دلوقتي انا اخويا الكبير كان شغال وفي الشغل اللي كان فيه الله اعلم ايه اللي حصل تقريبا كانوا بيحطولهم برشام في الاكل وكده عشان يطبقوا كذا يوم ورا بعض يشتغلوا لحد ما اتعود عليه وعرف طريقه ودخل في ادمان وكان بيعمل كل حاجه وياخد كل حاجه حشيش وبرشام تقريبا واحنا حاولنا معاه ودخلناه مصحه كذا مره ويطلع الله اعلم بيرجع تاني للي هو فيه ولا لأ وكاان بيعمل مشاكل في البيت فا احنا اتضطرنا اننا نخليه يقعد في شقته لوحده في بيت تاني بس دلوقتي اللي اعرفه انه بياخد حشيش معرفش بياخد حاجه تانيه ولا لأ والمشكلة انه بيخترف بكلام ملهوش لازمه وبيقول كلام يامه مش مفهوم ومحدش بيفهم هو بيقول ايه وعلطول عنده وسواس ان حد عامله عمل او حد حاطتله سم في الاكل او حد بينصب عليه ومطلعنا قدام الناس اننا سارقينه في فلوس كتير وساعات يبقى قاعد محدش كلمه يقعد يضحك لوحده او يتعصب فجأه ويقوم يخبط اي حاجه قدامه فهل في امل وعلاج وحل انه يرجع بني ادم تاني طبيعي ولا كده خلاص مخه باظ مش هيعرف يرجع زي ما كان ويشوف حياته ويفتح بيت هو في الموضوع ده بقاله اكتر من 10 سنين واحنا مش عارفين نساعده ازاي هو حاليا قاعد معانا في البيت وانا صعبان عليا حاله وعايز اساعده بأي طريقه هو عنده 37 سنه واكبر واحد في اخواتي ال7واخواتي التانين اللي اصغر منه فاتحين بيوت ومعاهم عيال انا بس عايز اعرف هيرجع طبيعي ولا ملهاش حل كده
لازم يتعالج ويدخل مصحة .. ويمكن اه ان دماغه ترجع لطبيعته تاني، بس ده لو التزم طبعا بكل الارشادات اللي هتتقال له، والتزم انه ياخد ادويته. وانتوا هنا لازم تعرفوا هو عنده وسواس فعلا ولا مجرد بيحاول يلعب عليكم علشان الفلوس .. وده هتعرفوه لما يتعرض على طبيب طبعا. ف لازم تتحركوا بسرعة.
تم النشر الثلاثاء، ٢ يناير ٢٠٢٤
أكيد بتأثر علي المخ ومش بس المخ ده كل أجهزة الجسم لازم يبطل فورا ويتعالج والافضل مستشفي او مصحة (نفسية) لان أكيد أتجه للمخدرات لسبب نفسي أكثر المدمنين كان المدخل ليهم الاكتئاب
تم النشر الجمعة، ٥ يناير ٢٠٢٤
طبعا المواد النهرده بتأثر على خلايا المخ... طالما هو موصلش لخلل جسمانى فان شاء الله فى امل فى العلاج والتعافى... المهم انه محتاج اهتمام كبير.. ويتابع علاجيا كويس حتى لو مدخلش مصحة... وفكرة انه يتجوز دى متستعجلوش عليها... لانه لازم يتعافى تماما.. وياخد اكتر من سنتين تأكيد انه خلاص بقي تمام عشان مينتكسش وتظلموا واحده معاه
تم النشر الثلاثاء، ٢ يناير ٢٠٢٤
يبعد عن الحرام افضل ختيار
تم النشر السبت، ٦ يناير ٢٠٢٤
تمام
تم النشر الجمعة، ٥ يناير ٢٠٢٤
تمام
تم النشر الأربعاء، ٣ يناير ٢٠٢٤
ياباشا خده عند دكتور مخ واعصاب لازم تعالجه المخدرات بتأثر على دماغه وتعالجه كمان نفسيا ويدخل في فترة نقاهة ميشربش اي حاجه وياكل اكل صحي
تم النشر الثلاثاء، ٢ يناير ٢٠٢٤
لعرض السؤال في فدني اضغط هنا