اسفه ف عرض مشكلتي لو مش هتتلائم مع بعض الناس
انا سني ٢٣ سنة و دايما هورني
يعني بصلي ومتدينة ومش بتفرج علي اي حاجة تخليني كدا بس كل يوم حرفيا بيجيلي الاحساس دا وقت النوم وتفكيري ف الشيء دا مش بعرف اسيطر عليه ومش بعمل حاجه غير اني بفكر حتي مفيش تخيلات وبصحي تاني يوم جسمي كله مهدود وبحلم بحاجات زي كدا كتير جدا ولكن مع نفسي مفيش شريك في الحلم وبكون حاسة بكل حاجة كأنها حقيقة وبصحي كاني عملت كدا فعلا مع نفسي ومش بقدر اتخلص من تفكيري في الحاجة دي دايما واحس اني محتاجاها وبستعيذ بالله من الشيطان الرجيم دايما والبخ نفسي بحاجات كتير ولكن مفيش فايدة
رغم اني قريبة من ربنا كويس الحمدلله ومفيش حاجة بتتعرض قدامي تخليني اوصل لكدا بس حقيقي مش عارفة اتحكم في الموضوع دا ومش بعرف احكي عنه لحد لانه مسببلي مشكله اني مش بقدر اكون نشيطة ف شغلي وبيكون جسمي كله تعب ورجلي مش شيلاني ومش لاقية حل وخايفة دا يكون بيأثر علي صلاتي لان ساعات بصحي مش عارفة اخد شاور
تم النشر الخميس، ٢٠ يونيو ٢٠٢٤
حضرتك قولتي الموضوع طول نصيحتي ليكي لازم تشوفي شيخ بردو الاحتياط واجب والوقايه خير من العلاج حتى تطمني لو مفيش اي حاجه وخلي سوره البقره في البيت وخصوصا اوضك دايما
تم النشر الأربعاء، ١٩ يونيو ٢٠٢٤
الموضوع عادي بالنسبة لسنك وكونك شابة مش لازم يكون جن او ما شابه، فا متخافيش هي تقلبات هرمونية. عموماً اول عريس مناسب يجيلك اقبليه و حاولي تقللي فتره الخطوبه قدر الإمكان وربنا يسهل الحال
تم النشر الأربعاء، ١٩ يونيو ٢٠٢٤
يا حبيبتي، مافيش داعي تعتذري، انتي مو محتاجة تكوني خجلانة من أي شعور بيمر عليك. أولاً، ده شئ طبيعي جداً وكل الناس بيمروا بمشاعر زي دي في بعض الأوقات. لكن فاهمة احساسك انه الموضوع بيكون مرهق ومزعج. نصائحي لك: التوجيه الذهني: حاولي قبل ما تدخلي السرير تشتغلي شوية على توجيه ذهنك لحاجات تانية. اقري كتاب، أو اسمعي موسيقى هادية، أو حتى مارسي التأمل (Meditation) قبل النوم. النشاط البدني: حاولي تكوني نشيطة بدنيًا طول اليوم. المجهود البدني بيساعد الجسم والعقل على الاسترخاء بشكل أكبر بالليل. الروتين الليلي: حافظي على روتين نوم منتظم، يعني حاولي تنامي وتصحى في نفس الوقت كل يوم. ده بيساعد الجسم يتعود على أوقات الراحة. الحديث الداخلي: لما تحسي بالشعور ده، بدلاً من مقاومته بمحاولات قوية، جربي تتقبلي الشعور لفترة صغيرة ولكن ماتديهوش كتير من وقتك وتفكيرك. الاستشارة النفسية: لو حسيتي إن الموضوع مجتمع وماقدرتيش تكسري الدائرة دي بنفسك، ممكن تستعيني بمعالج نفسي. الحاجات دي مش عيب إنك تتكلمي عنها مع محترفين مختصين. تذكري، المهم إنك ما تلوميش نفسك. نفسك دي قوية وانت اتخذتي خطوة كبيرة بالحكي عن مشكلتك. كلنا بني آدمين وعندنا مشاعر وحتى المشاعر اللي بتكون لينا صعبة احيانا، بس اللي بيميزك هو إرادتك انك تتغلبي عليها. 🌹
تم النشر الثلاثاء، ١٨ يونيو ٢٠٢٤
اول حاجه صلى قيام ليل وصلى على الرسول كتير وحوقلى كتير بنيه ان ربنا يبعد عنك كل الكلام ده .تاني حاجه لما يجيلك التفكير ده افتحي المصحف واقراي هاتي اي حد تسمعيه من الداعيات واحده اهل للثقه واشغلى نفسك بيها .قومي حتي اعملى اي حاجه فى البيت اعملى حتي اكل ساعدي اي حد المهم تشغلى نفسك قدر المستطاع
تم النشر الأربعاء، ١٩ يونيو ٢٠٢٤
فعلا يا جن يا فترة احتلام عادية كلنا مرينا بيها ومكناش بنشوف حاجات قدامنا بردو
تم النشر الخميس، ٢٠ يونيو ٢٠٢٤
بص انتي لازم تروحي لشيخ لان ده اكيد قرين و ممكن يتطور لجن عاشق ف الحقي نفسك
تم النشر الخميس، ٢٠ يونيو ٢٠٢٤
احتمال كبير يكون جن عاشق
تم النشر الخميس، ٢٠ يونيو ٢٠٢٤
لعرض السؤال في فدني اضغط هنا