في الصف الثالث الاعدادي عانيت من وساوس كفرية بعدما كنت شخص ملتزم وكان جزء من السبب اني كنت اسأل عن كل شبهة تراودني فيزيد الوضع سوء لان الشبهة كانت تثبت في رأسي وتلح عليا مرارا وتكرارا للبحث عليها حتى يمكن أن اجن اذا لم يكن هاتفي معي للبحث عن السؤال وتدهورت حالتي وانخفض مستواي الدراسي ثم تعافيت تدريجيا وذهبت الى الثانوية في الصف الأول والثاني الأمر كان عادي او كنت لا زلت قادرة على تجاهله لكني كنت اعاني من فترات متباعدة على مدار السنة يتكرر فيه الأمر بشكل مختلف فكنت اهرب بالنوم ولا اقدر على المذاكرة
المهم اني حاليا في الصف الثالث الثانوي وهي سنة مهمة جدا بدأت معي بعودة الوساوس في الدراسة والدين والعلم والحياة وكل شئ وكنت ابحث مرارا وتكرارا ووقتي يضيع ولا استطيع التركيز في المذاكرة او الحصص واخاف واتوتر ويضيق صدري وأريد البكاء دايما واتمنى الموت اكثر من مرة وأشعر اني سأفعل بالرغم من اني متفوقة الحمد لله ولكن اعاني من إحباط وحزن ومهامي اليومية تأخذ وقت طويل ولا أستطيع انجاز اي منها وقلت شهيتي وتواصلي مع من حولي واصبحت حزينة دائما وانام كثيرا جدت بعد وقت كبير من التفكير تعبت والله تعبت وعايزة حل مش عارفة اعيش اقسم بالله انا عارفة ان ده مش انا بس مش لاقية حل
وفقدت الشغف في مستقبلي لا أعرف لماذا واستغرب وقت طويل افكر في الاحداث السلبية التي حدثت لي
عزيزتي، أولاً، أود أن أعبّر عن تعاطفي العميق مع حالتك وما تمرين به من صعوبات وأوقات صعبة. إن ما تشعرين به من قلق ووساوس يعتبر شيئاً شائعاً، ويمكن أن يكون له تأثير كبير على حياتك اليومية وأدائك الأكاديمي. من خلال ما شرحتِ، يبدو أنك قد تعانين من أعراض القلق والوسواس القهري. مثل هذه المشاعر يمكن أن تكون مستنزفة للشخص، وخاصةً في فترة دراسية حرجة مثل المرحلة الثانوية. إن كثرة التفكير في الأمور والبحث المتكرر قد يؤديان إلى الإحساس بالضغوط وعدم القدرة على التركيز، مما يزيد من دورة القلق والاكتئاب. أنصحك بالبحث عن مساعدة متخصصة من طبيب نفسي أو معالج نفسي مؤهل. الحديث مع محترف يمكن أن يوفر لك أدوات وتقنيات فعالة للتعامل مع الوساوس والقلق، مما يساعدك على تحسين حالتك النفسية والتركيز على الدراسة. في نفس الوقت، حاولي أن تذكري نفسك بأن هذه الأفكار ليست سوى أفكار، وأن لديك القدرة على العمل على تغييره. كوني لطيفة مع نفسك، وامنحيها الوقت للشفاء، وحاولي وضع جدول زمني مرن للدراسة وللراحة. تواصلي مع أهللك وأصدقائك، ولا تترددي في طلب الدعم منهم. التقارب من الأشخاص الذين يهتمون بك يمكن أن يحدث فرقًا كبيرًا في تحسين مشاعرك العامة. تذكري أن كل شخص يمر بتحديات في حياته، وهذا لا يقلل من قدراتك أو ما يمكنك تحقيقه في المستقبل. حافظي على الأمل، وإذا احتجت لمزيد من الدعم، فلا تترددي في استشارة متخصص يساعدك في مشوار الشفاء.
تم النشر الثلاثاء، ٣ سبتمبر ٢٠٢٤
السلام عليكم ورحمه الله وبركاته بصي يا حبيبتي الوساوس خلينا ندور بدايتها كانت امتى يعني هل واحنا؟ يعني في حد احنا عجبنا كلامه بس هو مش مسلم بدات الوساوس تدخل لنا فكان ده الباب ولا كنا بنتفرج على مناظرات مثلا بدا يتفتح الباب ده ونقول اه صح السؤال اللي بيسالوه اللي هو بيكون الاطراف التانيين الغير مسلمين في المناظره ولا هي بدات منين؟ ضروري ليه نعرف البدايه كانت منين او الباب كان من فين علشان نعرف فين الحته اللي ضعيفه فينا احنا يعني محتاجين نقفل الباب عليها كده لحد ما نبقى يعني عندنا القوه الكافيه علشان لما نفتح الباب ده ما يدخلناش منه فتنه صعب زي دي انت قلتي في احد التعليقات تقريبا على اجابه ذكيه انك خايفه انك متحققيش امال مامتك فيك؟ وارد جدا انه يكون برضه الخوف من اي حاجه لما يكون خوف كبير وانت شايفه ان دي حاجه بتهدد حياتك يكون ده برضه باب من الابواب اللي يدخل منه الشيطان. علشان يشتغل على فكره الوساوس دي او على اي فكره ثانيه بحيث انه المخ كمان يساعد في النقطه دي ان هو يتخذها طريقه للهروب من الحاجه اللي هو خايف منها. لانه احيانا الخوف بيخلينا نروح للحاجه اللي احنا خايفين منها. اديكي مثال كده ممكن يضحكك شويه؟ لما بيكون في حد بيخاف من الكلاب. بيجي وهو ماشي لو في كلب هو ما بياخدش باله ان هو من كتر توتره بيقرب من الكلب بدل ما بيبعد عنه فبيعمل ايه بيتوتر وبيتشنج وبيبدا يبقى ليه حركات غريبه فبيلفت نظري الكلب فالكلب بيقرب له بدل ما يبعد عنه. فده اللي بيحصل معانا. خوفي هيقرب مني الحاجه فيبقى فعلا النتيجه في الاخر انه انا نتايجي ما تكونش كويسه فامي تزعل مني طب بدل كل ده خلينا نقرب احسن ده بنعمله بقى ازاي بان احنا نحط الهدف قدامنا ما يكونش سلبي يعني انا عايزه انجح عشان افرح امي مش عايزه انجح عشان مخيبش امل امي. كل ما نركز على الحاجات دي كل اما نبقى مرتاحين اكثر حتى لما تجيلك الوساوس او تجيلك الشكوك اشتغلي عليها بنفس الفكره مش بالفكره السلبيه مش انا رايحه ادور على اجابه تنفي الكلام ده لا. انا عارفه ان ده مش حاجه سهله وصعبه بس واحده واحده صدقيني ربنا ما بيديش حد ابتلاء الا وبيكون عارف انه الشخص ده عنده القوه اللي يقدر يغلب بها الابتلاء ده بس احنا اللي مش عارفين قوتنا بشكل كافي ضايقين بالله ان انا اقول لك انت جواكي القدره الكفاء اللي تتغلبي بيها على الابتلاء وعلى الفتنه دي وعلى المدخل ده من مداخل الشيطان هتقدري تعمليه ولو مش قادره تعمليه لوحدك طبعا الاخصائي سعد اكثر اللي انا اللي انا قلته لك ده بيبقى برده امثله لتمرينات تتعمل.اكتر او هلاقيني بعمل تصرفات بتقربني من الحاجه اللي انا خايف منها اكثر فبدل ما اكون خايفه قوي قوي كده ومركزه قوي على اني هخيب امال امي ودي حاجه انا عايزه ابعد عنها فتوتري من الفكره يوديني الاتجاهات مش لطيفه تضيع لي الوقت وتضيع لي. وما وصلش لحاجه.
تم النشر الثلاثاء، ٣ سبتمبر ٢٠٢٤
السلام عليكم ورحمةالله وبركاته اولا اللي انتا بتعاني منه دا ليه اسباب عديده اما انت بعيد عن ربنا مش بصلي او انتا بتصلي ولكن ايمانك بربنا ضعيف او انت مش بتصبر علي الاختبار اللي ربنا بيختبرك فيه وبتسخط انا هنصحك بنصايح شخصيه واتمني تنفذها مش تاخدها علي انه مجرد كلام عابر اولا عايز تتخلص من اي هم اي حزن والكلام دا كلو انتا لازم تصلي بخشوع وتسمع قران كتير وهنصحك انك تسمع قارئ انت بتفضلو وياريت تسمع مقاطع فيها خشوع وبكاء علشان تغسل قلبك من كل الهم اللي انت فيه لازم تسمع قصص فيها عبر وصبر علي البلاء وكدا وكمان وحاجه اخيره بسبب الوساوس دي انت حتي لو قربت من ربنا هيجيلك يوم وهتقع فتحاول انك تقرب تاني من ربنا انت التعامل مع ربنا بحب والله قلبك هيذوب لحب الله ومفيش حاجه هتصعب عليك ابدا انت بس ابحث وشوف مقاطع تعرفك اكتر عن ربنا ثانيا مشكله عدم الانجاز دي انا شخصيا كنت بعاني منها والحمد لله قدرت التزم وانجز اكتر انت عايز تنجز ايه انت قول لعقلك اولا وبعدين اكتب كل اللي انت عايز تنجزو في ورقه واعمل جدول اسبوعي انا عارفه انك سمعت كتير بقصه الجدول دا بس الطريقه اللي هتخليك تلتزم بالجدول دا هيا انك تكتب السبع ايام الاسبوعيه وامسك مثلا يوم السبت دا اكتب الروتين اليومي بتاعك من اول ما تصحي لحد ما تنام بالتفصيل الممل مثال انتا بتصحي الساعه 5الفجر مثلا يبقا هتصحي الساعه 5 +غسل وجهي والوضوء لصلاه الفجر وبعدين فطار وبعدين تمارين رياضيه وبعدين........هكذا بالتفصيل الغرض من كدا تعرف كل ثانيه غي يوم رايحه فين وعلشان متحسش انك معندك وقت واكتب علي المكتب بتاعك انا لو ملتزمتش بالجدول اليومي بتاع النهارده هتعاقب وشوف عقاب قاسي بالنسبه ليك علشان لو جيت مره نست وقعدت علي التلفون مثلا او اي ملهيات تفتمر العقاب دا تجري علي دراستك وفكره العقاب دا بقا انتا ونيتك اما انتا تكون مسؤول علي نفسك وحياتك وتنجز وام متعاقبش نفسك وتفضل كدا الفكره فكره نيه تمام وفققك الله 🍄
تم النشر الثلاثاء، ٣ سبتمبر ٢٠٢٤
محتاجة انك تتكلمي مع اخصائي او معالج نفسي ، هيساعدك على ترتيب افكارك اكثر ، ويناقشك ، ويقدر يحدد على مدار الجلسات ، اذا كنتي بالفعل تعاني من وسواس قهري او لا ويرشدك في خطوات العلاج ... رسالتك غير كافية للتشخيص .. مرحلة المراهقة ، احينا نطلق عليها اسم "البحث عن الهوية" ، ويكون في اسئلة كثيرة عميقة في ذهن الشاب او الفتاة ،ويسعى للبحث عن اجابتها في كل الاتجاهات .. ولكن اذا وصل الامر الى ان التفكير يعيقك عن الحياة او يعطل روتين يومك او يرهقك ذهنيا ونفسيا ، هنا لابد من اللجوء لمتخصص نفسي يساعدك على استعادة توازن حياتك مرة اخرى. باي حال بكل ما تحكيه انتي بحاجة فعليا للحديث مع اخصائي او معالج نفسي ، هيساعدك كمان على تنظيم مشاعرك وتهدئتها والوصول معك لاصل المشكلة وعلاجها باذن الله.
تم النشر الثلاثاء، ٣ سبتمبر ٢٠٢٤
بالإضافة إلى بقية النصائح فأعتقد إنك في حاجة لقراءة سورة البقرة يوميًا والالتزام بأذكار الصباح والمساء وربما تكونين في حاجة إلى رقية شرعية تستمري عليها لفترة من الوقت حتى تتعافي بإذن الله.
تم النشر الثلاثاء، ٣ سبتمبر ٢٠٢٤
ممكن تساعدوني بارك الله فيكم
تم النشر الثلاثاء، ٣ سبتمبر ٢٠٢٤
لعرض السؤال في فدني اضغط هنا