السلام عليكم ورحمه الله
اول مره اسال صوتيا بس المره دي المشكله مش هينه مثلا بالنسبه لي هي بدايه انحدار ممكن الانسان يشوف ان هو عادي وطبيعي بس انا مش شايف كده خالص والمشكله ببساطه مش مركز اثناء المذاكره بتوتر جدا
اما حضرتك ليومي خدت مذاكره تبقى اصلا على مدى اكبر يعني لو انت المفروض الحاجه تاخذ لا ساعه ونصف المفروض بحط لها ساعتين مثلا. فانا بخلص الساعتين دولت ما يبقاش حاجه خلصت افضل اسرع ويجي لي افكار اللي انت مش هتخلص لا الحته دي صعبه لا المفروض في جهد اكتر من كده طب ازاي انا عايز افصل دماغي على حته الوقت دي لان حرفيا الوقت ده بيسحبني من كثر التوتر والتعب النفسي اللي انا مش قادر اذاكر ومش هخلص كل ده مع اني المفروض ببقى مقسم المهمات يعني بس يسحبني ان انت مش هتخلص ده النهارده طيب اعمل ايه بلاقي نفسي مثلا ماسك الموبايل او كده
فيعني سؤالي بشكل عام
ازاي نخفض التوتر في المذاكره ازاي نطلع الافكار يعني هل مثلا في اوميجا 3 بيقولوا لي بتزود التركيز هل ده فعال طيب انا اما اخش في جلسه مذاكره عايز اكون تركيز كويس حتى لو هشتغل بومودورو بس برده الفكره برده بتعمل لي توتر يعني انك هتوقف وهتعطل بس مش عارف اعمل ايه انا يعني عايز مبدا امشي عليه يعني نفسي تشتغل بطريقه صحيحه كده اللي انا بعمله ده غلط بيوصلني لجوده مذاكره اقل وتعب نفسي اكثر وتعب ذهن اكثر عشان تتجاوز الافكار والسرحان كل شويه.
عليكم السلام ورحمة الله وبركاته أعتقد أنك بحاجة لجلسة مصارحة مع نفسك في البداية، جلسة واحدة ليست للتكرار. تحدث مع نفسك بوضوح عن هدفك، لماذ تدرس من الأساس؟ لتحقق هدف ما (سم الهدف باسمه) طيب وصولك لهذا الهدف مقرون بتوفيق الله ثم بأدائك ما عليك من دراسة وتركيز ومراجعة وما إلى ذلك. فأنت كل ما عليك أن تدرس وتجتهد وتترك كل النتيجة على الله، توكل عليه، أدّ ما عليك ولا عليك. هذا سيجعلك تدرس وأنت مطمئن، أنك لست مطالب بالنتيجة بل بالسعي. يوجد بعض الممارسات التي قد تساعدك لجلسة دراسة هادئة وهي تنظيم المكان، وتهويته وإضاءته. من المهم كذلك مراجعة الطبيب للحصول على المكملات الغذائية المناسبة. والأهم هو تقليل استهلاكك للمواد الرقمية وخاصة المقاطع القصيرة، توقف عنها في أسرع وقت ممكن وقلل تصفح منصات التواصل. استعن على كل ما يشق عليك بالذكر وابدأ دراستك بصفحة من القرآن وكن على وضوء ولا تنس الأدعية. بالتوفيق.
تم النشر الجمعة، ٩ أغسطس ٢٠٢٤
وعليكم السلام ورحمة الله وبركاته.. اشتغل برومودورو اسهلك بكتير.. كل 25 دقيقة خد بريك 5 دقايق بس من غير ما تلمس الموبايل.. خدها قاعدة.. من اول ما هبدأ اذاكر من مثلا الساعة 2 للساعة 4 ف الموبايل يتقفل الوقت ده او يطلع برا الأوضة.. لو مذاكرتك على الموبايل تقدر تاخد موبايل اي حد تاني لحد ما تخلص مذاكرة.. التشتت سببه انك قلقان.. طمن نفسك و فكر كويس في عواقب افعالك.. لو مذاكرتش مش هجيب الدرجة اللي عايزها و انت محددتش انت في انهي صف دراسي بس لو مثلا ثانوي ف مش هتدخل الكلية اللي انت عايزها و هكذا.. متخوفش نفسك انا بس اقصد خليك حاطط النقط على الحروف و عارف ان لكل حاجة بعملها دلوقتي تأثير في المستقبل ف متشتغلش نفسك بحاجات مش موجودة في مستقبلك ده زي الموبايل او الحاجة اللي بتفكر فيها.. و كافيء نفسك و عاقبها.. خليك رقيب على نفسك و لو ذاكرت و عملت اللي عليك هتنزل حجز كورة مثلا او هتشوف فيلم بتحبه او هتمسك الموبايل مدة اطول انهاردة و هكذا و لو قصرت في المذاكرة اعمل حسابك بكرة هنذاكر اكتر و المهام هتزيد ف هتحس انك من البداية مش عايز تقصر علشان الكلام بحساب و هيحصل رد فعل من الرقيب عليك.. و ربنا يوفقك
تم النشر الجمعة، ٩ أغسطس ٢٠٢٤
وعليكم السلام ورحمه الله... وقت المذاكرة عليك البعد عن اى مشتتات للتركيز ومنها الموبايل.. لما يكون معاك حاجه كبيره قسمها نقاط صغيره بحيث تسهلها على نفسك... ولو الفكره جتلك زى ما انت بتقول قول بصوت مسموع ليك لا أنا هقدر أنجز واخلص كويس وارجع اقراء وذاكر تانى وهكذا ...
تم النشر الخميس، ٨ أغسطس ٢٠٢٤
وعليكم السلام ورحمة الله! فاهم شعورك تمامًا، الضغط والتوتر أثناء المذاكرة ممكن يكون صعب جدًا. بس في شوية نصائح ممكن تساعدك تخفف من التوتر وتزيد تركيزك: تنظيم الوقت : حاول تعمل جدول مواعيد يومي، وحدد أوقات للمذاكرة وأوقات للراحة. لما يكون عندك خطط واضحة، هتحس بالراحة أكتر. الاستراحات القصيرة : بدل ما تذاكر لساعتين متواصلين، حاول تقسم الوقت لجزء وبعدين خذ استراحة قصيرة (5-10 دقايق). ده هيساعدك تعيد شحن طاقتك. تقنيات التنفس : لما تحس بالتوتر، حاول تتنفس بعمق. خد نفس عميق من أنفك واطلع الهوى من فمك. ده هيساعدك تطلع التوتر من جسمك. الأفكار السلبية : لما تجيب لك أفكار زي "مش هقدر أخلص" أو "المادة صعبة"، حاول تتجاهلها وركز في اللحظة الحالية. قولي لنفسك إنك هتاخد خطوة بخطوة. عدم استخدام الهاتف : حاول تبعد عن الموبايل أثناء المذاكرة. ممكن تحطو في مكان بعيد عشان تقلل المشتتات. التغذية : الأوميجا 3 مفيدة وممكن تساعد في التركيز، لكن كمان حاول تتناول غذاء متوازن، فواكه، خضار، بروتينات. النوم الكافي : النوم الجيد يؤثر بشكل كبير على القدرة على التركيز. حاول تنام عدد ساعات كافية. الممارسة الرياضية : حتى لو دقيقة أو دقيقتين من التمارين البسيطة، هتساعدك تنشط جسمك وتخفف التوتر. أنت مش لوحدك، والنجاح محتاج وقت وصبر، خليك مصمم ومركز على أهدافك. نقدر نبدأ خطوة خطوة، وأكيد هتحس بتحسن. لو عندك أي استفسارات تانية، أنا معاك!
تم النشر الخميس، ٨ أغسطس ٢٠٢٤
فى البداية كده. من الواضح انك شخص مجتهد وحابب توصل لافضل مسار للمذاكرة بما انك عندك اراده انك تغير الوضع ده هيتغير المهم يكون عندك ثقه بنفسك وصبر وإرادة قويه علشان تقدر توصل لهدفك حاول انك تكتب كل اللى بتفكر فيه وحاسس أنه بيوترك وايه اللى ممكن تعمله فى الحاجات دى علشان تحلها يعنى تفرغ ذهنك خالص قبل ما تبدأ مذاكرة اعمل جدول لنفسك بتوقيت معين لكل مادة وفواصل تاخدها للراحه بين المواد تكون مش كبيرة تعمل فيها حاجه بتحبها . حدد أولوياتك علشان تبدأ صح خلص واجباتك اول بأول علشان ميتراكمش الشغل عليك اختار مكان تكون بترتاح فيه وتذاكر فيه المهم يكون بعيد عن أى حاجة ممكن تشغلك فى اخر اليوم اكتب انت عملت ايه ده هيفرق معاك جدا 😊 لو ليك صديق مقرب أو لايف كوتش اتكلم معاهم وشاركهم افكارك ومشاعرك لأن الدعم النفسى مهم جدا وافتكر دايما أن ربنا معاك في كل خطواتك وبيساعدك وانك قوي وهتقدر 🌷
تم النشر الجمعة، ٩ أغسطس ٢٠٢٤
السلام عليكم ورحمه الله وبركاته. اللي انت بتحكيه كله ده معناه ان انت شخصيا ما ينفعش تشتغل بفكره التوقيت اللي ليه ارقام لان دي فكره متوترك هيبقى محتاج تبعد عنها تماما بدل ما هنبقى بنقسم المذاكره او الحاجات اللي احنا عايزين نعملها بالوقت اللي هو انا هقعد ساعه اذاكر كذا لا خالص انا مش هعمل لنفسي توقيت ولكن هاعمل لنفسك تاسكات يعني يعمل لنفسي تاسكات يعني انا هقول انا دلوقتي معايا الدرس ده فانا هقعد اخلص الدرس ده بس انا النهارده عايزه اخلص درس النهارده عايزه اخلص درسين فبخلصهم بقى ازاي انا عايزاكي شويه وهقوم لا ده انا هقعد اخلصه مره واحده مش مهم خالص المهم ان انا مش هحط لنفسي ارقام ولا احط نفس الوقت وقت لنفسي مهمه تاسك فقط لا غير كل واحد فينا بيكون عنده طريقه اف اتعامل بكل اريحيه المهم انك في الاخر توصل لنتيجه المطلوبه هي انك تذاكر تفهم اللي انت بتذاكره تقدر انك تجاوب على الاسئله بس كده خلاص.ضل للمذاكره فانت مش الطريقه الافضل بالنسبه لك انك تحط توقيت ولا انك تعمل جدول وتلتزم بيه يكون زي البنادور ولا اي كلام من ده خالص كل واحد لازم يحترم طبيعته واحنا كلنا مش زي بعض فاحترم طبيعتك واشوف ايه الطريقه اللي انا في المذاكره يعني حتى لو انت بالنسبه لك المذاكره انك تقوم تتمشى وانت بتذاكر عادي جدا نعمل ده مش لازم المذاكره تكون وانت قاعد في مكانك ماسك ورقه وقلم.
تم النشر الجمعة، ٩ أغسطس ٢٠٢٤
لعرض السؤال في فدني اضغط هنا