أنا عندي فوبيا رهيبة من المرتفعات حتى لو المسافة صغيرة لو أنا بعيدة عن الأرض عموماً بقلق آخرتي أبص من شباك فالدور الأول أو الثاني غير كدة مبقدرش أفضل أبص لبرا وأخرج راسي ودراعاتي أو أمسك حاجة فى إيدي وأنا ببص بحس وقتها إني بدوخ أو بطني وجعاني أو صدعت وضربات قلبي بتبدأ تتسارع شوية والموضوع ده أعتقد جالي وأنا صغيرة لما إكتشفت إن واحدة فالعمارة اللي قصادنا كانت فى سني وقتها وكانت بتبص من الشباك فا وقعت للأسف الله يرحمها ويغفرلها ويسكنها فسيح جناته.. من ساعتها بقيت أخاف وده مسببلي مشكلة بالذات فى موضوع إني لما أحتاج أنشر الغسيل أو ألمه
أهلا بيكي يا ستي. أنا فاهمة خوفك تماماً وده شعور طبيعي جداً. كتير من الناس بيخافوا من المرتفعات حتى لو كانت مسافات قصيرة. المهم إنك ما تسمحيش للخوف ده يحكمك ويمنعك من عمل الحاجات اللي انتي عايزاها. أولاً، ممكن تجربي تقفي على الشباك لفترات قصيرة وتزوديها شوية شوية. كمان ممكن تسترخي وتخدي نفس عميق قبل ما تقفي على الشباك. ده هيساعد جسمك يتعود على الموقف ده. ثانياً، لو لسه بتخافي كتير، ممكن تستعيني بحد يقف معاكي على الشباك أو يمسك إيدك. ده هيخليكي تحسي بأمان أكتر. ثالثاً، لو الخوف لسه مزعج اوي، ممكن تروحي لطبيب نفسي يعطيكي علاج مناسب لحالتك. ده مش هيضعفك، بالعكس هيساعدك تتغلبي على الخوف ده وتعيشي حياة أكتر ارتياح. أتمنى اكون قدرت أفيدك وأطمنك. أنا متأكدة إنك هتقدري تتغلبي على الخوف ده بالوقت. ربنا معاكي يا ستي ويقويكي.
تم النشر السبت، ١ يوليو ٢٠٢٣
محتاجة متابعة مع معالج نفسي علشان يساعدك تتخلصي من صدمة الأمر باذن الله
تم النشر الثلاثاء، ٤ يوليو ٢٠٢٣
اول حاجه انا بهنيكى على نيتك للعلاج ثانيا انت ممكن تبدأى ترسمى ادوار كتير على ورق وتقوى قلبك وبعدها تبصى من شباك او بلكونى فى الدور الاول ومعاك حد وبعدها الدور التانى لحد ما توصلى للدور الخامس مثلا ولو منجحتيش ممكن تتابعى مع اخصائى او دكتور نفسى
تم النشر الأحد، ٢ يوليو ٢٠٢٣
هو ده اثر صدمة مخرجتش من جواكى صح. محتاجة متابعة بسيطة مع طبيب نفسي عشان بس يفرغلك اثر صدمة الخبر ده ودى اقصر واسهل سكة ليكى عشان تتخلصى من الموضوع نهائى.
تم النشر الأحد، ٢ يوليو ٢٠٢٣
ممكن تذهب لتلك الأماكن مع شخص تحبه وتكلم معه كثيرا في مواضيع مختلفه وسيزول الخوف تدريجيا
تم النشر السبت، ١ يوليو ٢٠٢٣
دي من رأي مش فوبيا انتي بس اتأثرتي بالي شوفتيه وخوفتي حاولي تتغلبي على خوفك عادي واتعاملي عادي يعني
تم النشر السبت، ١ يوليو ٢٠٢٣
جارتك اللي وقعت من الشباك دي وقعت عشان ده قدرها واجلها ربنا كاتبلها هتموت امتي وازاي وفين يعني كل حاجة مقدره عنده يعني هيا مش اتوفت عشان كانت ف دور عالي او عشان كانت بصه من الشباك هيا اتوفت عشان اجلها انتهي متربطيش الحدث ده بالخوف من الأماكن العاليه واجهي خوفك وطلعي مثلا للدور الثالث كذا مره وبعد كده الرابع وكل كام يوم اطلعي دور زياده وخلي حد يطلع معاكي عشان متبقيش خايفه وتبقي مطمنه اكتر وان شاء الله تدريجي خوفك هيختفي
تم النشر السبت، ١ يوليو ٢٠٢٣
لعرض السؤال في فدني اضغط هنا