سلام عليكم ورحمة الله وبركاته أنا عندي 15 سنه بتعرض للعنف الأسري من وأنا عندي 5 سنين تقريبا او اقل ده ان ابويا غير متزن نفسيا بيعمل حاجات مش كويسه لماما قدامنا زي ان بيبقي عايز يبوسها وحاجات من دي ففي مره وانا عندي تقريبا 5 او 6 سنين ماما وبابا دخلوا الاوضه وقفلوا الباب عليهم وطبعا مش من عادتهم انهم بعملوا حاجه زي كده فأنا كنت قاعده لوحدي ف استغربت فقمت وحطيت ودني علي الباب عارفه اني مكنش ينفع اعمل كده ف المهم اني سمعت ماما بتقول اه بصوت عالي جوه فأنا اتخضيت وخفت في نفس الوقت وقعدت اعيط لوحدي كده في صمت وانا مش فاهمه هو كان ايه اللي بيحصل اصلا كنت في الوقت ده بحاول اني الهي نفسي بأي حاجه بس كنت كل ما افتكر اعيط ف المهم ماما وبابا طلعوا من الاوضه وانا كان باين علي وشي العياط ف ماما بتقولي مالك ف المهم حكتلها علي اللي حصل قالتلي انتي حطيتي ودنك علي الباب قلتلها لا مع انه انا عملت كده ف هي قالتلي انه ايدها اتخطبت ف انا صدقتها وخلاص الموضوع عدا وتمر الايام واعرف سبب الصوت اللي ماما عملته جوه في الاوضه واعرف ان فيه حاجه اسمها علاقه زوجيه ف فرمضان اللي فات جدتي اتوفت وانا كنت بنام عندها فبابا غصب عليا اني انام في البيت وانا كانت نفسيتي تعبانه جدا ولا بذاكر ولا كنت بعمل اي حاجه خالص ف نمت هناك تقريبا اسبوعين وكان كل خميس يدخلوا ويفقلوا الباب عليهم وانا طبعا افهم ايه اللي بيحصل بقعد اعيط ومش ببقي طايقه نفسي وبعد ما بيخلصوا ببقي مقروفه منهم ومش ببقي طايقه ماما مع اني بحبها جدا فكان بعد اللي حصل تاني خميس وانا خلاص قررت اني هنام هناك ومن ساعتها وانا ببيت في بيت جدتي موضوع اني الاقيهم قريبين من بعض او مبسوطين بيدايقني جدا وده طبعا ليه سبب ان بابا عمل فماما حاجات وحشه كتير كان بيعاكس ستات وكان عايزه يتجوز عليها وبيعاملها وحش ومن فتره كان عايز يتجوز حب عمره اللي رفضته قبل ما يتجوز ماما وكان بيقول لماما انا مخليكي عشان افرغ شهوتي فيكي مش اكتر طبعا انا الجمله دي اثرت فيا جدا وقعدت فتره اعيط بسببها وكنت بدايق من ماما اوي لما بلاقي انه بيحصل بيهم علاقه عادي وانه هي الزاي راضيه علي نفسها كده مع انه ببقي عارفه انه غصب عنها بس في نفس الوقت بيجيلي غصب عني احساس اني مستحقراها انه بعد ما يقولها كده تنام معاه عادي ومن كام يوم كان النور كان قاطع وانا كنت نايمه صحيت ولقيت باب اوضه النوم بتاعتهم مقفول طلعت اشوف الشباشب اللي قدام الشقه لقيت انه مفيش غيري انا وبابا وماما او حاجه اتعاملت مع الموضوع عادي وكانه مفيش حاجه وقلت ان كرهي لقربهم المره اللي فاتت كان بسبب اني نفسيتي تعبانه وكده سمعت كذا مره ان باب الاوضه بيتخبط وكل مره خوفي بيزيد اكتر ف المهم ان الباب اتفتح وبصيت لقيت بابا without clothes وماما كانت بالعبايه عادي ف المهم اني عيطت جامد وقعدت اقول انا اللي وصلت نفسي لكده انا السبب انا بكرههم ده مش مكاني انا عايزه اروح عند بيت جدتي عارفه اني دي حاجه متخصنيش واني ملييش حق اني اتدخل فيها بس انا مش عارفه اعمل ايه الموضوع بيأثر علي نفسيتي وبيتعبني جامد ومش ببقي طايقه اجي البيت ولا طايقه ماما وبقعد افكر ان فعلا لو كانت علاقتهم كويسه ليه بيتظهروها قدامنا ان هي وحشه وحاليا مش عارفه اتعالج عند دكتور نفسي ولا اعمل ايه مع العلم ان الموضوع ده السبب اني منمش في البيت لأن ده هيأثر علي مذاكرتي وعلي حياتي عمتا نفسي ارجع انام بس في نفسي وقت حقيقي انا بكره اشوفهم مقفول عليهم باب واحد
وعليكم السلام ورحمة الله وبركاته هو مفيش عنف اسرى فى كلامك انتى عندك صدمة من موقف الطفولة ومفاهيم غلط كتيير واصلالك محتاجة تتصحح شوية وعى وادراك على قد مرحلتك العمرية وهتكونى احسن ان شاء الله بابا عادى وماما عاديه متقلقيش اللى بيحصل كله امور وارده بين المتزوجين والكلام عن الشهوة و النزوات انتى بس كان الافضل انك متسمعيهوش ...بس هو بيبقى حاجة كده زى ما بتز على من ماما انها ضربتك وتقوليلها وانتى طفله ...انا مبحبكيش ومش عاوزة اقعد معاكى ...بس بعد ما بتصالحك بتحضنيها وتقوليلها بحبك عادى كلام عابر ومشاكل عابره مش معناها ان علاقتهم وحشة اوى كده وهما بيتعاملوا بشهوه زى ما انتى فاكرة انصحك تتفرجى على فيديوهات لدكتورة هالة سمير ...هتتعلمى كتييير اوى وهتفهمى كتييير
تم النشر الاثنين، ٢٥ سبتمبر ٢٠٢٣
وعليكم السلام ورحمة الله وبركاته شكراليكي علي مشاركتك 🌷 انا مقدرة خوفك وقلقك واحساسك واصلني هاخد من كلامك انك بتتعرضي لعنف أسري من وانتي عندك ٥سنين احكيلي اكتر عنه؟
تم النشر الاثنين، ٢٥ سبتمبر ٢٠٢٣
بصي، كل واحد بيبص علي حاله إللي هو فيه عشان دايما بيبقي عنده فكر أنه هيبقي حاله شبيه من حالهم أو أقرب حال ليهم عشان يعني هنجيب الحال الأغرب منين حتي لو كان وحش أو حلو، فكرة إنك كارهة الشعور دة أكيد ارتباط بكلام والدك السيء مع أمك ودة غلط كبير من والدك وفعلا الكلمة مش سهلة، ولكن أنتي الواضح كبيرة وممكن تتكلمي مع والدتك عن دوافعها وأسبابها وتحكيلها عن إللي أنتي بتحسيه بعيداً حتي عن معرفة بباكي، ولكن هقولك حاجة فكرة أنه علاقتهم حلوة دة مش شرط لمجرد إنك شوفتيهم كويسين في النقطة دي، لأن كل بني آدم عنده غريزة ومش شرط كلنا يبقي عندنا نفس الشعور تجاه تلقيها أو إرسالها، فهي ممكن تكون مكملة عشانك مثلا، عشان حاجات كتير لو سألتيها عليها ممكن تقولك وتكون مخبية جزء أكبر منها، الست كل ما بتكبر بتبقي محتاجة أكتر للراجل يعني متطلبات الحياة والتعامل مع الظروف المحيطة بتقتضي وجوده، أو حتي إبن كبير ليها، المهم تكون محاطة بسور الأمان إللي غالبا بيصنعه وجود الراجل، وعادة الست من سن علي آخر العشرين لحد علي ما اظن نص الأربعين بتبقي محتاجة دة جدا، وهي أكيد مش أقل من السن دة والست أكثر احتياج للشيء دة اكتر من الراجل، ممكن تبقي باصة إن دة حقها من ضمن حقوقها ودة فعلا حلالها مش شرط يكون جوا حياتهم ما بينهم هما بص وجواهم زي ما بيظهروا، وممكن يكون عنهم سعادة مؤقتة، وفكرة أنه يتجوز من حب عمره إللي رفضته بعد السنين دي كلها هو عندنا عادة الراجل العربي والمصري تحديداً مبيحبش يترفض ف يمكن واخد الموضوع تحدي، أو أخد حاجة من كل حاجة حاولي تتكلمي مع مامتك بدون رمي التهم عليها لأن دة أكيد هيأذيها نفسيًا، حاولي تسمعي أسبابها كل واحد منا ليه أسبابه خصوصاً أنها مبتعملش حاجة حرام، وخلي في عقلك أن مامتك ست محترمة لأنها بتعف نفسها ودة أساسا المبدأ إللي قائم عليه الجواز عفة النفس، مش بقولك إن دة يتجرد من المشاعر، لأ بس بقولك متبصيش لمامتك بالنظرة دي وحاولي تتفهمي الوضع إللي أنتي متحطتيش فيه ومش شرط عشان حد منك اتحط فيه تتحطي فيه حاولي تتفهمي أسبابها وتسمعيها، ولو رفضت الكلام فدة حقها، كلنا عندنا نقوصات حتي لو في الشخصية مش عقاب إنها أم وعندها بالنسبالك نقص، ممكن عندها يبقي كمال
تم النشر الثلاثاء، ٢٦ سبتمبر ٢٠٢٣
شكرا جدا لحضرتك 🤍
تم النشر الاثنين، ٢٥ سبتمبر ٢٠٢٣
ربنا معاكي و يوفقك و ييسرلك أمورك كلها يارب
تم النشر الاثنين، ٢٥ سبتمبر ٢٠٢٣
هو حقيقي مقدرش اقول اني هعرف اصلح الوضع مع نفسي لإني لو جربت ممكن اعك الدنيا اكتر وغير كده ممكن تشتتني عن مذاكرتي فهضطهر اني ابعد عن الموضوع ده حاليا ده غير ان حتي لو بدأت اني اروح عند دكتوره فهيبقي من غير ما ماما تعرف لاني طبعا مش هينفع اني اقولها علي السبب فلو كده فعلا هعمل زي ما حضرتك بتقول وهستني شويه+شكرا جدا لحضرتك حقيقي مش عارفه اقولك ايه ربنا يجازيك كل خير
تم النشر الاثنين، ٢٥ سبتمبر ٢٠٢٣
• تابعي مع طبيبة نفسية ، لأنه لديكِ مُشكلة نفسية ولا تجعلي نفسك حكم في علاقة والديكِ ، ليس لكِ علاقة ماذا قال لها وماذا فعلت معه ، هذان زوجان من حقهم أن يفعلوا ما يُريدون هذا شرع اللَّه.
تم النشر الخميس، ٢٥ يناير ٢٠٢٤
اتعالج الخلل منك مش من اهلك
تم النشر الثلاثاء، ٢٦ سبتمبر ٢٠٢٣
تمام شكرا جدا لتفهمك واكيد هاخد بنصيحه حضرتك واعمل كده🤍🤍
تم النشر الثلاثاء، ٢٦ سبتمبر ٢٠٢٣
بصي يا حبيبتي دا امر طبيعي بين الأزواج ومامتك حقها تقبل الوضع لكن كونك تحاسبيها علي دا فدا مش من حقك ابدا انا مراعيه خوفك وقرفك لكن انتي هتكبري وتكوني مكانها كل اللي عايزاكي تعمليه انك تبعدي عن مشاكلهم خااالص اديكي شوفتي هما تمام وخليكي فبيت جدتك وركزي في مذاكرتك هناك ولما تكبري شوية هتعزريها
تم النشر الثلاثاء، ٢٦ سبتمبر ٢٠٢٣
هو الطبيعي في سنك دا انك بتركزي في مذاكرتك و في نفسك و في أهدافك و .. و .. ، و الكلام دا غير مناسب ليكي فعلا ، لكن انتي دلوقتي في مشكلة غير مسؤولة عنها و لكن بالطبع انتي مسؤوله عن انك تلاقي لها حل و زي ما قولتلك في الأول المشكلة دي محتاجه متخصص يتابع معاكي و نقطة . ، ولكن لو تقدري تعرفي مشكلتك فين و تبحثي و تدوري و تلاقي لها حل و تصلحي المفاهيم المغلوطة عندك يبقي احسن ، لو مش هتعرفي و خايفه تدخلي في متاهات و تتلغبطي اكتر خلاص بلاش و متحطيش الموضوع في دماغك لحد ما ييجي السن المناسب و بعد كدا تقدري تشوفي دكتورة كويسة تتابعي معاها ... ، بالنسبة لنقطة عيب و حرام فلا طبعا انتي بتصلحي المشاكل اللي عندك و بتفهمي الصح بنية انك تكوني زوجة صالحة في المستقبل ، العيب و الحرام هو اللي انتي اتعرضتيله والله و منقدرش نقول غير حسبنا الله ونعم الوكيل
تم النشر الاثنين، ٢٥ سبتمبر ٢٠٢٣
طيب معلش هتعب حضرتك معايا بس الاقي الناس اللي بتتكلم عن الحاجات دي الزاي ومش هيبقي عيب اني اسمع فيديوهات زي دي بالنسبه لسني واكيد مش حرام صح
تم النشر الاثنين، ٢٥ سبتمبر ٢٠٢٣
عشان كدا سألتك ... والدك للأسف معندوش اي وعي بخطورة اللي كان بيعمله دا ، انتي لسه صغيرة و للأسف اتعرضتي لمواقف اكبر من سنك و عقلك بكتير و لو قولتلك فاكره ايه تاني انا متأكد انك هتحكي مواقف تانية ، ف لازم تحاولي من دلوقتي أن يبقي عندك ثقافة جنسية سليمة عشان ميبقاش عندك مشكلة مستقبلاً ، في ناس متخصصة علي اليوتيوب بتتكلم عن العلاقة الجنسية و المواضيع دي في صورة علمية و بشكل في وعي كبير انتي محتاجاه، انتي محتاجه تدفعي كل الحاجات الغلط اللي اتخزنت في عقلك اللاواعي بحاجات صح و بعلم و معرفة حقيقية .. و ربنا يحميكي و يحمي كل بناتنا يارب
تم النشر الاثنين، ٢٥ سبتمبر ٢٠٢٣
معتقدش اني عندي مشكله معاها بس انا عايزه اتكلم بصراحه ومن غير احراج بعد اذن حضرتك يعني معتقدش اني لما اشوف بابا عاري تماما قدامي كذا مره ده ممكن انه يسببلي مشكله وفي مره كان قاعد بيتفرج علي فيديوهات إباحيه وكان مندمج جامد وكان قاعد في الصاله هو واختي بس كان كل واحد فحاله فأنا طلعت الصاله عادي لقيته كان مبين عضوه(اسفه في اللفظ) ساعتها افتكرت اللي كان خاطفني وانا صغيره لانه عمل نفس الحركه دي قدامي بس دي بردو معتقدش انها ممكن تسببلي مشكله بس كل ما اتخيل نفسي مكان ماما وجوزي طلب مني طلب زي ده بيبقي كل اللي فدماغي الرفض عشان كده خايفه انها تأثر عليا بعد كده واتعقد انها فعلا ممكن تأثر
تم النشر الاثنين، ٢٥ سبتمبر ٢٠٢٣
طب انتي متأكده انك معندكيش مشكلة مع فكرة العلاقة الجنسية نفسها أو رهبه أو تخيل مش صحيح ..لأن زعلك الاوڤر دا من مامتك رغم انك عارفه الظروف بالنسبة لي غريب جدا و انا خايف مشكلتك دي تكون مخبية وراها مشاكل تانية كتير تأثر عليكي لما تكبري و تتجوزي في المستقبل إن شاء الله ، ف بسألك عشان لازم تطلعي كل اللي جواكي و مينفعش تفضلي مخبية كدا ، لأن لو فعلا عندك مشكلة في الموضوع دا لازم تتعالجي و تتعرضي علي متخصص ، أما لو مفيش مشكلة و الموضوع مجرد تأثر نفسي بالاحداث اللي بتحصل ف زي ما قولتلك أنني محتاجه تصبري بس شوية و تدعي ربنا يصلح الحال .
تم النشر الاثنين، ٢٥ سبتمبر ٢٠٢٣
انا عايزه اقولك اني فعلا عذراها ومقدره موقفها كويس اوي بس حقيقي مشاعري اللي بتبقي ناحيتها بتبقي غصب عني هي ملهاش ذنب اني بعد ما اعرف انهم عملوا علاقه اتعامل معاها وحش وده سبب اللي بيخليني افكر اني اتعالج +حقيقي مفيش في ايدي حل غير كده وربنا يهديه وشكرا جدا علي كلام حضرتك واسفه لو كنت طولت عليكي
تم النشر الاثنين، ٢٥ سبتمبر ٢٠٢٣
انتي رديتي علي نفسك علفكرا .. هي والدتك بتشتكي و زعلانه و الوضع مش عاجبها و لكن هي فعلا لو رفضت يبقي حرام عليها ف هي متقدرش ترفض ، ف انتي المفروض تعذريها مش تقرفي و الكلام دا ، و اعتقد هي بردو شايفه أن الانفصال مش حل مناسب ليها أو ليكي ف حاولي تكون رحيمة بوالدتك شوية .. أما عن والدك ف للأسف انتو ضحية لشهواته و اندفاعه وراء الملذات دون التفكير في عواقب الأمور .. ف ما باليد حيله ، فقط ادعيله ربنا يهديه و يصلح له حاله و يرجعه لصوابه و الأمور تتحسن و لعلها قريبه يعني إن شاء الله ، اي حد بيمشي ورا شهواته كدا لما الموضوع بيوصل معاه للقاع بيفوق و يرجع من تاني ، ف اصبري و احتسبي و ادعيله ، و بجد ربنا يقويكي انتي و والدتك
تم النشر الاثنين، ٢٥ سبتمبر ٢٠٢٣
ايوه المشكله اني حاطه ف دماغي انه الزاي بعد ما يقولها انا مخليكي عشان افرغ شهوتي فيكي بتقدر انها تمارس معاه العلاقه تاني والمشكله بردو اني عارفه انها متقدرش ترفض الطلب ده عشان حرام وغير كده اني دي حاجه متخصنيش بس حقيقي الموضوع مسببلي ازمه كبيره في حياتي بالإضافه لاخوف اني انام في البيت مع اني نفسي اعيش معاهم +انا عايزه اقولك ان بابا كتير اوي بيرجع معتذر وبيعيط وربيبقي عايزنا نسامحه وربنا بيهديه يومين او تلاته بالظبط وبيرجع اوحش من الاول بس لو فعلا ربنا تاب عليها ومش هيرجع وحش تاني فممكن اتعامل مع الموضوع عادي حاليا مش هعرف اني اجاوب اجابه صريحه لأني كل ما بتخيل الموضوع بحس بعدم تقبل لاني لسه عايشه في القديم فصعب اني اقول اجابه واضحه حاليا بصراحه +احساس بالقرف وخصوصا من ماما لان بعد ما بيحصل بينهم علاقه بترجع وبتشتكيلي منه تاني تاني ف أنتي بترضي علي نفسك كده من الاول طالما انتي بتشتكي منه ده عياطي اللي لحد دلوقتي معرفلوش سبب
تم النشر الاثنين، ٢٥ سبتمبر ٢٠٢٣
تمام جدا ، انا سألتك عن مشاعرك تجاه والدك و عن الاعتداء و العنف و الافلام الإباحية عشان افهم لو انتي عندك مشكلة مع الموضوع اصلا لأن فيه بنات لما بتعرف عن العلاقة الزوجية و بتشوفها في الافلام غير الواقعية دي بيجيلها رهبة و خوف منها و تخيلات غير حقيقية في خوفت تكوني ربطي بين الحاجات دي كلها و عشان كدا مش متقبله العلاقة الطبيعية بين والدك و والدتك لكن معني كلامك أن مشكلتك الوحيدة مع والدك هي التغيير اللي حصل و العنف اللي بقا فيه و أن هو مش مهتم بيكو و بمشاعركم و بيجري ورا شهواته و حبه القديم و الكلام دا ، و مشكلتك مع مامتك أنها مستسلمه ليه و بتمارس معاه العلاقة عادي حتي و هما بينهم مشاكل صح كدا ؟ + معلش سؤال اخير و ياريت تجاوبي عليه بكل صراحة هل لو والدك ربنا هداه و رجع معتذر و معترف بغلطه و مامتك سامحته و رجعوا يعيشوا في هدوء و منغير مشاكل هل هيبقي عندك مشكلة ولا انتي تتمني حاجه زي دي اصلا ؟ وهل لو هما علي الحالة دي و انتي بالصدفة بردو عرفتي أنهم بيمارسوا العلاقة الزوجية هل هتضايقي منهم ولا هيكون مشاعرك ايه ناحيتهم ؟؟
تم النشر الاثنين، ٢٥ سبتمبر ٢٠٢٣
لا قبل ما يحصل الموقف ده عمر ما كان فيه مشاعر كره نحيته لأنه كان بيحبني جدا كان بياخدني معاه في كل مكان اتعلمت المشي علي ايده فمش هنكر انه ليه فضل كبير عليا بصراحه؛ بصراحه انا مكنش فتخيلي حاجه لأني كنت فاكره انهم نايمين عادي بس عيطت من خوفي اللي هو ايه اللي بيحصل جوه هي ماما كويسه؛ لا خالص بصراحه بصراحه مفيش غير مره اتخطفت فيها قبل كده وكان اللي خاطفني مجنون فعمل معايا حاجات مش كويسه بس الحمدلله الموضوع متماداش بس كنت 7 سنين تقريبا؛ هو انا تعاملت مع الموضوع عادي اول مع عرفت وبصراحه متأثرتش اللي هو عادي بس كتر المواقف اللي بيعملها خلتني اتقفل من ادايق من قربه من منها وانه مش من حقه انه يلمسها؛ معتقدش ان يمكن السبب مشاعري اتجاه بابا لانه مهما كنت بقول اني بكره فأنا مازال في مشاعر حب اتجاه بس احساسي بعدم الاخقيه ليه انه يامسها بسبب اللي كان بيعمله فيها يمكن يكون هو السبب؛ اه بابا كان بيقعد يتفرج علي الحاجات دي قدامي وده اللي خلاني يبقي عندي فضول وببقي عايزه اعرف ايه اللي بيحصل لحد ما جبت التابلت كان اول تكنولوجيا امسكها في حيةتي وبدأت اني اعرف ان دي علاقه زوجيه كنت بتفرج عليها علي اساس انها عادي لدرجه اني كنت بدأت اني ادمنها فسن صغير كنت حوالي 10 سنين لحد ما عرفت انه حرام وربنا هداني وبقيت بكره الحاجات دي اصلا
تم النشر الاثنين، ٢٥ سبتمبر ٢٠٢٣
انتي بتقولي انك بتتعرضي للعنف الأسري من وانتي 5 سنين .. هل معني كدا أن حتي من قبل الموقف دا ما يحصل كان جواكي كره أو مشاعر مش كويسة تجاه باباكي ؟ ، ثانيا لما حصل الموقف دا اول مرة ايه اللي كان في تخيلك و خلاكي تعيطي ؟ يعني هل فكرتي باباكي بيضرب مامتك فهي صوتت ف عشان كدا عيطي ولا حاجه تانية هي اللي خليتك تعيطي ؟ ثالثا هل تذكري انك تعرضتي لأي اعتداء أو تحرش من وانتي صغيرة أو لما كبرتي ؟ رابعا لما كبرتي و عرفتي معني العلاقة الزوجية وأنها فطرة في الإنسان و عرفتي أن الصوت دا كان صوت والدتك أثناء العلاقة ، ليه معتبرتيهاش حاجه عادية و خدتي الموضوع وكأنه خداع منهم ليكي و ازاي يعملوا كدا و هما بيكونوا زعلانين مع بعض ؟!! هل دا ليه علاقة بمشاعرك تجاه والدك ولا في سبب تاني ؟ اخيرا هل انتي اتعرضتي لافلام إباحية قبل كدا ؟؟
تم النشر الاثنين، ٢٥ سبتمبر ٢٠٢٣
لعرض السؤال في فدني اضغط هنا