ياريت تجاوبوا 🥺
بقالنا 3سنين مرتبطين هو بيحبني اوووووي وعايز يخطبني بس انا مش حاسة انه هو الشخص المناسب ليا
حاسة انى ليا حاجة احسن منه
فى مواصفات كتير مش موجودة فيه
قولتله خلينا شوية بعد مخلص الكلية بتاعتي اخر سنه وتعالي بس انا فى الحقيقة مش عايزة اتخطبله وقولتله ان ممكن منتفقش وكل واحد يروح لحاله لقيته عيط ويتشحتف زى العيال الصغيرة فى التليفون وهو اصلا رافض فكرة البُعد حتي لو فى بينا مشاكل وخلافات وقلتله خلينا صحاب رفض وبجد ضميري وجعني ومش عارفة اعمل ايه ومحتارة😔
خايفة انى اسيبه واجرحه بعد كل اللى قدمهولى هو قدملى كتير فعلا هدايا وحب واهتمام😔
ولو وافقت مش هكون سعيدة ومبسوطة لان مش ده الشخص اللى بتمناه
ايه رائيكوا؟
ازاى ابعده عني بس بطريقة كويسة ومجرحهوش بالرغم انه مش عايز يبعد عني؟
أنا هقول لك إجابة صعبة جدا بس للأسف ضرورية لو عايزة تفوقي لنفسك أحسن طريقة تخليه يسيبك من نفسه من غير ما تحسي بوخز الضمير هي أنك تنصحيه يقرأ في الدين عن الارتباط بين الولد والبنت وحكم اتخاذ الأخدان ويعرف كويس جدا علاقتكم مع بعض كانت حلال ولا حرام وهو لو عرف فعلا بصراحة ممكن جدا يقتنع أن البنت اللي سمحت له يقعد معاها كل المدة دي يحب فيها ويكلمها زي مراته مش هي الإنسانة اللي هيرضى تبقى أم أولاده وهيسيبك من نفسه! الكلام صعب أنا عارف بس ضروري تسمعيه من حد!
تم النشر الخميس، ١٥ أغسطس ٢٠٢٤
وليه يا حبيبتى الارتباط 3 سنين انتى كنتى عاوزة ايه طيب ولا بتعملى ايه كل ده مبسوطه بالمشاعر اللى بيديهالك يعنى والاهتمام والوقت اللطيف اى كان مين اللى هيزعل ولا يعيط مش مهم عرفيه انك هتوقفى الارتباط ده عشان غلط ولما يجى وقت انه يتقدم يبقى ربنا يسهل
تم النشر الخميس، ١٥ أغسطس ٢٠٢٤
انتي ليه قربتي من الاول طالما هتبعدي بختصار يا حبيبتي انتي مش بتحسي بمشاعر ناحيته بس إيه عرفك انك ممكن تلاقي احسن منه ولا ممكن تلاقي واحد يحبك زيه ممكن تخسريه وترجعي تندمي بس دي اختياراتك انتي وطالما مش مرتاحه صلي استخاره أن كنتي توافقي عليه ولا لاء وربنا يقدم لك اللي فيه الخير.
تم النشر الخميس، ١٥ أغسطس ٢٠٢٤
أولاً، قرارك مهم جداً ولازم تفكري فيه بجدية. العلاقة مش بس عن الحب، لكن كمان عن التوافق والاحترام. لو حسيت أن الشخص ده مش مناسب ليكي وعايزة تخرجي من العلاقة، لازم يكون عندك الجرأة إنك تتكلمي معاه بصراحة. ممكن تقولي له بصراحة إنك مش حاسة بالاستقرار وإنك محتاجة وقت لنفسك ولتستكشفي مشاعرك. حاولي تتكلمي معاه من القلب، ووضحي له إنك مقدرة كل شيء عمله ليكي، لكن لازم تكوني صادقة مع نفسك ومعاه. من الأفضل أنك تخرجي من العلاقة بطريقة لطيفة، مافي داعي للجرح. كلمي معاه بوضوح عن مشاعرك، حاولي تشرحي له إنك محتاجة شيء مختلف في حياتك. خد وقتك وفكري، ومش عيب إنك تعتبرين نفسك الأول. الأهم هو صحتك النفسية وسعادتك. ومش لازم تخافي، في النهاية لازم تصارحي نفسك وما تظلميش حد، لا نفسك ولا هو.
تم النشر الخميس، ١٥ أغسطس ٢٠٢٤
اول حاجة ان العلاقة إلى مترضيش ربنا نهايتها وحشه اكيد تلات سنين فتره كبيرة جدا كفيلة تخليه يتعلق بيكى كاشئ اساسى فحياتو وفجأه يلاقي ان كل ده هايروح المفروض كنتى حتى من الاول لاكن تلات سنين وبعد كدة ترفضيه يبقا كان لى من الاول تستنزفو مشاعركوعلى الفاضى وتشيلي ذنب على الفاضى حطى نفسك مكانو لو كان هو إلى عمل معاكى كدة كنتى هاتقولى ايه كان بيتسلى بيا وكداب ده درس وتعلمى منو كلنا بنلغط بس اهم حاجة نتعلم من أخطأنا وذى مالاستاذة قالت خليه يتقدم وخلى اهلك يرفضوة
تم النشر السبت، ١٧ أغسطس ٢٠٢٤
الارتباط (أو اتخاذ الأخدان كما سماها القرآن) هو مصيبة من مصائب هذا الزمن .. البنت تدخل العلاقة المحرمة ويا إما تلاقي واحد بيتسلى بيها وبعدها يسيبها ويروح لغيرها وإما البنت تكتشف بعد ٣ سنوات كاملة أن الشخص مش مناسب وتسيبه وتروح لغيره! ليه بتعملوا كدة في نفسكم؟ هو الزواج دة اختراع مكانش موجود عند الأجيال السابقة ومحتاجين تخترعوه من البداية؟؟
تم النشر الخميس، ١٥ أغسطس ٢٠٢٤
لم أفهم تحت أي مسمى بقيتِ في علاقة معه؟ استغلال مثلًا؟ على الأقل البعض يقول وعدني بالزواج أو نخطط للزواج. العلاقات خارج إطار الشرع محرمة أيًا كان تفكير الطرفين لكنني أتكلم عن تفكيرك أنتِ، معترفة أنك لا تقبليه وأنك تستحقين الأفضل لكنك بقيتِ مستمرة ثلاث سنوات!! كلاكما مخطئ هو كذلك لا عذر له، سترني الله وإياكم الله المستعان.
تم النشر الخميس، ١٥ أغسطس ٢٠٢٤
يعني بتنووا بقالكم ٣ سنين... علفكره احنا بشر وكلنا بنغلط عادي بس المهم اننا نصلح الغلط ده لكن انتي عاوزه تصلحي غلط الارتباط ده بغلط تاني الل هو الصداقه بينكم... فكري ف الموضوع أكتر من كده يحبيبتي وشوفي فيديوهات لشيوخ عن الصداقه أو الارتباط بين الولد والبنت وان شاء الله ترجعي عن الفكره ده تماما... وربنا يهدينا جميعا
تم النشر الخميس، ١٥ أغسطس ٢٠٢٤
العيوب ظهرت مع العشرة مش كل حاجة بتكون باينة من الاول
تم النشر الجمعة، ١٦ أغسطس ٢٠٢٤
كيف نويتِ الزواج منه وأنت تري أنك تستحقين فرصة أفضل؟
تم النشر الجمعة، ١٦ أغسطس ٢٠٢٤
مين قال انه مش رسمي النية من الاول خطوبة
تم النشر الخميس، ١٥ أغسطس ٢٠٢٤
بصي انا مش كملت قرايه كلامك بصراحه لان من بدايتها بتقولي ارتباط غير رسمي ف أكيد متوقعه النهايه.. وخليكي فاكره ان اي حاجه بدايتها لا ترضي الله نهايتها لا ترضيك..
تم النشر الخميس، ١٥ أغسطس ٢٠٢٤
ايوة النية من الأول جواز بس مكنش جاهز وانا كنت لسة فى الكلية
تم النشر الخميس، ١٥ أغسطس ٢٠٢٤
لعرض السؤال في فدني اضغط هنا