انا واقعه في مشكله وعايزه حلول مناسبه مع تقدير الظروف بالله
انا اختي متزوجة في بلد بعيده عننا وعرفت بالصدفه أنه زوجها بيكلم بنت تانيه هو مفيش بينهم حاجة بس هو بيقولها أنه بيكلمها كلام عادي وهي لما فتشت وراه مطلعتش بنت واحدة فيه كذا واحدة تانيه بيكلمهم برضو وأما واجهته من مأنكرش وقالها هي دي عيشتي وإذا كان عاجبك ومد ايده عليها ولما اشتكت لأهله هما قاطعوه وباباه اتكلم معاه بس هو مسمعش كلامه فهي دلوقتي معاها 3 أطفال منه ومحتارة تعمل اي واحنا هنا ظروفنا صعبه وكمان بابا وماما قاسيين ومش هيستحملوها خصوصا أنه ماما كان بيعمل فيها نفس الشئ فهيبقي بالنسبالهم دا الطبيعي ومش مشكله واختي مش قادره تستحمل الوضع دا تعمل معاه اي ؟
السلام عليكم ورحمه الله اهلا وسهلا 🔹اختك اكيد بتمر بألم نفسي شديد و اي ست حقها تزعل و تتألم لما تعرف أن زوجها يعرف ست تانيه عليها، بس قبل اما تاخد اي خطوه لازم تكون عارفه أبعدها كويس ، الطلاق من أصعب التجارب اللي بتمر بيها الست و بتكون بدايه المشاكل مش العكس. ✴️كل حاجه ممكن تداوي مع الوقت، تكوين بيت و اسره أمر في غايه الصعوبه و اسهل شئ الهدم ، اما البناء عاوز مجهود و طاقه. 🔹 اول حاجه تهتم بنفسها اكتر و تنمي اي مهاره عندها و تشتغل سواء من البيت في أنها تبيع اكل ، او تبيع ملابس, او تخرج و تشتغل دي اول خطوه لازم يكون ليها دخل خاص بيها 🔹تاني حاجه و دي صعبه جدا جدا علي اي ست، أنها متفتحش الموضوع دا تاني معاه و تعمل نفسها انها مش عارفه و دا كان المفروض يحصل اول ما شافت ، لان الاول كان بيعمل في الظلام و خايف منها لما هي واجهته بقي علي عينك يا تاجر و محصلش اي استفادته غير أنه بقي اقوي و بقي يكلم ولا يهمه شئ. ف هي متفتحش الكلام دا طول ما هي عاوزه تحافظ علي بيتها و اولادها. 🔹 تجيب ورقه و تطلع كل الكلام اللي جواها في الورقه دي و بعد كدا تحرقها او تقطعها و تخليها بشكل يومي. 🔹 خليها تعمل اي حاجه بتسعدها حتي لو بسيطه تغير من نفسيتها. 🔹 خليها تعمل رياضه في البيت حتي لو مع اولادها في أنها تتحرك معاهم و يعملوا انشطه رياضيه حتي لو نص ساعه هتفرق في مزاجها. 🔹و بلاش تتكلم تاني في الموضوع دا ، كثره الكلام فيه بيعمق الآلم جواها، خليها تشتغل علي حلول المشكله. 🔹خليها تتجاهله شويه و تهتم بنفسك اكتر ما هي بتهتم، و هو هيجي و هيكلمها ، خليها بقي ترد بأحسن الكلمات و تجذبه ليها تاني. 🔹المحاوله مستاهله ، خراب البيت مش سهل و هي من حقها تعيش حياه فيها رضا و سعاده مع زوجها و اولادها. اسأل الله أن يبارك لهم في حياتهم تحياتي
تم النشر السبت، ٢٢ يونيو ٢٠٢٤
أولا أنا مقدرة الضرر الواقع على اختك نفسياً ولكن دعينا نتناول بعض النقاط التي يجب عليها فعلها وفي حالة عدم الاستطاعه فعليها الذهاب لمتخصص ،، هناك عدة أمور يجب أن تفعلها *بالنسبه لها هي هناك سؤال يجب الإجابة عليه ما يفعله زوجها يدل على سلوك سيء ناتج منه هو لا يمت لها بصله فلا تقلل من شأن نفسها أو تقبله لأنه سلوك غير مقبول مهما حاول هو ذلك عليها الاهتمام بنفسها وتقدير ذاتها ولو أتيحت الفرصه للعمل فلتعمل وتكسب مادياً لتؤمن نفسها من هذه الناحيه *تتحدث معه في ماذا يريد من هذا السلوك فهو في الغالب لدية عدم تقدير لذاته ويحتاج لعلاج معرفي سلوكي وتحاول معرفة وجه تقصيرها معه وتحاول التحدث دوما معه والاستماع له ،، *للأسف في حالة عدم الاستجابة يجب الاستعانة بأهل ثقه من العائلتين وللأسف أيضا قد لا يكون رادع له لأنه يحتاج للعلاج ،، وليس من المنصف أن نجبر اختك على حياة مثل هذه مهما كانت الظروف المحيطة بها
تم النشر السبت، ٢٢ يونيو ٢٠٢٤
بالنسبة لموضوع اختك خليها تتكلم مع زوجها بطريقة مناقشة هادية. تشوف هي مقصرة في ايه وتحاول تعمله. تعرف زوجها بيحب ايه وتبتدي تعمل ده. بلاش تخرب بيتها علشان هتعيش فترة صعبة جدا. الزوج بيحب التغيير. هي من فترة للتانية تغير في طريقة لبسها وشكلها حتى في البيت نفسه
تم النشر السبت، ٢٢ يونيو ٢٠٢٤
مفهوم تماما الوضع اللي بتعيشه أختك، والألم النفسي والجسدي اللي ممكن تكون بتعاني منه. دي حاجة صعبة جداً بتمر بيها. تعالي نفكر مع بعض كيف نتصرف في الموضوع ده خطوة بخطوة: الأمان قبل كل شيء: لازم تتأكدوا إنها في مكان آمن وإنها مش معرضة لأذى جسدي من زوجها. ممكن تشتغل على تأمين مكان آمن ليها وللأطفال لو الموضوع بقى خطر. الإستعانة بالخبراء: لو في جمعيات نسائية أو منظمات حقوقية في بلدها ممكن تساعدها، ده هيكون أفضل. في كتير من الجمعيات دي بتقدم حماية قانونية وإرشاد للنساء اللي بيمروا بمشاكل زي دي. الدعم العاطفي: كوني دايماً مساندة لأختك، اسمعيها وخليها تحس إنكِ موجودة ليها. الدعم العاطفي والوجود جنبها هيكون له أثر كبير. التوعية بحقوقها: خليها تعرف حقوقها القانونية في بلدها، سواء حقوقها في حالة الطلاق أو نفقة الأطفال. المعلومة الصحيحة بتخلق فرق كبير في اتخاذ القرارات. احترمي قرارها: مهم جداً إنك تحترمي رغبتها وقراراتها حتى لو هي قررت تفضل معه أو تسيبه. انتي ممكن تقدمي نصائحك واراءك لكن لازم تديها الحرية في اتخاذ القرار. البحث عن حلول: أحياناً ممكن يكون في حلول تانية، زي العلاج الزواجي أو الاستشارة النفسية. مش كل موقف بيحتاج حلول جذرية، وفي بعض الحالات بتحتاج الأسرة لمساعدة محترفة لحل المشكلات. إذا استمر الوضع زي ما هو: لو الزوج ما تغيرش وما كانش فيه حل، لازم تشجعيها على إنقاذ حياتها وحياة أطفالها. لو الطلاق هو الحل المناسب لها، لازم تدعميها في ده. اخيراً، مهم إنكِ تدعميها بصلاتك ودعواتك، وتحاولي تكوني جنبها في سواء في الحلوة أو المرة. ربنا يديكم القوة والصبر.
تم النشر السبت، ٢٢ يونيو ٢٠٢٤
المشكله صعبه لانو مفيش دعم من الاهل ودا هيخليها تخاف تطالب بحقها او تنفصل ولو شافها ساكته هيتمادي اكتر واكتر ويبقي يضربها عادي ولازم يعرف انو عندها سند علشان ميتماداش اكتر وداهيتعبها هيه نفسيا وانشاء الله خير
تم النشر السبت، ٢٢ يونيو ٢٠٢٤
لعرض السؤال في فدني اضغط هنا