الحمد لله عملت الإختبار وظاهرلي التخصصات زي الطب و الفزيا و الهندسة والصحافة و الإعلام و الكميا و الصيدله؟ كده موضوع التكنلوجيا مش هيناسبني مع العلم انا صليت استخاره فِ كليه التربية النوعية تحديد قسم تكنلوجيا
تم النشر الاثنين، ١٦ سبتمبر ٢٠٢٤
طيب بصي جربي اعملي الاختبار وإن شاء الله يوضح لك الصورة أكتر... ثانيًا، انسي خالص آراء زميلاتك أو الأشخاص اللي سألتيهم لأن كل شخص بيقول وجهة نظره... ناس كتير ندمت لما قررت تتجاهل الشيء اللي بتميل لدراسته واختارت تدرس مجال لمجرد أراء الناس أو تأثيرهم... دلوقتي بتقولي خدمة اجتماعية وكمان قلتِ تربية نوعية... زي ما قلت لك حاولي تفاضلي بين العيوب والمزايا وتحددي انتي إيه في المرتبة الأولى وإيه اللي مش له بديل... هل اهتمامك بالكمبيوتر لازم تتعلميه عن طريق الكلية؟ مفيش إمكانية تتعلمي ده عن طريق الانترنت؟ دلوقتي الانترنت كل العلوم والمهارات موجودة عليه للي حابب يتعلمها والدراسة الجامعية مبقتش شرط عشان تتعلمي أي تخصص.... اعملي الاختبار وفاضلي بين اختياراتكِ وبعدين صلي استخارة كذا مرة وإن شاء الله ربنا يختار لك اللي فيه الخير لكِ... بالتوفيق.
تم النشر الاثنين، ١٦ سبتمبر ٢٠٢٤
شكرا لإجابه حضرتك بس خليني اوضح لحضرتك حاجة وشوفني انا كده صح ولا غلط انا بصراحه حاسه اني اقدر امشي فِ مواد خدمة اجتماعية وشيفاها مفيده جدا ليا وفيما بعد لو ربنا كاتبلي الجواز وكده اني هقدر استفاد بيها ف مجالات الحياه وكده، وبصراحه احساس الجهل اني معرفش اي حاجةة فِ الكومبيوتر ده مش حلو واللي فهمته اني لو دخلت تربية نوعية قسم تكنلوجيا هناخد اساسيات بس بردك انا حاسه اني مقدرش اثبت نفسي ف المجال ده وبصراحه بردك مش عارفه اصل انا مجبرتش، فَ كنت بقول احط تربية نوعية عشان قسم تكنلوجيا واخوض التجربه عادي.
تم النشر الاثنين، ١٦ سبتمبر ٢٠٢٤
لعرض الإجابة في فدني اضغط هنا