سلام عليكم ورحمة الله
يا جماعه ايه علاج تبلد الاعصاب في الصلاة انا حرفيا مش قادر اقوم اصلي معرفش ليه بحس ان عقلي واقف مش قادر يتحرك... وبقول هل انا عملت ذنب الفتره اللي فاتت بلاقي ان مفيش حاجه... حتى الفتره اللي فاتت لما نزلت المسجد برتاح اكتر في الصلاه هناك بس المرادي مش قادر اتمم الصلاه حتى بالبيت 🥺😓
و عليكم السلام و رحمه اللّٰه و بركاته أولاً لازم تكون عارف ان ده مجرد شيطان مش اكتر و لازم تتحدى شيطانك و تصلي حتى لو حاسس ان عقلك واقف مش قادر يتحرك و انك مش عارف تركز كويس ف الصلاه لازم تجاهد ف ده بسم الله الرحمن الرحيم ﴿ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ﴾ فجاهد في التوبه إلى اللّٰه حتى لو كنت مسبقاً شخص مبتصليش حاول متخليش الشيطان يلعب بعقلك و يفهمك انك خلاص كدا ضعت و مش قادر ترجع تاني الموضوع ف البدايه هيبقا صعب تنتظم و لكن جاهد حاول ع قد متقدر جرب تتحدى نفسك اسبوع هتصلي كل الفروض ف وقتها بعدها طول مُده التحدي شهر و لما تعمل التحدي دا بنجاح كافئ نفسك ب انك تشتري حاجه بتحبها مثلا و نصيحه مهمه جدا جدا جدا لو بتسمع اغاني ف هي أكبررررر سبب يخلي عندك المشاعر دي تجاه العبادات صدقني انا كنت مدمناها و كنت زيك بظبط و لكن الحمد لله من ساعت مبطلتها و حياتي اتغيرت تماماً القرآن و الأغاني مبيجتمعوش ف قلب واحد حاول ع قد متقدر تبطل تسمعها بموسيقى حتى و شغل قرآن كتير و ادعي ف صلاتك ان ربنا يثبتك و في بردو كذا بودكاست تقدر تسمعوا هيحسن حياتك جداااا ارشح ليك بودكاست وعي رغم انو كويل بس اسمع حبه منو ع الأقل صدقني هيفيدك جدا و اسأل اللّٰه لنا و لك الهدايه
تم النشر الاثنين، ٢٩ يوليو ٢٠٢٤
عليكم السلام ورحمة الله وبركاته مشكلتك منتشرة وحلها يسير بإذن الله. قبل الأذان توضأ في البيت وتحرك، قل لنفسك سأذهب لشراء أي تسالي أو تناول القهوة أو أي شيء مفضل لديك. ثم إذا اشتريت شيئًا يمكن تأجيله مثل الشيبس مثلًا اتجه للمسجد ثم بعد الصلاة عد لتناول ما اشتريته كمكافأة. الفكرة هنا أنك تتحايل على نفسك، تسايسها بمعنى آخر. محمد بن المنكدر قال جاهدت نفسي أربعين سنة حتى استقامت، والملهيات في عصرنا تكاد تغرقنا. قلل تصفح الهاتف قدر إمكانك، وهنا أقصد التصفح غير المفيد. أكثر من الذكر فإنه معين على الطاعات. وعندما يوفقك الله للصلاة أكثر من الدعاء بطلب الحول والقوة من الله وردد دعاء النبي اللهم أعني الى ذكرك وشكرك وحسن عبادتك. لو كان متاحًا أن توصي جار لك بالمرور عليك في طريقه للمسجد فهذا سيعينك كثيرًا.
تم النشر الاثنين، ٢٩ يوليو ٢٠٢٤
وعليكم السلام ورحمة الله. حبيبي، أولاً، حاسس بمشاعرك وكأنك مش لوحدك في الموقف ده. الكسل والتبلد أحياناً بيكونوا ناتجين عن ضغط نفسي أو قلق. عشان تتخلص من التسويف وتخلي نفسك تصلي بانتظام، حاول تبدأ بخطوات بسيطة: ضع روتين : حاول تشمل الصلاة في روتين يومك. مثلاً، ممكن تحدد وقت معين للصلاة وتحاول تخليه جزء من يومك. اذهب للمسجد : زي ما قلت، لما تنزل المسجد بتحس براحة أكتر. حاول تنزل مع حد من الأصدقاء، لأن المشاركة مع الناس بتحفزك أكتر. التفكير الإيجابي : بدل ما تفكر في الكسل، حاول تفكر في الإحساس الجيد اللي بتحس به بعد الصلاة. اسمع قران أو أذكار قبل الصلاة، ده ممكن يحفزك. تقبل المشاعر : اعرف إن مشكلتك مش غريبة. الكل بيمر بمراحل من الكسل. اطلب من الله المساعدة وخلي عندك نية صادقة. إذا استمرت مشاعرك، ممكن تتحدث مع شخص مقرب أو مع معالج نفسي يساعدك على فهم مشاعرك بشكل أعمق. إنت موحد دلوقتي، ومتخليش الكسل يوقفك. خليك إيجابي وابدأ بخطوات بسيطة. 🕊️
تم النشر الاثنين، ٢٩ يوليو ٢٠٢٤
وعليكم السلام ورحمه الله وبركاته اول موضوع حصل فجاه وبدون سابق انذار وانت مش عارف ايه السبب فهو ممكن يكون في حد. يعني اصابك بعين حسد لو انت كنت بتنصح حد مؤخرا بان هو يلتزم بالصلاه وان احنا لازم نصلي الصلاه في وقتها وانك فعلا بتعمل كده وانك ملتزم بده بقى لك فتره فده ممكن يكون سبب خلى اللي قدامك يعني يصيبك بعين او تكون انت نفسك اصبت نفسك بعين يعني حسبت نفسك انت وانت بتقول انا ملتزم بالصلاه وما قلتش ما شاء الله على حالك يعني. خلي بالك من النقطه دي كويس جدا وجرب تعمل لنفسك رقيه شرعيه اقرا الرقيه الرقيه الشرعيه لو كمعالجه بقى في شكل الروتين فانت استعد قبل الصلاه يعني انت حط ميقات الصلاه عندك قبل ما الاذان ياذن اصلا وتكون متوضي وتكون مجهز سجاده الصلاه او تكون متوجه للجامع وقاعد مستني قبل ما الاذان ياذن ده هيكون افضل لك كثير جدا علشان يرجعك ثاني باذن الله.
تم النشر الثلاثاء، ٣٠ يوليو ٢٠٢٤
لعرض السؤال في فدني اضغط هنا