انا بمر بفتره صعبه مش قادره اتخطاها انا كنت مرتبطه بشخص وكان المفروض هيكون في خطوبه وكان شخص كويس جدا فضلنا سنه سوا لحد ما اتغير عليا مره واحده وبقا شخص قاسي جدا عليا.
كان معوضني عن عدم وجود بابا وكل حاجه بس لما اتغير عليا انا استحملت كتير لحد ما روحت قولتله اني مش هكمل هو مصدق وقالي كلام جرحني قالي انا كنت عارف من الاول أن العلاقه دي هتخلص وانتي كده كده هتتعودي وكنت بعاتبه علي بعده عني بقوله حتي شيلي اي حاجه حلوة يعني ده انا كنت حبيبتك قالي كنتي وبكره تتعودي ولو عيطي تاني انا هقفل السكه وسمعني كلام صعب اوي عكس ما كنت اتوقع تماما وعكس ما كان معايا انا مش قادره اتخطي وحاسه اني بموت كل يوم بقالنا شهر ونص سايبين بعض وعيد ميلادي قرب وخايفه ميستغلش ده ويكلمني حتي لو انا مش هرجعله بس احس اني خدت حقي منه بجد هو مشافش مني غير كل حاجه حلوة انا تعبانه اوي
الله أعلم إذا كان هو صادق معك في موضوع نيته الخطوبة ولا كان كلام بيقوله لك عشان يتسلى معك شوية بوعد وهمي بالزواج بس عامة مفيش حد بيتغير فجأة وبيبقى قاسي زي ما بتقولي وكمان يجرحك بالكلام، فهو واضح إنه كان خلاص مل من العلاقة دي وتصرفاته كانت عشان يطفشك ويخليكِ انتِ تقولي مش قادرة أكمل ولما عملتِ كده قال لك الكلمتين دول. فأنتِ دلوقتي مش مطلوب منك غير، إنك تفوقي لنفسك من الوهم اللي كنتِ عايشة فيه وبطلي تفكري في أمل إنه يرجع لك... انتِ راضية ترجعي لشخص فضل يعاملك بطريقة سيئة وجرحك وأهانك على حد وصفك؟ ترضي تكوني أنتِ وقلبكِ ومشاعركِ تحت رجليه وتفضلي منتظراه وتتوسلي له عشان يحن ويرجع؟ اقعدي مع نفسك وفكري كده. هل نفسك تستحق ده؟ أنتِ متستحقيش حد يحبك بجد ويحترمك ويعرف إزاي يعززك ويخلي لك كرامة ويطلبك في الحلال؟ وبخصوص إنك تحسي إنك أخدتِ حقكِ منه، انسي الفكرة دي خالص... فكرة الانتقام أو التشفي أو إنك تفضلي عايشة على وهم هيرجع ويعتذر أو آخد حقي منه دي فكرة غبية وهتضيع عمرك ووقتك. وقتك ده غالي قوي فبلاش تضيعيه على حد لا يستحق. عارفة إن الموضوع صعب عشان في أوله بس الزمن إن شاء الله هيمحي المشاعر دي بس أهم حاجة إنك تبطلي تهلكي دماغك في التفكير. أيوه اتركي نفسك تاخد وقتها في النسيان لكن اشغليها بالأهم. اشغليها أولًا بإنك تتوبي لربنا عن علاقة هي أصلا حرام في ديننا وبعدها تشوفي إيه اللي انتي مقصرة فيه في علاقتك بربنا وتصلحيه. تواظبي على الصلاة والأذكار وتقربي أكتر لربنا وتطلبي منه العون والقوة عشان تنسي كل اللي حصل. تشغلي نفسك بدراستك أو أي حاجة مهمة ونافعة تملأ وقتك بحيث دماغك متلاقيش وقت للتفكير. وهرجع وأكرر، شيلي من دماغك فكرة إن عاوزة أحس إن حقي رجع دي عشان بسببها ممكن تفضلي مش عارفة تخرجي من الدائرة دي. ربنا معك ويعينك.
تم النشر الاثنين، ٢١ أكتوبر ٢٠٢٤
عزيزتي، أشعر بالألم الذي تعانين منه وأود أن أقدم لك بعض النصائح من قلب محب. من خلال ما شاركتِه، يبدو أن تجربتك كانت مؤلمة وصعبة، وهذا شيء طبيعي للبشر عندما يمرون بمثل هذه العلاقات العاطفية. أولاً، من المهم أن تدركي أن مشاعر الحزن والفقد طبيعية في مثل هذه الحالات. تحتاجين إلى منح نفسك الوقت للتعافي وعدم الضغط على نفسك لتجاوز هذا الألم بسرعة. الحياة قد تحمل لنا الكثير من التحديات، وتجاوز العلاقات المؤلمة يتطلب جهداً وصبراً. حاولي أن تقومي بما يلي: التعبير عن مشاعرك : اكتبِ في دفتر يومياتك أو تحدثي مع صديقة مقربة عن ما تمرين به. هذا سيساعدك على تنظيم أفكارك والتخفيف عن نفسك. ابتعدي عن أي تواصل معه : إذا كان هذا سيساعدك على الشفاء، حاولي تجنب التفكير فيه أو التواصل معه لمدة معينة. تلك الفترة قد تكون ضرورية لتتمكني من إعادة ترتيب أفكارك ومشاعرك. استمتعي بالأنشطة : اشغلي نفسك بممارسة الهوايات التي تحبينها أو تعلمي شيء جديد. الانغماس في أنشطة فعالة يمكن أن يكون له تأثير إيجابي على مزاجك. اجتمعي مع الأصدقاء والعائلة : من المهم أن تحاطي بأشخاص يهتمون بك ويقدمون لك الدعم. وجودهم في حياتك سيمكنك من الشعور بالراحة. فكري في مستقبلك : عيدي تقييم أهدافك وطموحاتك الشخصية، كوني شغوفة بمستقبلك وابحثي عن طرق جديدة لتحقيق أحلامك. لا تترددي في استشارة مختص إذا وجدت أن المشاعر تزداد عمقًا أو أن التأثيرات أصبحت معيقة لحياتك اليومية. التعبير عن مشاعرك والحصول على المساعدة في مكانها الصحيح يمكن أن يكون له أثر كبير وأنتِ تستحقين ذلك. وأخيراً، تذكري أن السعادة يمكنك إيجادها من جديد في حياتك، بينما ستعززين نفسك وتتعلمين دروساً قيمة من هذه التجربة. وفقك الله ورزقك السلام الداخلي.
تم النشر الاثنين، ٢١ أكتوبر ٢٠٢٤
شوفي اختي البدايات التي لا ترضي الله نهايتها لا ترضيك، بس ربنا رحمك وخلا نهايتها تكون قبل الزواج، عرفتي حقيقته قبل الخطوبة حتى وهاي رحمة من ربنا! ياما ناس ندمو وعرفو الحقيقة بعد مصار عندهن ولاد او بعد الزواج مباشرة! "خايفة ميستغلش يوم ميلادك عشان ترجعو؟" اوعي يا اختي شيلي فكرة الرجعة من دماغك اصلا، توبي لله وحطي النية انو ما رح تتزوجي الا بالطريقة الي بترضي ربنا، وربنا رح يكرمك بإذنه تعالى
تم النشر الاثنين، ٢١ أكتوبر ٢٠٢٤
تم النشر الثلاثاء، ٢٢ أكتوبر ٢٠٢٤
العلاقه الى من وراء الاهل لاترضر الله وقولى الحمدلله لانه مش خير ليكى ولو كتتى كملتى كان هيبقي فيه مشاكل اكبر واشغلى وقتك وفراغك وتوبى الى الله وربنا هيعوضك بالاحسن والى يخاف ويتقى ربنا فيكي وربنا يكرمك ويعوضك،
تم النشر الاثنين، ٢١ أكتوبر ٢٠٢٤
اهلآ بكي عزيزتي انا اشعر بكي ولكن انتظري ان يأتي لكي من الباب وغير ذالك لا تحاولي أعلم انه سيكون صعبآ عليكي في البداية ولكن يجب عليكي النظر واقعيآ وقومي بصلاة صلاة الاستخارة فرج الله عنك كل ضيق.
تم النشر الاثنين، ٢١ أكتوبر ٢٠٢٤
لعرض السؤال في فدني اضغط هنا