بحس ان انا شخصين في نفس الوقت شخص غشيم و مش بيفرق معاه الناس ولا بيطيقهم حتي و مش بيحب يتعامل معاهم ايا كان مين مش بيحب يسيب حقه و الشخص التاني هادي و محترم و عشري و بيحب الضحك و الهزار و الفرفشة
دا كمان ماثر عليا في قراراتي اللي باخدها ممكن اخد قرار اهبل غشيم و في نفس اللحظه اسمع صوت بيقولي لا اعمل كذا احسن
و المشكلة اني فعلا بحس ان في حد بيتكلم و دماغي بتفرقع لما بيحصل كدا
لكن انا بطبعي هادي و محترم و بحب السكينه بس عندي ولدي و ولدتي من صغري و هما في مشاكل و لحد 5 سنين
دلوقتي بقي ولدي حبث ولدتي ظلم و كان بيجي عليا وانا صغير و يعنفني و كان بيظلمني كتير
و دا اللي خلاني بتعامل بسخصيه عنيفة
و دلوقتي اهو ولدي طاردني و عايش انا لوحدي بقالي شهرين و بحث اني لوحدي كتير مع اني عندي صحاب بس مش بحب اتعامل معاهم بحثهم منافقين او كذابين لدرجه اني معنديش صاحب كمل معايا 4 شهور علي بعض
و اللي بيكمل بيكرفلي
لكن انا هموت و يكون عندي صحاب واحد علي الاقل يسمعني
و لما فكرت لقيت ان محدش هيسمعني ولا هيحتويني غير بنت و بسبب كدا عايز اتجوز و اشاركها حياتي بمشاكلي كلها انا مش عايز منها حل لاني كدا كدا بعرف اجيب حل بس الفكره عايز حنيه انا اخر مره امي خدتني في حضنها كلن وانا عندي 7 سنين من ساعتها لحد النهارده معملتش كدا مع العلم إن انا عندي 20 سنه
المشكلة اللي عندي في موضوع الشخصيات دا انه بيبان في كلامي نفسه اصلا ممكن اكون بتكلم مع حد و بعدين الطريقة تتغير من نحيتي في التعامل و انا ملاحظ دا بس مع عارف اتصرف
و كمان في حاجه الوحده اللي انا فيها دي مزعلاني جدا و تعباني مبقتش بحب اتعامل مع حد بس بما بتعامل اللي اتعامل معايا يب يتعامل كتير من اول مره
بسبب الزعل اللي عندي دخلت علي موقع و عملت اختبار للأمراض النفسية
لقيت كاتب لديك اكتئاب شديد هي دي نتيجه الاختبار
دا موقع اماراتي
انا عايز خل دلوقتي لموضوع الشخصية و حل لموضوع الاصحاب و الاحتواء و كدا
و حل لموضوع الشعور بالوحده
و حل للاكتئاب
مع العلم انا من ساعه ما قاعدت لوحدي مافيش حد من صحابي بيتعامل معايا اصلا من ساعه و محدش حتي بيسال
و عايز حل للاكتئاب
دول بس
بص هو انا شايفه أن المشكله نفسيه اكتر ، ممكن نقسمهم لتلات أشخاص "اسلام الطفل" "اسلام المراهق " " اسلام " - اسلام الطفل اتعرض لصدمات كتيره أثرت علي طفولته منها عنف أسري ، قله احتواء ، جفاف مشاعر واكيد الحاجات دي أثرت علي طفل مش فاهم اصلا حاجه في الدنيا لسه ف اكيد دي عملت بدايه الفجوه في عدم فهمك أو معرفتك الكويسه لنفسك وعملتلك شظيه أو بدايه للاكتئاب واللي اترتب عليه ، عايزاك تعرف أن اسلام الطفل ملهوش اي ذنب في اللي حصل وعايزاه ميلومش اللي حوليه علشان اللي حصل حصل وخلاص الوقت عدي ولازم هو يتحمل مسؤوليته أنه ياخد قراراته بعدين وأنه هو يبقي المؤثر الوحيد اللي في حياته حاليا وبعدين ويحاول يتعافي من صدمات الطفوله اللي حصلتله - اسلام المراهق هو اسلام في مرحله بعد الطفوله اللي كمل بعد العنف الأسري ونقص الحنان وقله المشاعر ف اتعامل كرد فعل أنه يبقي عنيف أو غشيم في تصرفاته عدت الأوقات ومن كرم ربنا وكل الدعم لاسلام المراهق أنه متجهش لطريق يأذيه أو مستنقع يقع فيه وميعرفش يطلع منه ويدمر حياته الحاليه وينهي حياته الجايه ، اسلام المراهق مر بفتره صعبه كان محتاج يحس أنه متطمن ، يحس بالأمان ، و التشجيع في فتره معينه وهي فتره الثانويه وخصوصا 3 ثانوي بس اسلام ملقتش ده فتكونت عنده كلاكيع اكتر ، كانت الصدمات بتزيد عليه كل شويه ، بس اسلام المراهق كان ربنا مانحه قوه تحمل أو استيعاب للي بيحصل معاه فنجاه منها بدون الحمد لله - اسلام ده الشخص الحالي اللي اتكون بعد كل اللي عدي بيه اسلام الطفل واسلام المراهق بقي عنده صدمات كتيره ، بقي عنده قله ثقه في الناس ، بقي عنده عنف ناتج عن العنف اللي شافه بمعني اصح اسلام بقي 2 في واحد ، لتحاول تخفي جزء الطيبه والحنيه اللي جواك لانك شوفت عنف كتير من اقرب الناس ليك فعايز تخرج طاقتك السلبيه أو ضيقك بنفس الطريقه اللي شوفتها من والدك وانت مش واخد بالك ، بس خد بالك انت ممكن تبقي شبهه ، متخليش اللي حصل فيك أو اثر عليك يخليك تتحول لشخص لما تبص في المراه متعرفهوش ، لشخص انت كارهه تصرفاته بس مش عارف تغيره ، خليك انت الشخص الاحسن ، خليك اسلام اللي وقف علي رجليه لواحده وبدأها من الصفر بعد لحظه أنه افتكر أن كل حياته خلاص ضاعت وقف علي رجليه و اشتغل ودخل مصدر فلوس ليه وبقي انسان مسؤل ، اسلام اللي مر بكل ده قادر أنه يعدل كل ده ويشيل شويه بشويه السحابه اللي اتكونت جواه غطت علي اسلام الحقيقي ، خليك انت الايد اللي تعتمد لاسلام الطفل واسلام المراهق علشان تشجيعهم انهم يطلعوا للنور تأني ، خليك انت الايد الحنينه اللي اديك المشاعر الدافئه اللي تستحقها ، ساعد نفسك خليك انت في صف نفسك مش تقف معاهم ضدك ، عارفه أن ده صعف حاليا علي اسلام لانه الطوبه اللي اتكونت من رمل الذكريات مش هتنتهي في لحظه بس ممكن نرجع نفتت الطوبه دي واحده واحده علشان تتحول من تاني لرمل ويطير وتتخلص منه ، حاول تروح لدكتور نفسي جرب علي الاقل مش هتخسر حاجه ، انت جربت حاجات كتير انها تحسنك بس منفعتش يمكن ده اللي يجيب فايده ، روح عند دكتور حاول تتكلم معاه تحميله عن اسلام الطفل واسلام المراهق ، تحميله انت حاسس بإيه ، نفسك في ايه ، ويمكن بعد كده اسلام يعرف هو عايز ايه فعلا والرؤيه توضح قدامه ، فكر في نفسك أو علي الاقل في انك تتحسن علشان متعملش نفس اللي حصل فيك في عيالك في يوم من الايام ، وقرب من ربنا وصلي وادعيه وربنا مش هيسيبك وهيبعتلك السند اللي يقف معاه وتكمل حياته معاك وتبقي أحسن بكتير ، ثق في ربنا أنه ممكن يحسن حياتك ويرزقك الرزق الطيب اللي تفتخر انك انت اللي بتجيبه مش بتحتاج تمد ايك أو تذل نفسك علشانه ، ساعد نفسك انت محتاج بس أن حد يمدلك أيده وكون انت الشخص ده لما تبدأ اول خطوه وتبدأها بأنك تروح لشخص يساعدك فعلا ، شخص متخصص هيفهمك ويفهم انت حاسس بإيه فعلا.
تم النشر السبت، ٢٩ يوليو ٢٠٢٣
بص كلامك يدل على انك شخص تعنف لدرجة بشعة. الحل لازم دكتور نفسي لازم وواحده واحده مشاكلك هتتحل الحنان صفة لا تكتسب بسهولة خلي عندك يقين ان عوض ربنا قريب وجميل باذن الله وأبدا فورا في رحلة العلاج ل النفسي
تم النشر الجمعة، ٢٨ يوليو ٢٠٢٣
بص حل الاكتئاب و الشخصية دة مع الأسف محتاج دكتور نفساني اما بقي موضوع الصحاب دة عايز منك تحتك بناس كتير و تنزل و تلهي نفسك في الشغل اما بقي بخصوص الجواز انساه دلوقتي خالص عشان متبقاش حاطط امل ان البنت لما تيجي كدة هي هتسمعني و انا هرتاح لا خالص انت تحاول تحل مشاكلك من دلوقتي عشانك انت حتي قبل ما اقول عشانها هي انت لسة عندك 20 سنة يعني لسة مخلصتش دراسة و لا شقة و لا شغل دة غير ان الجواز فيه حاجات كبيرة مش مجرد اننا نحكي همومنا لبعض انت عارف ان لازم الراجل و الست يبقوا متفاهمين و متعاونين لإن دة بيأثر علي الأطفال كمان و إنت عارف نتيجة دة عشان باباك كان بيعنفك و ان زي ما انت محتاج حد يسمعك هي اكيد هتبقي محتاجة حاجات كتير هل انت بقي هتقدر انك تسد كل الاحتياجات دى غير الأساسيات صعب جداااا دلوقتي انت بس زي ما قولتلك ركز في الدراسة و الشغل و الصحاب هيجوا لوحدهم و الله انا طول حياتي كل مرحلة و ليها صديق و لسة واخدة مقلب في واحدة اعرفها بقالي 4 سنين فمتقلقش يعني الصحاب و الجواز و اي حاجة عامة ليها وقتها اهم حاجة بس دلوقتي لو في امكانية انك تروح لدكتور نفساني عشان تعرف حوار الشخصية دة ان شاء الله حتي جلستين تعرف ايه مشكلتك و تحاول تشوف فيديوهات لحلها علي اليوتيوب مثلا من دكاترة موثوق فيهم و ربنا يريح قلبك
تم النشر الجمعة، ٢٨ يوليو ٢٠٢٣
عادي كل الناس عندها كذا شخصية ويوجد شخصية تظهر عالسطح وشخصية يتم طمسها فى القاع...
تم النشر الجمعة، ٢٨ يوليو ٢٠٢٣
روح لدكتور يفهمك طبيعه الصدمات الي مرت عليك ازاي تفضل محافظ عل البني آدم الكويس الي جواك ويحل الكلاكيع الي حواليك لان لازم تبقي عارف اننا بناخد اي سلبيات او ايجابيات من الي قدامنا وتبني شخصيتنا فا بنبدا نخاف من حجات ونحب حجات الدكتور هيساعدك تعرف نفسك كويس اوي وبالتالي تعرف تفرق مبين الشخص الكويس الي جواك والشخص الي مر بس أزمات في حياته فى بدا يعمل لنفسه حدود يحمي نفسه بيها
تم النشر السبت، ٢٩ يوليو ٢٠٢٣
اولا قرب من ربنا اوي هو الي هيقويكي ويقومك من تاني قرب بخشوع ولجوء واحتماء ليه لأننا ملناش غيره هو الي مسبب الأسباب الي حصلت في حياتك دي وهو الي قادر يخليك شخص تاني خالص ربنا بيختبرك بي الضغط ده وعايزك تقوي وتبني نفسك متخليش الشيطان يخدعك في لحظه ضعف وخليك مأمن ان زاي ما ربنا كتبلك شكل حياتك كدا يبقا خير وأننا كلنا باختلافتنا قي ابتلاءت واختبارات صعبه خليك من القله الي اهدت بي ربنا ونجحت في اختباره في الدنيا والاخره وشوفت حالك وحياتك وبنيت نفسك ومش يئست
تم النشر السبت، ٢٩ يوليو ٢٠٢٣
وشوف حياتك واشتغل واتعامل مع الناس وابدأ اعمل صداقات وهتلقي في طريقك اكيد باءذن الله ناس تهون الطريق لكن كلو بالوقت خد خطوات في حياتك ومش هتندم حتا لو دي اكتر فتره صعبه عليك بالعكس هتفتكرها وتفتكر قد اي اتحديت الاكتئاب لان الاكتئاب بيتحدا كل حاجه جوانا فا حاول متخليهوش يغلبك لأنك بي روتين واحد جديد في حياتك بتشوف قد اي في امل بس انتا حاول
تم النشر السبت، ٢٩ يوليو ٢٠٢٣
لعرض السؤال في فدني اضغط هنا