفيدك وتجدين فيها متعة، مثل القراءة أو متابعة هواياتك. تواصلي مع أصدقائك أو عائلتك، وأحمدي الله جل جلاله على ما لديك من نعم، فهذا قد يساعدك على العودة إلى طاقتك الطبيعية. وكذلك، لا تترددي في طلب المساعدة من معلماتك أو المرشدين النفسيين في مدرستك عند الحاجة. الأهم أن تحافظي على إيجابيتك وثقتك بنفسك. أسأل الله أن يوفقك ويسهل لك الأمور جميعها، وكوني مطمئنة أن لكل جهد نتائج، والسعي والاجتهاد هو الطريق للنجاح.
تم النشر الأربعاء، ١٢ فبراير ٢٠٢٥
"وأن ليس للإنسان إلا ما سعى و أن سعيه سوف يرى" ، دايما اعملي اللي عليكي بزيادة هاتي آخرك فيها و سيبي النتيجة على ربنا، الخوف و القلق مش بيحل حاجة بيدمر حياتنا بس، هل انتي راضية عن مستواكي و انتي نايمة و مش عايزة تبذلي مجهود اكيد لا فانسي اللي فات ابدأي من دلوقتي تبذلي كل طاقتك و بس متفكريش في نتيجة يا رب النتيجة تبقى كويسة طبعا بس لو لا قدر الله محصلش هتبصي و تقولي لا انا عملت كل حاجه و بزيادة يبقى ربنا مش هيضيع مجهودي و بعد عني الكلية دي مثلا لانها مش افضل حاجة ليا الخير في حاجة تانيه فهو ده الكونسيبت اللي المفروض نمشي بيه بنعمل اللي علينا و نسعى لكن محدش عارف هيروح فين في كلية او شغل بس ببقى واثق ان ربنا مش هيضيع تعبي و مش هلوم نفسي ساعتها ولا هتضايق لاني تعبت فعلا فاهماني و ربنا يوفقك
تم النشر الأربعاء، ١٢ فبراير ٢٠٢٥
كانوا بيحلوا امتحانات معندهمش وقت للنوم الخوف اللي انتي فيه ده هو هيكون السبب في فشلك ومهما تذاكري وانتي خايفه مش هتحققي حاجه والنوم ده هروب من المذكره ابدئي دلوقتي حالا عشان بعد كده الندم مش هيفيد وهتتمني أن كل لحظه ترجع تاني واللي ربنا كتبه هتشوفيه بس اسعي وتعملي اللي عليكي
تم النشر الأربعاء، ١٢ فبراير ٢٠٢٥
.
تم النشر الأربعاء، ١٢ فبراير ٢٠٢٥
.
تم النشر الأربعاء، ١٢ فبراير ٢٠٢٥
.
تم النشر الأربعاء، ١٢ فبراير ٢٠٢٥
لعرض السؤال في فدني اضغط هنا