كنت مرتبطه بواحد م الصعيد من حوالي سنتين وسبنا بعض ونا م البحيره برغم اننا متقبلناش ولا مره ولا كلمتو فديو كول ولا مره بس كنت بدمنو حرفيا كنت متعلقه بيه اكتر من امي وابويا وكنت بخاف عليه م الهوا واكتر من نفسي بس هوا اذاني كتير من بعدها مش عارفه احب ومشاعري ماتت وقلبي مات وحسسني اني وحشه ومتحبش،
اتأذيت كتير منو ومن صحابي بس برغم كل الي عملو فيا مسامحة كان بيكلم عليا يجي 30 بنت وكنت عارفه بس فضلت مكمله معا وخطب ونا بكلمو وفضلت مكملة معا وبعد ما سابها فضلت مكمله معاه
كنت بقول لنفسي دا اكيد عملي سحر عشان بحبو الحب دا كله ف كتير عايزين يكلموني ويجو يخطبو بس انا مبقاش عندي ثقه ف حد ولا فنفسي ونا ف اولي جامعه وضايعه حرفيا بالله اي شخص يشوف المنشور ده يدعلي دعوه من قلبو ويديني نصيحه❤🩹.
السلام عليكم، اللي انتِ فيه ده مش حب وعمره ما كان حب. ده تعلق مرضي. الحب مش معناه تهدري مشاعرك وكرامتك وتتقبلي الأذى والخيانة ومش معناه تكوني مع شخص واضح إنه شخص سيئ جدًا وعمره ما أحبك. اللي بيحب واحدة هيخاف عليها من الحرام ومش هيصاحبها ويكلمها وهيتقدم لها عشان يكمل معها حياته وهيخاف على سمعتها أولا وثانيًا مش هيخونها مع 30 واحدة. أنتِ مريضة بالشخص ده مش بتحبيه. حلك إنك أولا تتوبي بصدق وتستغفري عن علاقتك به وتستعيني بربنا عشان هو وحده يقدر يساعدك ويطهر قلبك من المرض ده. ثانيًا، اقعدي مع نفسك وفكري هل أنتِ للدرجة دي شايفة نفسك قليلة؟ للدرجة دي أنت متستحقيش تكوني مع حد بيحبك ويقدرك فعلا وميفكرش يخونك أو يبص لغيرك؟ للدرجة كرامتك ومشاعرك قليلة عشان ترميها لأي شخص ميستحقش سواء ده أو غيره. ** فوقي لنفسك محدش هيساعدك غيرك. الشخص ده كان بيتسلى وخلاص راح لحال سبيله وكان درس قاسي واتعلمتِ منه. انتِ لسه صغيرة أولى جامعة دي لسه صغيرة قوي، محتاجة تركزي في حياتك ودراستك. بلاش علاقات تاني عشان حرام. ربنا عارف إنها مؤذية لنا وعشان كده حرمها، منروحش احنا نرمي نفسنا في النار وبعدين نندم. ** ثقتك بنفسك هترجع لما تنجحي في حياتك ودراستك ولما تقدري نفسك وتعرفي إنها غالية فتعززيها ومتسمحيش لأي مخلوق يلعب بك مرة تانية.
تم النشر الاثنين، ٢٧ يناير ٢٠٢٥
عزيزتي، أشعر بمعاناتك الكبيرة، وأود أن أقدم لك بعض النصائح التي قد تساعدك في استعادة ثقتك بنفسك. أولاً، من المهم أن تدركي أن التجارب المؤلمة التي مررت بها لن تحدد قيمتك أو مكانتك. كل إنسان يستحق الحب والاحترام، وأنت أيضاً. تذكري أن الظروف الصعبة يمكن أن تكون دروساً لنا في حياتنا، لكن لا يجب أن تجعلنا نشعر بأننا أقل شأناً. ثانياً، حاولي أن تبدئي في بناء ثقتك بنفسك من خلال اتخاذ خطوات صغيرة. يمكنك البدء بتخصيص وقت لنفسك لتفعلي ما تحبينه، سواء كان ذلك ممارسة هواية، أو قراءة كتاب، أو حتى الخروج مع أصدقائك. ثالثاً، إذا كان هناك أصدقاء أو أفراد عائلة يساندونك، فلا تترددي في التحدث معهم عن مشاعرك، فالتواصل قد يساعد في تخفيف العبء النفسي. رابعاً، إذا كنت تجدين صعوبة في تجاوز مشاعرك، فقد يكون من الجيد التفكير في استشارة متخصص نفسي لمساعدتك في معالجة تجاربك والمضي قدمًا. وأخيرًا، لا تنسي الدعاء. تضرعي إلى الله أن يمنحك القوة والصبر لتجاوز هذه المرحلة. تذكري دائمًا أن القادم أفضل، فقط عليك أن تثقي بنفسك وتؤمني بأنك تستحقين كل الخير.
تم النشر الاثنين، ٢٧ يناير ٢٠٢٥
حبيبتي لازم تفوقي لنفسك وتعملي وقفه قدام نفسك انتي ليه بترخصي نفسك كده انتي لازم تثقي في نفسك اكتر من كده وتأكدي إن ده مش حب ومش هتموتي من غيره جربي تسيبيه هتتوجعي وجع مش طبيعي بس هترجعي أقوى من الاول وفي الفتره دي متحاوليش تتخطبي أو تتعرفي علي اي ولد غيره لانك هتلاقي نفسك بتتعلقي بيه انتي لازم تتعالجي تماما وتاخدي وقتك من العلاقه الأولى وبعدين تفكري انك تتخطبي وفكري بعقلك شويه الشخص ده هيصونك ولا لأ وحاجات كتيره اوي ممكن تكتبيها في ورقه ايه صفات الشخص اللي بتدوري عليه وقبل كل ده ياريت تعرفي قيمه نفسك كويس واقفي قدام المرايا وقولي لنفسك هل أنا تستاهل الذل ده كله والوجع ده لازم أرحم نفسي
تم النشر الثلاثاء، ٢٨ يناير ٢٠٢٥
الحب كلمة معناها مشاركة المشاعر لكلا الطرفين ، والمشاركة إذا توقفت من جانب واحد لم يعد حب وصار استغلال من الجانب الآخر. والشاب حينما يتعلق بفتاة تعلق نقول عليه حبا إذا ما أثر عليه الحب فمثلا كان ينظر للنساء الآن هو في علاقة يتوقف ويحترم ذلك ويدل ذلك على صدق محبته لكن أنت الآن تقولي أنه عرف عليك أكثر من فتاة، هل هذا حب الآن؟! هو ليس آخر رجل في الدنيا وكل حاجه خسرتيها بسببه ارجعي صلحيها وإن شاء الله تلاقي اللي يستهلك خلي كل حاجه في وقتها ونركز على كليتنا ومستقبلنا الأول وبعدين نفكر في الزواج 🙂💛
تم النشر الثلاثاء، ٢٨ يناير ٢٠٢٥
لعرض السؤال في فدني اضغط هنا