اول مره في حياتي احس انا معملتش اي حاجه مش عا ف اخد قرار لنفسي مليش نفس للشغل مليش نفس في تحقيق احلامي حاسس ان انا مش قادر اكمل بعد كل الفشل اللي انا فشلتو الدنيا جات عليا جامد اتظلمت في حاجات مكنش ليا علاقه فيها عشت طفوله مش حلوه ومكنتش مبسوط كانت ديما عيلتي في مشاكل كل الناس اللي انا صاحبتهم واللي انا اعرفهم دايما بينجحو انا كل مابحاول بقع جامد مش عارف في ايه نفسيتي حزينه قلبي مكسور بصحاا اوقات اعيط من كتر الكبت اللي فيا انا مش كويس وعمري مكنت كويس معرفش الحياه بتعقبني علي ايه انا عملت ايه علشان يحصل كل ده فيا انا عندي 23 سنه حاسس ان انا عندي 100 سنه دايما حزين وحاسس بالوحده معرفش ده ايه لعبت رياضه علشان اطلع كميه الغضب والحزن اللي انا حاسس بيها معرفش ربنا هو اللي بيعقبني ان انا جيت في الدنيا ولا الدنيا هي اللي بتعقبني علي ذنب معملتهوش والله انا قلبي طيب وبحس بالي قدامي انا مش وحش علشان يحصل معايا هتجنن مش لاقي حل دماغي ديما في دوشه تعبان وعايز اسيب الدنيا دي كلها وامشي انا مش عارف ليه بيحصل كده وعلشان ايه هتجنن انا مش لاقي سبب علشان اتعاقب علي وجع القلب ده كلو
الابتلاءات انواع ابتلاء اختبار ابتلاء رفع مقام عن الله ابتلاء تطهير من ذنب ابتلاء عقاب ورد حق العباد. مش لازم الظروف الصعبه تكون ابتلاء بالشكل اللى انت متخيلة. ده ان شاء الله ابتلاء اختبار ...انوى انك تستغله لصالحك وتنجح فيه ...تصبر ع الاذى او على المواقف الصعبه وتعديها وتحمد ربنا على نعمته انك واقف ع رجلك و تقدر تكمل . دى كبوه فى حياتك متهليخاش تطول ...طول ما فيك نفس تسعى للاحسن واى نتيجة توصلها تحمد ربنا عليها. اسأل الله لك النفس الطيبة المطمئنة ويعينك على اى موقف صعب.
تم النشر السبت، ١١ فبراير ٢٠٢٣
فشل ايه وانت لسه بتقول بسم الله؟ ليه تقارن نفسك باصحابك ؟ يعني مش معنى ان كل اللي عرفتهم في حياتك نجحوا وانت لأ يبقى هنا المشكلة، المشكلة مش هنا خالص، المشكلة في تفكيرك انت. لما الواحد عايز يصلح حاجة فيه يعرف ايه مشكلته هو .. لان مفيش حد زي حد، هما محدش كان عايش نفس اللي انت عيشته، او اللي بتمر بيه، او اللي مريت بيه، فازاي بقى تحكم على نفسك من خلالهم؟ وايه الفشل والنجاح من وجهة نظرك؟ وليه ديما حزين .. والاحساس ده جالك امتى وكان سببه ايه؟
تم النشر السبت، ١١ فبراير ٢٠٢٣
اكيد ربنا مش بيعقبك انك جيت الدنيا وربنا اكيد بيحبك ...طبعا شعور وحش جدا انك ف مشاكل كتير عائليه وصحابك وان من الطبيعي تحس بالدعم من اقرب الناس ليك اهلك وصحابك ...بس هو انت مخترتش اهلك بس ف ايدك تختار صحابك ممكن دلوقتي مقابلتش الصاحب الصح لكن مع الوقت هتلاقيه ... وليه بتحكم ع نفسك بالفشل وكل الي حوليك نجحوا النجاح والفشل نسبي احنا الي بنحط نسبه للنجاح او الفشل مش ضروري عشان الي حوليك عملوا حجات كتير انك تعمل زيهم عشان تكون ناجح لان الي عملوه مش ضروري يكون من ضمن اهتماماتك اصلا انت اكيد في حاجه معينه بتعملها انت مميز فيها عن صحابك والي حوليك دور جوه نفسك هتلاقي نور جواك هتلاقي كنز جواك مستخبي من مشاعر حلوه ومواهب وقدرات ونجاحات بس انت لسه ملقتهوش وانت لسه صغير لسه بتكتشف نفسك وقدراتك ومواهبك ونجاحاتك ... اتمنى انك تسجل مشاعرك السلبيه كلها وعيط وانت بتسجلها عادي عشان تفرغ حزنك وبعد متسجلها اطمسها وقطعها وابدأ دور ع اقل حاجه حلوه حصلت ف يومك وسجلها واقل حاجه حلوه حصلت ف حياتك سجلها هتلاقي حجات حلوه حتى لو بسيطه سجلها وبروزها وشوف ان في اوقات بتكون سعيد وعايزن نرجع سعداء تاني ومبسوطين وكمل ف الرياضه طبعا تطلع طاقتك السلبيه وممكن تعمل اي عمل تطوعي زي زياره دور ايتام او مسنين واديهم الحب والاهتمام والسعاده الي انت نفسك فيها لانها هتنعكس عليك مع الوقت ... وان شاءالله هتكون حد ناجح جدا وسعيد جدا وافتكر ان جواك كنز دور عليه هتلاقيه وهتلاقي سعادتك فيه
تم النشر السبت، ١١ فبراير ٢٠٢٣
لعرض السؤال في فدني اضغط هنا