اسامح واغفر الخيانة ولا لا وادي فرصة تانية ولا لا

Question

السلام عليكم انا بنت عندي ٢٢سنة ومخطوبة لواحد 39سنة وبقول السن عشان تفهموا طبيعة انو هو عاقل واقوي بالكلام اكتر بكتير مني هو دلوقتي حصل مشكله انا شفت شات بينو وبين واحدة متجوزة حسب الشات انها بترمي نفسها وتجرجروا بالكلام وصور وهو بيجاريها بيتكلموا فون الساعة 12بليل من ورا جوزها هو اعتذر ووعد انو مش هيكررها واتذلل ليا انا تعبت ورحت المستشفى من الصدمة وفضلت اسبوع مش عارفه أقف حتي مش عارفة اكمل وحاسة بغدر وخيانة لكن خايفه اهد حياتي بأيدي ومش عارفه اعمل اي هما كانوا مرتبطين وهيا ساكنة في المكان اللي هتجوز فية

Accepted Answer

في الحقيقة القرار ب ايدك .. انتي عايزة تسامحي سامحي .. وارد انه يكون كويس ووارد لا طبعا. بس الموضوع تقيل شوية، يعني هو بيتكلم مع واحده وكمان متجوزة، ف الكارثة كارثتين الحقيقة .. يعني مش بيتكلم مع واحده عاديه وسنجل مثلا! لا هي كمان متجوزة. انتي لسه صغيرة، وانتي بصراحه مش مضطرة ابدا يعني تكملي في العلاقة لما بانت كده من الاول بالشكل ده، يعني لسه على البر. لو عايزة تدي فرصة ياريت تخلي فيه فترة تقيمي فيها العلاقة تاني، وتشوفي هل هيعمل كده تاني ولا لا؟ وياريت تفكري كويس ..

Answer

بلاش تكملي معاه بجد كونه إن حد عاقل ففاهم إن أصلا عيب وحرام يكلم واحده متجوزه أو غيره فكدا هو حد لأما اخلاقه مش كويسه أو ممكن تكون ذلة شيطان وأنتي مش هتكتشفي إلا لما تتجوزي وأحنا فغنى عن دا وبعدين فرق السن بينكوا كبير!!

Answer

انا برأيي انو انتي لساتك صغيرة والعمر قدامك ويلي عمله صراحة كتير والرجال ما الهم امان بتعرفيش هلق تسامحيه وبعد فترة رجع تاني عمل شي حركة مشابهة رح يقلك نزوة ولا بلغلط ولا شي.. صح بامن بالفرصة الثانية بس فيه اشياء ما بتخلي للفرصة الثانية مطرح.. وبما انك لساتك صغيرة اقطعي علاقتك فيه وعيشي حياتك وما بستاهل دمعة منك.

اسامح واغفر الخيانة ولا لا وادي فرصة تانية ولا لا

اجتماعية

حب

سؤال من احد أعضاء فدني

تم النشر السبت، ٩ سبتمبر ٢٠٢٣

3 إجابة

3 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك