وعليكم السلام انتى عارفه ان حبك لفاكهة معينة غير حبك لنوع من الاكل الحادق. المقارنه بين مشاعرى وحبى لشخص وشخص تانى ...هى حاجة زى كده كأنى بقارن حبى لحاجة مسكرة بحاجة حادقة. مسألة صعب تفصلى فيها بشكل قاطع.....ودى اول نصيحة منى ....متقارنيش درجة الحب ولا نوع المشاعر ولا شكلها. السنين اللى عدت اصلا ممكن تخليكى لو شفتى خطيبك السابق متحبيهوش ولا حاجة. انتى حابه الذكريات اللطيفة دلوقتى ...الاحساس اللى طلع وقتها نفسك تدوقى منه تانى ( زى المغتربين اللى بينزلوا اجازة من دبي وعاوزين ياكلوا كشرى كده ) معلش معرفش امثلتى كلها اكل كده ليه ...هههههه فرق السن بينكم عادى جدا موضوع انه بيبص ده يا اما انتى خطيبك القديم كان كده وده خلاكى شكاكه يا اما انتى بتدوريله على عيب تفركشى بيه وانتى مش حاسه . متستنيش الاحاسيس القديمة عيشى الواقع هتلاقيه جميل ان شاء الله
تم النشر الاثنين، ١٧ يوليو ٢٠٢٣
مينفعش تقارني اولا شخص بشخص تاني في اي حاجه .. بصراحة انا شايفاها شئ غير عادل بالمرة! كل واحد وله شخصيته .. وعلى رأي احمد حلمي النخلة اطول ولا البحر اوسع؟ متركزيش على اللي راح .. طالما اللي معاكي راح اعرفي انه مش مكتبولك ولا كان بتاعك .. ركزي على اللي معاكي واللي ف ايدك. اما بقى في بعض الاشياء اللي مضايقكي! الطول بصراحه مش ازمة، يعني الراجل برضه هو في طولك مش اقصر منك مثلا! وحتى لو كان اقصر ف هي برضه مش ازمة 😂 بالنسبة بقى للسن .. ف بصراحه برضه السن مناسب مش كبير ولا حاجه .. زي ما انتي متخيلة. اما بقى بالنسبة للبنات اللي ب بيبص عليهم، انتي قولتي بنفسك انه بيبص ع اي حاجه اصلا مش شرط البنات يعني! انا شايفة مشكلتك انتي في الشخص نفسه وانا بخمن ل اما بتحاولي تدوري ع عيوب، ل اما بتعملي مقارنة ما بينه وما بين الشخص الاول علشان برضه تطلعي نفسك من الموضوع. وفي الحالتين .. عايزة اقولك الحب مش اهم حاجه في الجواز اساسا. ثم هل تدركي ان الشخص مثلا اللي حبتيه ده الاول تضمني منين هيبقى زوج كويس ولا لا؟ ك عشرة بقى ؟ تضمني منين انه مكانش يتغير عليكي؟ فالحب صدقيني مش اهم حاجه في الجواز، لان فيه حاجات كتير جدا اهم من كده. لكن لو انتي اساسا مش متقبلة الشخص ده ف بلاش تظلميه، ولو انتي دماغك وكيانك مع الشخص الاول برضه ياريت برضه متكمليش. بتمنى ليكي التوفيق
تم النشر الأربعاء، ١٩ يوليو ٢٠٢٣
طالما قلبك وعقلك وروحك مع خطيبك الأول، ليشششش تقبلي تتخطبي لشاب آخر وتظلميه معاكِ؟!!! افسخي خطوبتك من هذا الشاب المسكين يبحث له عن زوجة صالحة تصونه في مشاعرها.
تم النشر الاثنين، ١٧ يوليو ٢٠٢٣
أولاً، أرى أنكِ لا تزالين تعانين من آثار انفصالك عن خطيبك السابق وهذا أمر طبيعي بعد فترة طويلة من الخطوبة والحب. ثانياً، بالنسبة لخطيبك الحالي، يبدو أن هناك بعض الملاحظات منكِ على تصرفاته وشخصيته وهذا أمر طبيعي أيضاً. نصيحتي لكِ أن تتحدثي معه بصراحة عن مخاوفك وانطباعك تجاه تصرفاته. ربما هناك سوء فهم بسيط يمكن تصحيحه من خلال الحوار الهادئ. ثالثاً، بالنسبة لقضية السن والطول، فهذه أمور نسبية وتختلف من شخص لآخر. المهم أن تشعري أنتِ بالراحة معه على المستوى الشخصي. ولا ينبغي أن يكون هناك ضغط من الأهل في قرار الزواج. رابعاً، بالنسبة لعدم حبك الشديد له كما كنتِ تحبين خطيبك السابق، فهذا أيضاً أمر طبيعي. فالحب ينمو ويتطور مع الوقت في الزواج. المهم وجود انجذاب أولي وتقبل لشخصية الطرف الآخر. أخيراً، أنصحك بالاستخارة والدعاء كثيراً لتسهيل الأمر عليكِ. واطلبي التوفيق من الله فيما هو خير لكِ في الدنيا والآخرة. أتمنى لكِ التوفيق أختي الكريمة.
تم النشر الاثنين، ١٧ يوليو ٢٠٢٣
فرق السن كبير فعلا كان حصلي نفس الموقف ورفضت لاني بفضل الشاب يكون صغير فالسن مش كبير مش عاوزة اقلك سيبيه بس حكمي قلبك وعقلك والقرار راجع ليكي
تم النشر الاثنين، ١٧ يوليو ٢٠٢٣
بوص يا حبيبتي انتي لازم تستحملي عشان دي نصيبك خالص وكمان عشان ترضي اهلك وقولي الحمدلله وفي وانا في حاجه لاحظتها انك بتشك انو بيبص علي غيرك وهو حلف انو مش بيبوص علي غيرك وهو بيحبك اهو انتو اه لازم توجههم مشكله في بديت الامر وبعد كم شهر هتحبو ومش هتقدر تبعد عنو وخطيبك الاول دي لازم تسبيها لان هو سيبك ركزي في مستقبلك وانشاء الله ربنا يكرمك مع بعض ويهديكو معاك الدكتورة حبيبه دكتوه نفسيه 😚واتمني ردك يكون خير
تم النشر الاثنين، ١٧ يوليو ٢٠٢٣
عزيزتي مشكلتك مش مع الشخص اللي مرتبطة بيه.. مشكلتك الأساسية هي انتي .. موقفه حياتك علي فات.. ولم تتعافي بعد من التجربة السابقة.. فأصبحتي كل شخص تقارنيه بالشخص الأول.. وكأنه تنتظري نسخه من الشخص الأول.. ويؤسفني اقولك ان مش هتلاقي نسخة من أي شخص لان كل تجربة بتكون مختلفة.. لذلك هنصحك تهدي علي نفسك ومتقارنيش وطبيعي مشاعرنا بتختلف باختلاف الأشخاص وادي فرصه لنفسك ثم للشخص المرتبطة بيه.. وانسي موضوع حد يتقدم ولا لاء لان أفكارك هنا مش صح بتقولي محدش أتقدم مع انك قلتي علي اكتر من شخص وده يدل ان تفكيرك مش منطقي مشاعرك هي اللي متحكمة حاليا.. عشان كده الجاي الي انك تفرغي كل اللي جواك من خلال الكتابة واسألي نفسك ايه هي مميزات التكملة مع خطيبك وايه هي عيوب الفسخ.. وقيمي الوضع لكن بالورقة والقلم.. ومتخديش نصيحة من حد تسبيه ولا تكملي لأنك ادرى حد بوضعك
تم النشر الاثنين، ١٧ يوليو ٢٠٢٣
لعرض السؤال في فدني اضغط هنا