انا عاوزه بجد اجابه بصراحه
انا عارفه انى غلطانه بس عاوزه نصيحه التفكير وتانيب الضمير موتى هل فعلا انا خاينه ولا لا؟الموضوع من الاول انا كانت حياتى مفيهاش اى حد دخل حياتى واحد فجأه هو قريبي ابن خالتى وهو ميعرفنيش أتقدم ف التلفون هو مسافر لما نزل قعدنا سوا حصل مشكله وبِعد من غير سبب
بس قال لخويا ان اخوه قالو دى لا انا بحبها وهو بعد علشان كده اخوه ده أصغر منى ب ٤ سنين لما عرفت من اخويا بِعد ليه دخلت ماما وكلمت الولد الصغير بس هو سبق وحكى لمامته وخرب الدنيا وهو جه وقالى انا هحل المشكله دي بس مينفعش ف التلفون انا هروح لماما وهحل معاها كل ده وإن شاء الله خير.
فضلت مستنياه، استنيت كتير اوى مع العلم اننا مبنتكلمش خالص ولا حتى شات نطمن على بعض وهو كان بيكلم ماما يطمن عليها ويقول لها سلميلى ع كل اللى عندك.
استحملت اننا مبنتكلمش لحد لما جالى ٣ عرسان ف اسبوع كنت تايهه اوى وكنت محتاجه منه رد عليا ماما علشان مدياله كلمه رنت عليه قالتلو قالها الموضوع هنا صعب وأنا مش عاوز اخسر أهلى.
قالت له لا متخسرش اهلك الجواز نصيب وقعدت انا مع التلاته وقلبي مش مصدق اللى بيحصل واهلى خلاص كانو هيوافقوا على واحد منهم.
كانت بتكلمو يوم وقالتلو قول لاخوك يهدأ بنتى خلاص هتتخطب وشكلنا هنوافق الشاب كويس استنيت منه رد فعل ولا اى حاجه كنت مستنيه يدخل يبعتلى يقول متسبنيش مقالش اى حاجه وبعدين رفضت العريس كانت حصل مشاكل وهو وماما مش بيتكلمو بس ميعرفش انى رفضت وخلاص كده نهى كل حاجه مع ماما تقريبا.
دخل واحد صحبو اوى قالى عاوز اتقدملك وأنا معجب بيكى قولتلو بيتنا مفتوح وقفلت بس كنت متضايقة منو وغيظى خلانى ارد عليه بعد إلحاح كبير اوى بس كل ده علشان أضايق فيه وكنت كل يوم اقولو كلم صحبك قولو انا عاوز اخطب بنت خالتك شوف هيقولك اى مع العلم حكتلو ان صحبو كان عاوزنى قالى انا معرفش الموضوع ده مع انو كداب وهتعرفو ليه هو كداب كان أول مره حد يهتم بيا كده محبتوش بس حبيت اهتمامه اوى وكنت كل شويه اقولو عرف صحبك اللى هو ابن خالتى انك عاوز تتقدملى وكان ديما يقولى احنا متخانقين لما نتصالح مقعدناش مع بعض اسبوع وقالى اللى بعملو ده غلط ومينفعش اخد واحده صحبي كان عاوزها واتكلمت مع امى وقالت مينفعش واتفقنا موضوع انى اسيبو عادى انا اصلا مبحبهوش، انا بحب ابن خالتى وزعلت ان الموضوع خلص قبل ما هو يقولو واشوف رد فعلو.
نزل ابن خالتى من السفر وجه علينا وقعد معايا اول مره احس ان بيتكلم كده من قلبو ومستنى خالتى تعبانه تبقي كويسه وهتنزل تخطبني قلبي كان طاير من الفرحه رقم صحبو كان عندى شافو قولتلو ان هو كلمنى علشان يتقدم ومكنش يعرف انك عاوزنى قعد يشتم قال انا مكنتش بخبي عليه حاجه كان عارف كل حاجه قعدت اهديه وقولتو لما قولتلو قالى لا صحبي مخسرهوش ومحصلش حاجه وخلاص متخسرش صحبك ومتفتحش معاه الموضوع على اساس هو كان وعدنى ان محدش خالص هيعرف اننا اتكلمنا تقريبا ورا ابن خالتى الشات بتاعنا ببعتلو رسايل كتير يشوفها وميردش وبرن مبيردش عليا انا مش عارفه اعمل اى هموت من التفكير انا عارفه انى غلطانه ان عملت كده بس والله لو هو مكانى كنت اتحججتلو باى حاجه على الاقل يفهمني ويقولى انتى غلطت ونا مش مسامحك
قلبي وجعني اوى مع العلم دلوقتى هما الاتنين اتصالحوا وينزلون صور مع بعض وبيعلقو لبعض وحشتنى ونور عينى ونن عينى اخويا يعنى انا اللى بقيت وحشه حد يقولى رأيه.
ايوه الغلط غلطتك علشان سمحتي لشباب تافهة و هايفة و معندهاش ذرة تقدير او احترام ليكي ولا لمشاعرك حرفيا انتي سمحتي لعيال يلعبوا بيكي ، بلاش تهيني نفسك اكتر من كده و أقطعي علاقتك بيهم نهائيا و احذف او احظري الأرقام و أوقفي كلام معاهم نهائيا ، لأن كده انت الوحيدة في كل الكلام ده اللي عنده شيء تخسره .. حافظي بقي علي اللي باقي من كرامتك خصوصا ان كل اللي حكيتي بيثبت انك كنتي مجرد لعبة و تسلية بالنسبة لكافة الأطراف اللي ذكرتيها ، و اعتقد ان الأوان تركزي بقي مع اهلك و تختاري حد يكون عليه القيمة دينيا و اجتماعيا و ماديا لو توفر يكون شريك حياتك بدل الأشكال العمرة دي لأن عمايله اشبه بالأطفال ، و انتي غلطتك كانت كبيرة بس يكفيك الوقت اللي ضيعتيه معاهم ، الرجولة أفعال مش كلام ، و فيه ناس ميحكمش علي نفسه و لسه يتصرف عليهم دول لا يصلحوا انهم يفتحوا بيوت مهما عجبوكِ ، أهلك عايزين مصلحتك و بيبصوا للبعيد و انت مركزة مش شخصية تعبانة و مصرة تضيعي مجهود و مشاعر و وقت معاهم ، لحد امتي ..!! ربنا يهديكي و يوفقك .
تم النشر السبت، ٢٨ سبتمبر ٢٠٢٤
والله يا بنتى انا شايفة ان فى تفاصيل كتير داخله جوه بعض بس ملخصها ان كل واحد عاوز يحس ان مفيش منه اتنين فى البلد وانه يستاهل الدنيا تقف عشانه الامور ولا غلط منك ولا منه زيه زى اى حد ...اتقدم والامور محصلش فيها نصيب ومشى اتقدم غيره واهلا وسهلا ومحصلش نصيب ومشى رجع هو اتقدم تانى ...هو بقى بيتلكك وبيبرر لنفسه اى سبب عشان يرجع فى طلبه للجواز تانى ...دى حاجة ترجعله ( بس هو عملها بقلب ترابيزه ) بردوا اسمها مفيش نصيب ومع السلامة انتى تصرفاتك كانت متخبطة لانك عاوزة تتخطبى عموما ولانك بردوا عاوزه تحسى انه مشتريكى اوى وبيعمل عشانك ..بس هو مش بيعمل حاجة وانتى اللى شاغله بالك اكتر منه الملخص ...نصيحتى انتى اللى اقفلى الموضوع ووقولى الحمدلله على كل المواقف اللى عرفتنى ان هو مش احسن حد ليا وبس
تم النشر الجمعة، ٢٧ سبتمبر ٢٠٢٤
أختي العزيزة، أقدر مشاعرك وأفهم مدى الصراع الداخلي الذي تمرين به حاليًا. من الواضح أن الموقف الذي تواجهينه صعب ومعقد، وأنت تشعرين بالندم والذنب حيال ما حدث. أولًا، يجب أن تدركي أن الأخطاء جزء من الحياة والتعلم. من المهم أن تعترفي بخطأك وتحاولي فهم السبب وراء ذلك. لقد كنتِي في وضع نفسي صعب، ولذا ربما كان البحث عن الاهتمام أو الحب هو ما دفعك لتصرفات قد لا ترغبين بها. من المهم أن تحاولي استعادة توازنك، وأن تركزّي على ما هو قادم. بدلاً من التركيز على ما حدث، حاولي التفكير في كيف يمكنكِ التعلم من هذه التجربة لتجنب تكرارها في المستقبل. تأملي في مشاعرك واحتياجاتك الحقيقية، واعملي على تطوير نفسك وبناء علاقات صحية مبنية على الثقة والاحترام. حاولي التواصل مع الأشخاص الذين يمكنهم دعمك ودفعك للأمام، سواء كانوا أصدقاء أو أفراد من العائلة. وكوني صادقة مع نفسك ومع مشاعرك. إذا كان ابن عمتك هو الشخص الذي ترغبين به، فقد يكون من المفيد إعادة التفكير في كيفية بناء هذه العلاقة بشكل صحيح لاحقًا. أخيرًا، لا تدعي الخوف من حكم الآخرين يعيق تقدمك. ستركزِي على خطواتك القادمة، وتعلمي من هذه التجربة لتكوني أقوى وتحققي سعادة حقيقية في حياتك. كوني دائمًا مع نفسك بمرونة وشفافية، واطلبي العفو من الله عن ما حدث، فالتغيير والتوبة هما طرق مفتوحة للجميع.
تم النشر الجمعة، ٢٧ سبتمبر ٢٠٢٤
لعرض السؤال في فدني اضغط هنا