انا محتاجه رأيكم لانى تعبت ومش عارفه اخد قرار ومش عارفه اتكلم مع حد ولا عندى حد يقف معايا ف محتحاكم تنصحونى بعد اذنكم
انا ماما وبابا متخانقين من اول رمضان بسبب أن انا كنت بشتغل وكنت بديله المرتب كله لكن جيت مرتين قولتله انى عاوزه كذا حاجه ومش هديله القبض بتاعى وقالى ماشى
وللعلم انا كنت باخد اكلى وشربى من البيت وباخد كل يوم حق المواصلات جت ماما ادتنى مصروف من فلوسه اتخانق معاها جامد وبهدل الدنيا ومن ساعتها وهو مش بيكلمنا طبعا ده غير أنه مش بيسيب مصروف البيت ومش بياكل ولا بيشرب فى البيت وكل يوم يجى 3-4 الفجر ومش بيكلمنا واحنا منعرفش
ماما دلوقتي مُصِره على الطلاق فراح اتصل بخالتو وقالها أن احنا مش حاسين بيه ومش مقدرينه ولا شايفينه وان احنا بقينا جاحدين عليه وأنه عمل حادثه ومحدش سأل عليه وأنه بيجى هدومه متبهدله وهو اصلا بيجى زى الفل ومفيهوش اى حاجه
انا اول ما عرفت أنه عمل حادثه قلت ليه مماتش فيها يارب كل يوم بدعى عليه أنه ميرجعش بس بيرجع تانى اللهم لا اعتراض على أمرك يارب ده غير أن احنا لما بنرن عليه يا بيعمل تليفونه وضع طيران يا اما مش بيرد اصلا ده غير أنه مش بيبص فى وشنا ميعرفش حاجه عننا اصلا ده غير أنه حاطت اخواته فى الاول خالص يعنى هما الاساس وبعدين اى حاجه تانيه
فى المناسبات كل واحده من اخواته مبلغ محترم كده ده غير عيالهم ده غير أنه بيدخل شايل فى أيده ودائما بيدور على اخواته وبعدين يبقى يشوفنا احنا بقى ده لو اتبقى معاه اى حاجه يبقى يبص لينا احنا بقى وطبعا اخواته مش سند لينا لأنهم بيقفو فى صفه هو واخوات ماما مش سند ليها لأن هما اصلا مش بيتكلم وان هو دلوقتي مش عاوز ماما فى حياته تانى
نيجى لماما بقى
ماما تعبت اوى معاه ومعانا شافت منه كل حاجه وحشه بمعنى الكلمه كانت خدامه ليه ولأهله واحد واحد وتعبت اوى معاهم كان كل كلامه أمر مطاع واجب تنفيذه كأنه فرض عليها اهملت فى نفسها عشانه كتير اوى وضحت عشانه كتير اوى وقامت بالواجب عشانه وعشان أهله كتير اوى اوى ودلوقتي هو اللى مش عايزها
22 سنه تضحيه وفى الاخر هى دلوقتي وحشه ومتستاهلش العشره من الاول ظلمها جامد ده غير الاهانه والضرب والشتيمه ودلوقتي خالتو مصدقاه هو لأن كلامه مترتب جدا وبابا من النوع اللى يقنع اى حد بأي حاجه هو عاوزها انا دلوقتي اللى فى الوش مع خالتو بتكلمنى وبتزعقلى وانى مهمله مع بابا
انا تعبت اوى ومفيش حد يقف معايا ولا فى ضهرى انا عندى اخت بس اصغر منى فعشان كده انا اللى سائله كل حاجه وانا اللى فى الوش لأن انا الكبيره وخالتو بعد ما كانت بتقول لماما تعالى وبيتى مفتوح وانها هتجيب لها شغل عشان تعرف تعيش وتعيشنا دلوقتي بتكلمنى بتقولى انا بقولها كده بس والله العظيم ٣ ولا هجيب لها حاجه ولا ليا دعوه
انا تعبت اوى ومش عارفه افكر ولا اتصرف ولا اعمل اي حاجه ياريت تدونى حل المعلومه ماما شخصيتها ضعيفه جدا ودى حاجه من الحاجات اللي كانت بتخلى بابا يجى عليها جامد
عارفه انى طولت عليكم بس غصبا عني والله انا اسفه
عزيزتي، أشعر بمعاناتك وأتفهم حجم الضغوط التي تواجهينها في هذه الظروف الصعبة. إن التوتر العائلي يمكن أن يكون عبئًا ثقيلًا، خاصة عندما تكونين في موقف يتطلب منك اتخاذ قرارات صعبة. أولاً، من المهم أن تتذكري أنك لست وحدك، وأن مشاعرك وأفكارك مهمة. حاولي التواصل مع والدتك لتفهمي مشاعرها واحتياجاتها، فقد تجدين في حديثكما دعمًا متبادلًا. قد يكون من المفيد أيضًا البحث عن شخص محايد، كإمام أو مُستشار أسري، يمكنه مساعدتكما في حل النزاعات. ثانيًا، بالنسبة لوالدك، فإن تغيير سلوكك أو اتخاذ موقف قد يساعد في تحسين العلاقة. من الممكن أن تُعبري له عن مشاعرك بشكل هادئ وصريح، كأن تقولي له إنك تلاحظين تدهور الموقف وتأملين في تحسين الأمور بينكم. يجب أن تأخذي في الحسبان أهمية صحتك النفسية والعاطفية. إذا كان ذلك ممكنًا، يمكنك التفكير في الانخراط في نشاطات جديدة تساهم في تحسين مزاجك أو تعزز ثقتك بنفسك. تذكري دائمًا أهمية اللجوء إلى الله في كل أزمة، فقد يكون الدعاء وسيلة للراحة والهدوء. أسأل الله أن يُخفف عنك آلامك وأن يرشدك إلى القرارات الصحيحة. إذا كنت بحاجة للدعم، فلا تترددي في طلب مساعدة خارجية، سواء من أصدقاء موثوقين أو متخصصين في الصحة النفسية.
تم النشر الاثنين، ٢٤ مارس ٢٠٢٥
بصي ركزي في دراستك و في شغلك و خالي بالك من اخواتك و والدتك ولا تركزي مع باباكي ولا مع خالتك و سيبي الأمور تمشي زي ما ربنا كتبها
تم النشر الثلاثاء، ٢٥ مارس ٢٠٢٥
انا عارفه أن خالتو أو اى حد يحكم لازم يسمع من الطرفين الاول قبل الحكم دى حاجة تانى حاجة هو فعلا مفيش حد اخواته بنات وبابا من صغره كان متعود أنه يصرف عليهم وشايلهم عشان كده محدش فيهم بيقف ضده وبالنسبة لأخوات ماما ف هما مش بيتكلمو خالص عارفه أن بابا مش من حقه ياخد الفلوس وعارفه بردو انى مش مجبره على الشغل وعشان كده قعدت منه
تم النشر الثلاثاء، ٢٥ مارس ٢٠٢٥
مبدائياً لا يجوز الدعاء علي الوالد لان انتي بتودي نفسك انتي في داهيه كده..لان الله امر بالدعاء ليهم مش عليهم...ثانياً محدش له اي حق ف انو يحكم علي الوضع من خلال كلامك انتي بس لا لازم اللي هيحكم يسمع من الطرفين..ثالثاً مظنش إن من حق والدك انو ياخد فلوس الشغل بتعتك نهائي ولا انتي مجبرة انك تنزلي شغل أصلا..رابعا مفيش حاجه اسمها مبيكبرش لحد اكيد في حد يقدر يكلموا ويتفاهم معاه وبيهابه سواء كان صاحبو او احد اخواته او ايا كان اكيد لازم في حد تقدرو تكلموه سواء من طرفكم او طرفهم قال تعالي "فابعثوا حكما من أهله وحكما من أهلها" من.. ولو مفيش يبقي بيكو علي المحكمه...ولو الدنيا قفلت خالص يكون الطلاق طريق خير وربنا يرزق كل منهما بمن افضل..واخيرا نصيحتي تبعدي عن خالتك لانها هتتعبكوا وحاولوا تاخدوا شقة في مكان بعيد شوية
تم النشر الثلاثاء، ٢٥ مارس ٢٠٢٥
انا فعلا معنديش حد خالص وبابا من النوع اللى مش بيكبر لحد انا بصراحه مش عارفه مهو احنا لما بيناله أننا اخدنا موقف راح قال لى خالتو أن احنا مش حساسين بيه وان احنا جاحدين وكل ده وخالتو بعد ما كانت فى صفنا بقت فى صفه هو وبردو احنا مش فارقين معاه ومش هعرف ابينله انى عارفه أنه بيكلم واحده المشكله أنه بيفرق معاه حد ومش هيفوق ولا هيعرف غلطه لانه مش صغير عشان نقول مش فاهم مثلا انا تعبت بجد دماغى مبقتش مستحمله اى حاجه خالص
تم النشر الثلاثاء، ٢٥ مارس ٢٠٢٥
اكيد مقدرش انصحك بالطلاق ولكن انا عارف الضغط النفسي الي انت عايشين فيه بس ممكن تفكرى اكتر وتحولي مرة واتنين واكتر تانى حولى تلاقي حد كويس يقدر يكلم بباكى و يقدر حتى يبين له الصورة جائز يكون فيه حاجه تتغير .
تم النشر الثلاثاء، ٢٥ مارس ٢٠٢٥
يعني بسم الله ما شاء الله والدك كبير دا أكبر دليل ان الطلاق اسوء حل و حتي لو هو اللي طلب الطلاق ف دا لان زي ما قولتلك مغيب و غير كدا الست التانيه دي اللي هي بقت طرف تالت في العلاقه اكيد أثرت عليه بكلامها خلتوا يستغني عنكو و عن البيت بكل سهوله حسبي الله ونعم الوكيل فيها حاولوا تبينوا له انكو خلاص اخدتوا موقف و لو متراجعش عن اللي في دماغه دا هيخسركم كلكم للأبد يمكن ساعتها يفوق و يعرف غلطه و ادعيلوا مهما يعمل دا باباكي انا عارفه ان افعاله دي مخلياكي تفكري فيه بشكل سلبي بس والله شده و هتزول و هو ربنا يديلوا طوله العمر مش هعيش قد اللي راح فا دا كلو مسيروا هيخلص بس انتي ادعيلوا بالهدايه
تم النشر الثلاثاء، ٢٥ مارس ٢٠٢٥
معنديش حد للاسف انا لو عندى حد كان زمانى موقفاه وبابا مش صغير بابا 60 سنه وانى اقعد معاه واقوله الكلام ده هينكر ويهيقلب الترابيه كلها عليا وانا معنديش استعداد بصراحه هو بيقول لخالتو أن هو خلاص مش عاوز ماما ف فكره الطلاق دى بقت اساسيه عندهم هما الاتنين لان ده اخر قرار ماما وصلت ليه
تم النشر الثلاثاء، ٢٥ مارس ٢٠٢٥
طب اهدي كدا و متخليش فكره الطلاق دي تسيطر عليكي انتي و والدتك اصبروا يمكن خير
تم النشر الثلاثاء، ٢٥ مارس ٢٠٢٥
بالنسبه لى ماما ف هى مش عاوزه منه حاجه هي بتقولى انا هكفيكم أن شاء الله بس هو يسبنا واه هيريحها جدا كمان بس المشكله ان انا مصاريف معهدى غاليه واختى ثانويه عامه ف برضو مصاريف انا مش عارفه اعمل ايه لأن ماما كبيره فى السن بردو مش صغيره وللاسف انا مش هقدر اكفى البيت من كل حاجه واقولها خليكى انتى
تم النشر الثلاثاء، ٢٥ مارس ٢٠٢٥
بصي هو كل الناس بتغلط و باباكي شكله في غفله كبيره عفا الله عنا وعنه فلو تقدري تقعدي معاه و تفهميه ان تصرفاته دي هتأدي لخراب البيت و تدميره و لو في عندك عم تقدري تكلمي معاه انو يعقله يبقا افضل برضو او لو معاه وتساب ابعتيهالوا في مسج بس الطلاق مش حل اسوأ حل حرفيا هو الطلاق دا خراب بيوت و والدك و والدتك معدوش صغيرين للكلام دا و عليكي بالدعوة و زي ما قولتلك متطفيش القرآن من البيت و ادعي ان ربنا يعدي المحنه دي علي خير
تم النشر الثلاثاء، ٢٥ مارس ٢٠٢٥
لا اعتقد انكم حتفضلوا فى البيت و لو فضلتوا حيعملكم مشاكل ليل و نهار . و سيبك من خالتك و كل واحد بيكفى نفسه بالعافية . الحل انكم تفكروا تشتغلوا و تفتحوا مشروع كويس يجبلكم ربح تعيشوا منه بطريقة كريمة . و تبعدوا عنه و عن أذاه
تم النشر الثلاثاء، ٢٥ مارس ٢٠٢٥
هل لو عملتى زي بباكى واتجاهلتوه و برضو اشتغلت انت وولدتك بحيث انك متطلبيش منه حاجه هل دا ممكن يريح والدتك ولا ولدتك عايز تتطلق منه وتبعد عنه خالص ولا ميفرقش معاها طلما هى متجهلاه
تم النشر الثلاثاء، ٢٥ مارس ٢٠٢٥
مش عارفه بابا اصلا هيرضى يخلينا نفضل فى البيت ولا لا ولو مش هنعد فى البيت ف احنا هنأجر شقه عند خالتو وبالنسبة للمصاريف ف هنزل انا وماما نشتغل عشان نقدر نكفى مصاريف
تم النشر الثلاثاء، ٢٥ مارس ٢٠٢٥
خلينا نفكر بالعقل هل دلوقتى لو ولدتك الطلقت هل هتعيشوا في نفس البيت او هتمشوا . ولو هتمشوا هتروحوا فين المشكلة ان للاسف اخوات ممتك مش وقفين معاها فا انت كدا لوحدكم حرفيا و هل تقدرى تصرفي علي نفسك وولدتك واختك
تم النشر الثلاثاء، ٢٥ مارس ٢٠٢٥
ماما اخر قرارها أنها مش عاوزه تكمل المعلومه بابا بيخون ماما مع واحده متجوزه ومخلفه وعيالها اكبر منى وده اللى مخلينى مش عارفه اتصرف
تم النشر الثلاثاء، ٢٥ مارس ٢٠٢٥
انا عارف قد ايه ظلم الأب وانكار اي حاجه والدتك بتعملها له وحشة . بس انت لازم تكونى اذكى من كدا حاولى تلعبى بنفس طريقته عامليه كويس اوى الفترة دي و خلي خالتك تشوف كدا و خلي ولدتك تستحمل هو صعب الي بقوله بس لازم تعمليه
تم النشر الاثنين، ٢٤ مارس ٢٠٢٥
بصي يا حبيبتي اولا مينفعش تدعي عليه لان دا حرام و احنا في أيام مفترجه بصي خلي والدتك تهدأ و متكلميش في حاجه و لا حد يكلم يكلم معاه و ادعيلوا بالهدايه و هي ازمه و هتعدي و شغلي قرآن ديما في البيت علشان النفوس تهدى كدة ربنا يهدي سركم يحيبتي🤍
تم النشر الاثنين، ٢٤ مارس ٢٠٢٥
لعرض السؤال في فدني اضغط هنا