السلام عليكم
انا بعاني من مشكله مشاهدة الاباحيات ومش عارف أبطلها للاسف وبلاش الاجابات النموذجية عشان انا اخر 8 شهور بقيت بتمرن وخسرت وزن وبقي جسمي متناسق جدا ولسه مكمل تمرين وباكل صحي وبتمشي كل يوم وبشتغل 12 ساعه و بحاول ارجع اصلي بس مش عارف للاسف فموضوع اشغل نفسك ده مش نافع معايا للاسف .. انا اخر سنه مثلا بقيت بعمل العمل المخزي ده مرة اسبوعيا بس انا نفسي أبقى حر ومتبقاش حاجه زي كده مسيطرة عليا
حرفيا انا حاسس اني عبد فكرت اني اخد أدوية تقلل من هرمونات الذكورة بحيث محسش بالرغبة اصلا فى الموضوع ده بس قلت يبقي بظلم زوجتي المستقبليه واكيد هيكون حرام بردو فكأني بعالج حرام بحرام بجد زهقت .
للاسف الصلاة مش بصلي الا فين وفين حتي لو كنت مغتسل مبروحش اصلي وده حالي الأسبوع كله ببقي طاهر ما عدا اليوم المخزي ده ولكني مش بصلي بردو ..
ياريت يبقي فى حل .. انا توصلت لفترات أن خلاص ده أمر مش هنتهي منه وهيفضل معايا لموتي وقلت يكفي السيطرة والتقليل فقط ولكن ده ذنب لا يغتفر اكيد والشيطان بيشتغلني
شكرا
هذا الموقع يقدم المساعدة للتخلص من ادمان الاباحية يمكنك الاستعانة به في طريق العلاج https://uraware.org/
تم النشر الأربعاء، ١٢ فبراير ٢٠٢٥
وعليكم السلام ورحمة الله وبركاته، أخي العزيز، شكراً لمشاركتك ما تمر به. من الواضح أنك تدرك تأثير هذا الموضوع على حياتك وتريد التغيير، وهذا هو أول خطوة مهمة نحو التعافي. الإدمان على المواد الإباحية هو مشكلة يعاني منها الكثير من الناس، وأنت لست وحدك في ذلك. أولاً، من المهم أن نفهم أن الإدمان هو عادة يمكن التغلب عليها، ولكن الأمر يحتاج إلى جهد وتفانٍ. إليك بعض النصائح التي قد تساعدك: التوعية الذاتية : حاول أن تتعمق في الأسباب التي تدفعك إلى هذا السلوك. قد تكون هناك مشاعر أو الضغوط التي تؤثر عليك، والتعرف عليها يمكن أن يساعدك في التغلب عليها. تحديد المحفزات : حاول تحديد المواقف أو المشاعر التي تدفعك نحو مشاهدة المواد الإباحية. بمجرد معرفة هذه المحفزات، يمكنك العمل على تجنبها أو التعامل معها بطرق أخرى. البحث عن بدائل : كما أنك مشغول بالتمارين الرياضية والاهتمام بصحتك، حاول أن تجد أنشطة جديدة تشغلك وتثير اهتمامك. يمكن أن تكون هذه الأنشطة رياضية، فنية، أو حتى التطوع في مجتمعك. الدعم النفسي : لا تتردد في البحث عن محترف نفسي أو معالج للتحدث معه عن مشاعرك ومشكلاتك. يعتبر الدعم الخارجي أحيانًا مفتاحًا للتغيير. تحسين علاقتك بالدين : حاول العودة إلى الصلاة والعبادة بانتظام. الصلاة يمكن أن تساعد على توفير الإلهام والدعم من الله. انتبه للأفكار السلبية : حاول أن تكون لطيفًا مع نفسك. الخطأ ليس نهاية الطريق، بل هو جزء من التجربة البشرية. لذلك، حاول ألا تتهم نفسك بالذنب بشكل مفرط. ولا تنسَ أن التغيير يحتاج إلى وقت وجهد. كن صبورًا مع نفسك، وأعرف أنك قادر على تحقيق التحسن. أسأل الله أن يوفقك في مسعاك ويقوي عزيمتك.
تم النشر الأربعاء، ١٢ فبراير ٢٠٢٥
الصحبة الصالحة بتفرق وغض البصر من اول مرة بتفرق والالتزام بصلاة المسجد بتفرق وتوفيق ربنا وتدبيره وانه يسوق ليك الهداية كل ده بيفرق بس ابدأ
تم النشر السبت، ١٥ فبراير ٢٠٢٥
الصلاة اهم شئ لما تصلى زى النبي صلى الله عليه وسلم سوف تنهاك صلاتك عن الفحشاء والمنكر الجأ إلى الله بصدق وسوف يعينك الله (والذين جاهدوا فينا لنهدينهم سبلنا)
تم النشر السبت، ١٥ فبراير ٢٠٢٥
بص يا صديقي الانشغال طول الوقت و تفريغ طاقتك في جيم و الكلام المتعارف عليه ده بيقلل بشكل كبير ولكن لا يجزم انك هتبطل لكن هتقلل معاك المعدل ، مبدأيا ابعد كل البعد عن انك تاخد حاجة تقلل هرمون الذكورة انت بتحاول تحل مشكلة مش تخلق مشاكل، حل الموضوع ده من رأيي ديني صرف لازم تصلي و تدعي باستمرار و تقرأ قرآن و تحاول تغض البصر و تبعد عن السوشيال او على الاقل تحجمها لأنها السبب اللي بيخلي شهوتك تكبر و يبدأ الشيطان يسيطر عليك بصة فبصة لحد ما تعمل كدا و اخر حاجة اوعي تكره نفسك حاول و كمل معافرة في الموضوع ده لاخر دقيقة في حياتك و أفضل حاول، يكفي محاولاتك في التقرب من الله و البعد عن المعصية و اوعى الشيطان يسيطر عليك و تفتكر انك عمرك ما هتبطل فتتمادى و يقنعك ان خلاص انت حاولت كتير و الموضوع مستحيل و ربنا يتوب عليك منها
تم النشر الأربعاء، ١٢ فبراير ٢٠٢٥
لعرض السؤال في فدني اضغط هنا