اناا كنت للاسف مرتبطه ب واحد هو كان بيحبني اوي و انا كمان الصراحه و حصل مشاكل بين اهلي و انفصلوا ف اثر عليا نفسيا و دخلت ف مرحله اكتئاب و بعت عن كل الناس هو حاول
معايا كتير بس اناا رفضت و حاليا هو مربتط بس كل م يتخانقوا يدخل يكلمني ب اي حجه و يفتح ف حوارنا بس اول م هي ترجع يسكت و يبعد عني و المشكله ان كل م انساه يرجع و يفكرني بيه و احس انه واحشني اتصرف ازاي علشان تعبت و للعلم كنا داخلين علي خطوبه
انا متفهمة مشاعر حضرتك كويس وعارفة إحساس ان يكون في راجل فِ حياتك قد إي إحساس جميل،بس الإحساس ده مش بتحسيه بجد غير لما يكون فِ الحلال فاهمةة، كل واحد فينا رقيب علىٰ نفسه و الحرام حرام ولو كل النـاس عملته،حببتي عشان متستهلكيش مشاعرِك مع شخص كده انتي مش ضامنه ده هيكون جوزك ولا لاء متستهلكيش مشاعرِك الجميلةة دي على حاجةة مش مضمونه وكمان عشان اما تيجي تتجوزي متبقيش مستهلكة المشاعر مفيش مشاعر تحسيها مع جوزك ، فاهمةة حوار الارتباط من كتر ما هو موجود بتحسي انه عادي يعني وكده بس فِ الاول وف الأخر الحرام معروف وكذلك الحلال، اقترح عليكي تقطعي التواصل بينكم بجد وتحفظي نفسك ومشاعرِك دي لان التوتر اللي حصل بين أهلك فِ الاول ممكن يستغل ضعفك واحتياجك هنا بس خليني اقولك الحلال مُريح واجمل ربّ يحفظك ويلهمك الصواب.
تم النشر الأحد، ١٣ أغسطس ٢٠٢٣
ده بيتسلى يا حب، وبيدور على بديل وقت ما تكون اللي معاه مطنشاه أو مش عارف يقضي وقت معاها، معتبرك استبن يعني، فهل انتِ استبن؟ ولا إنسان عنده كرامة وحق بالاحترام والتقدير والحب وحياة طبيعية؟ الاختيار لكِ وحدك. فإن كان الاختيار الثاني هو قرارك فوقتها عليكي بعمل بلوكات للشخص ده من كل حياتك ومن كل شيء، وتبدأي تشتغلي على نفسك علشان تطلعِ من الحالة التي تمري بيها وتبدأي تستقري نفسيًا وجسديًا. أما إن كان اختيارك هو الأول فليس عليكِ فعل أي شيء
تم النشر الأربعاء، ١٦ أغسطس ٢٠٢٣
ولا هو صادق معاكي ولا هو صادق مع خطيبته ولا حتى صادق مع نفسه! ده انسان متلغبط مش عارف هو عايز ايه، ومشتت .. وانتي بمثابة (المسكن) بالنسبة له .. اي حاجه تحصل يدخل ويكلمك علشان يعوض مشاعره ... العلاقة ديه مش هتروح في اي حته حلوة بتاتا .. وانتي الخاسر اللي فالموضوع . الحل بلوك من كل حته، وتقولي له قبل ما تعملي بلوك انه ميحاولش انه يكلمك نهائي .. ولو حاول هيبقى فيه تصرف تاني .. وخليكي حازمة معاه علشان يعرف ان الموضوع فعلا واخد منحنى تاني.
تم النشر الأحد، ١٣ أغسطس ٢٠٢٣
تقطعى اى حاجة توصله بيكى وتعرفيه انك مش موافقه على انه كل شوية يجى يتكلم فى موضوع خلص واشكريه على المرحلة اللى كان موجود فيها وحاول يدعمك واانه حاليا كل واحد يخليه مركز فى حياته افضل من انكم تقلبوا فى القديم بلاا هدف وبعد كام يوم اعملى بلوك لاى طريقة بيوصلك بيها
تم النشر الأحد، ١٣ أغسطس ٢٠٢٣
مع الرغم من انك لسه حسه انك بتحبي بس هو نسيكي على فكره وي معنا انه راح ارتبط بي واحده تانيه ولسه بيكلم ده بيدل على انه انسان مش قويس وي كمان احب اني اقولك انتي متحبيش إنك ترطبتي مع انسان بيكلم بنت تانيه غير صح فا متكنيش انتي البنت التانيه دي ابعدي عنه احسن وي مترديش على الرسائل بتاعته وى صدقيني هتنسي مع الوقت حولي تشغلي نفسك شويه
تم النشر الأحد، ١٣ أغسطس ٢٠٢٣
بلكيه ، وربنا هيعوضك بالحلال ان شاء الله
تم النشر الأحد، ١٣ أغسطس ٢٠٢٣
ان شاء الله
تم النشر الأحد، ١٣ أغسطس ٢٠٢٣
كل علاقة بدايتها لا ترضى الله نهايتها لا ترضيكي
تم النشر الأحد، ١٣ أغسطس ٢٠٢٣
لعرض السؤال في فدني اضغط هنا