انا بحب شخص بس والدته اتوفت من سنه وبيفضل يكلمني عنها كتير وعن قد اي هو محتاح ليها في حياته بس انا مش بكون عارفه اقول اي غير ان ربنا يرحمها ويخليلك اخواتك بحس اني مش بقدر اتكلم وبتثبت كدا مش بقدر اقول اي حاجه ولا اواسيه وبيكون صعبان عليا مش ب معني اني معاه شفقه او كدا بس انا بجد بكون مش قادره اعمل حاجه وبكون زعلانه ومتأثره مع اني لما بيحكيلي علي والدته بعيط لاني حساسه جدا وبتأثر و ساعات بفضل قاعده مع نفسي وبفتكرها وبعيط مع اني متعاملتش معاها قبل كدا ولا شوفتها ولا مره بس من كلامه عنها بحس اني عاشرتها واتعاملت معاها عايزه اعمل حاجه تفرحه بس مش عارفه اعمل اي
حاولي تكوني ايجابيه معاه وحاولي تخرجيه من المود هزري واضحكي معاه لو امكن جبيلو هدايا هاتيله اي حاجه بتبسطه حاولي تحسسيه بالأمان والحنيه لانه ف الوقت دا بيكون محتاج حد يعوض وجود أمه بينيله انك خايفه عليه دايما وقوليله قد ايه انتي بتحبيه وانك دايما جمبه ومش هتسبيه كلميه كتير كول مثلا خليه يفضفلك اي حاجه مضيقاه
تم النشر الجمعة، ١٩ يوليو ٢٠٢٤
أنا فعلاً بفهم إحساسك وصعوبة الموقف اللي إنتِ بتمري بيه. الحزن والشوق لشخص بنحبه يكونوا مشاعر ثقيلة، خاصة لما يكون الموضوع شخص غالي زي والدته. هنا بعض الأفكار اللي ممكن تساعدك في مواساتك ليه بطريقة فعالة: كوني مستمعة جيدة : أحياناً الناس بيحتاجوا حد يسمعهم بس، من غير أي حلول أو كلمات مواساة. اديله المجال يحكي عن والدته وعبرّي له عن تعاطفك بكلمات بسيطة زي "أنا هنا ليك"، "حاسه باللي انت حاسس بيه"، "الكلام عن والدتك بيبين قد ايه كانت عظيمة". اعملي ليه حاجات تخفف من حزنه : زي تخرجي معاه، تعملي له أكله بيحبها، أو تسيبي له رسالة معبرة ومشجعة. الحاجات البسيطة دي بتدي إحساس بالدعم. اقترحي عليه يبدأ حاجه جديدة تخلده : ممكن تزرعوا شجرة باسم والدته، أو تعملوا ألبوم صور يضم كل ذكرياته معاها. دي حاجات تبرز ذكرى والدته بطريقة إيجابية. اشجعيه يطلب دعم محترف لو محتاج : لو حسيتِ إنه بيحتاج دعم أكبر، مش غلط ابداً إنه يستعين بمعالج نفسي يساعده في التعامل مع حزنه. اهتمي بنفسك كمان : إنتِ كمان محتاجة تعتني بنفسك. الحزن والمواساة ممكن يكونوا مرهقين ليكِ كمان، فلا تنسي راحتك النفسية. أهم حاجة تكوني صدقاه ومتفهمة لمشاعره. وجودك بجانبه بيديله قوة ودعم، حتى لو كنتِ حاسة إنك مش بتقدري تعملي كتير.
تم النشر الجمعة، ١٩ يوليو ٢٠٢٤
حسنا ... انا لست الخبير الاستراتيجي هنا.... لذا افحصي ما سأقوله قبل التنفيذ... جربي عبارات التعاطف زي - "أنا موجود عشانك، لو محتاج أي حاجة." - "لو عايز تتكلم، أنا جاهز أسمعك." - "حاسس بالحزن اللي إنت فيه." - "أنا آسف جدًا على اللي حصل. مفيش كلام يعبر عن مشاعري." - "عارف إن ده وقت صعب، بس أنا متأكد إنك قوي وهتعدي المحنة دي." - "خد وقتك في انك تطلع مشاعرك، وعمري ما ها احكم عليك أو صورتك تتغير قدامي بسبب الموقف دا." - "قلبي معاك في الوقت العصيب ده." - "حاسس بألمك وبتمنى لك الراحة والسكينة."
تم النشر السبت، ٢٠ يوليو ٢٠٢٤
احيانا الكلمات لا تواسي!! اقفي معاه واشعريه بأنك متواجده معه انزلي معه في وحل أحزانه ولا تتحركي سيقوم ليس بسبب كلامك ولكن عندما تخرج موجة المشاعر والألم المكبوت. فالرجل في مجتمعنا غير مسموح له بالتعبير عن حزنه بشكل صحي. وجودك جواره وقت ألمه لتشعريه أنه من حقه أن يحزن ويأخذ كل الوقت في حزنه ووقوفك بجانبه مستعده الوقت الذي سيخرج فيه لتشجيعهم أهم من أي كلام يمكن أن يقال
تم النشر السبت، ٢٠ يوليو ٢٠٢٤
بس انا مش بقدر اخرج معاه ف كل الاوقات لانه مش ف نفس مكاني وبيكون صعب جدا اننا ننقابل عشان كدا بحاول اخفف عنه ب الكلام ومحتاجه الكلام دا عشان مش بعرف اقول اي ف الاوقات اللي زي دي
تم النشر السبت، ٢٠ يوليو ٢٠٢٤
لعرض السؤال في فدني اضغط هنا