ازاي يصبر على الدراسة و سماع المحاضرات و التزاماته اليومية
بالاستمرار والاستمرار والتذكير بالهدف .. انا ليه بعمل كده ؟ انا لو معملتش كده ايه النتيجة اللى هوصلها ومش هتعجبنى؟ فين المكسب الحقيقي؟ عشان الشيطان والكسل هيضحكوا علينا ويقولوا مفيش احلى من الراحه واحساس الولا حاجة .
تم النشر الاثنين، ٢٧ فبراير ٢٠٢٣
اول حاجه حاولي تفرغي ذهنك عن اي حاجه شغلاه مشاكل اول بأول ... ونظمي وقتك والحجات الي هتشتغليها ومتحطيش مهام كتير ف نفس الوقت بين كل مهمه ومهمه خدي بريك صغير وارجعي ذاكري تاني وحطي قدامك هدف عايزه تحققيه وانك هتتعبي شويه بس عشان توصليله وتحققيه محتاجه تصبري شويه تذاكري شويه وعلاقتك بربنا اهم حاجه هتعينك وتساعدك انك تكملي وربنا يوفقك ويكرمك يارب
تم النشر الاثنين، ٢٧ فبراير ٢٠٢٣
الهدف والحلم بيجدد دايماً نشاطك للوصول طب لو مجال مش حباه لو فايدك تحولي حولي مش هينفع يبقي دوري علي حاجه فمجالك تحبيها إعملي شيفت للحلم.. و فالعموم مش شرط أحب المذاكره أبدا هي مجهده أكيد بس التزامك بخطه وفالاخر تنفذيها إحساس جميل جدا بيعلي إحساس الصبر عندك والإرادة.. دايما هيئي الجو حواليكي يشجعك وفي فيديوهات علي يوتيوب كأن حد بيذاكر معاكي ممكن تجربيها برضو
تم النشر الأحد، ٢٦ فبراير ٢٠٢٣
بالاحساس بالمسؤولية والالتزام يعني لو كان عندك هدف ما في يومك .. الواحد مش لازم يكون متحمس طول الوقت علشان يعمله، او ان مثلا لازم تكون شخصيته صبورة. انتي هتكتسبي الصبر من خلال الالتزامات اللي هتعمليها في اليوم بتاعك. مش لازم تبدأي بأشياء كتيرة في يومك .. خلي الاهداف صغيرة وياريت تكتبيها .. وتكوني مخططة لليوم بتاعك اول بأول. وكل ما تعملي انجاز صغير زودي المهام في يومك .. وكافئ نفسك بحاجة تخليكي سعيدة في اخر اليوم.
تم النشر الأحد، ٢٦ فبراير ٢٠٢٣
لعرض السؤال في فدني اضغط هنا