أنا متزوج من 6 سنوات معايا طفلين عندي مشكلة وحابب رايكم فيها بوضوح، مراتي بقت غريبه مبقتش تسمع الكلام ولا بتعرف بتقول ايه وكلامها تجريح فيا وقت المشاكل
وانا غصب عني بيطلع مني كلام يوجعها زي ما بتقولي حاولت أعدي من غير ما أرد وابعد بس هي خلتني تعاند من كتر المشاكل ودائما باصه لغيرها في كل حاجه وانا الحمد لله متيسر امري وحالي أحسن من شباب كتير في سني
وحاليا بقلنا شهر مبنكلمش بعض بسبب اخر مشكله وهي بتهددني أنها تسبلي العيال هيا وامها وانا معاند اني مرجعهاش إيه الحل
أخي عبد الرحمن، أدرك تماماً صعوبة الموقف الذي تمر به. المشاكل الزوجية قد تكون معقدة وتحتاج إلى تفكير عميق وحل حكيم. إليك بعض النقاط التي قد تساعدك في التعامل مع هذا الوضع: التواصل الصحيح : حاول أن تتحدث مع زوجتك في وقت هادئ بعيداً عن المشاكل. استخدم كلمات لطيفة وعبّر عن مشاعرك دون تجريح. يكون الحوار البناء أكثر فعالية عندما يتم بناؤه على الاحترام المتبادل. استمع لمشاعرها : قد تكون هناك أسباب تجعلها تتصرف بهذه الطريقة. حاول أن تفهم ما يدور في ذهنها وما تشعر به. الاستماع قد يكون له أثر كبير في تحسين العلاقة. حل المشاكل بشكل مشترك : بدلاً من التصادم، حاول أن تجد حلولاً مشتركة. اجعلها تشعر بأنها جزء من الحل بدلاً من كونها في موقف الدفاع. المشورة الأسرية : قد يكون من المفيد اللجوء إلى استشاري نفسي أو خبير في العلاقات لمساعدتكما في تجاوز هذه المرحلة. الاستشارة الأسرية يمكن أن توفر لكم أدوات جديدة للتواصل. الصبر والدعاء : تذكر أن الحياة الزوجية تحتاج إلى صبر. ادعو الله أن يهديكما ويرزقكما الحكمة في التعامل مع بعضكما البعض. اذكر النعم : تذكر دائماً الأمور الإيجابية في علاقتكما واذكر النعم التي تنعم بها. التركيز على الإيجابيات قد يساعد على تخفيف التوتر. الأهم من كل ذلك هو أن تكون صادقاً مع نفسك ومعها وتعمل على تحسين الوضع بروح من التعاون والحب. أسأل الله أن يهديكم ويصلح بينكما.
تم النشر السبت، ٢٩ مارس ٢٠٢٥
حاول حاول تتكلم معاها بهدوء لازم يبقي في حل للمشكله عشانك و عشانها وعشان الولاد بردو حاول متهدمش البيت علي حاجات مش مستاهله حاجات انتوا لو قعدتوا شويه واتصفيتوا فيها المشكله هتتحل اول حاجه ممكن بعض التغييرات تحصل فالجواز عادي بس حاول بردو تشوف اي سبب تغيرها المفاجأ اكيد في حاجه و فالاول وفي الاخر دي ست والله لو بكلمتين حلوين مهما كان الموضوع كبير وقعده هاديه وحوار بسيط ممكن المشكله تتحل وحاول بردو تفهمها وتفَهِمْها في نفس الوقت انو كل واحد عندو الي بيميزه ويعيبه ومفيش بيت ولا اتنين كاملين وهي اكيد مش هتعاند علا مفيش اعرف بس انو دي كلها مراحل بتعدي بيها اي آتنين ف اول جوازهم بس اهدي عشان انت عمود البيت فالاول والآخر
تم النشر الأحد، ٣٠ مارس ٢٠٢٥
السلام عليكم، طيب حضرتك بتقول إن زوجتك بقت غريبة، معنى كده إن ده شيء طارئ عليها؟ ممكن تكون ضغوط الحياة تعبتها وغصب عنها بقت بتنفعل وتتعصب بطريقة مش قادرة تتحكم فيها. ** العناد للأسف بيزود الطين بلة، حاول تتواصل معها في وقت تكونوا انتم الاتنين هاديين، لو بدأ يبقى في عصبية من ناحيتها ممكن حضرتك تأجل الحوار، كونك الرجل ومعك القوامة يخليك المفروض تقدر تتحكم أكتر وتاخد قرار وقف الأمور قبل تصاعدها لمستوى سيئ. جرب تفهم منها إيه اللي جد في حياتها وتعبها، استخدم التفاهم والكلام الحلو واستغل أي فرصة إنك تقول لها كلام يشجعها ويزود ثقتها بنفسها وبقيمتها عندك. الحل مش العناد ولا الانفصال، إنها تفضل عند أهلها والمشكلة تزيد أكتر وأكتر. فيه عشرة بينكم وأطفال، محتاج الطرفين يبذلوا جهد لكن مش عيب أبدًا إنك تكون المبادر وتاخد الخطوات عشان تمد الخيوط بينكم وتصلحوا علاقتكم. *** إذا شايف إن والدتها بتعصيها ممكن تتكلم مع والدتها وتتفاهم معها وتفهمها إنك بتحب بنتها ويهمك سعادتها وسعادة البيت والأولاد وتحاول تفهم هي عاوزة توصل لإيه، إيه مشكلتها معك يعني؟ (حماتك أو بنتها) ** وأخيرًا، ضروري جدًا تشغلوا سورة البقرة في البيت، وربنا إن شاء الله يبعد عنكم أي شياطين تحاول تفرقكم ويحفظ بيتكم وأولادكم إن شاء الله. بالتوفيق.
تم النشر السبت، ٢٩ مارس ٢٠٢٥
ماينفعش عند مع الزوجه زي ما انتي تعملي أنا هعمل الراجل ليه القوامة معروفه أن الستات اوقات كتير بتبقي الهرمونات بتاعه الحمل و الرضاعه و البريود وكل الحاجات دي بتأثر عليها وعليهم كمان مسؤليه البيت والعيال بتبقي مضغوطه عاملها اكنها بنتك مش تعند قصادها احتويها وخليك حنين عليها واقعد معاها قعده صفا قولها أنا الكلمه دي ودي ودي بتضايقني لو سمحتي متقوليهمش تاني علشان هتخليني ارد عليكي اضايقك ونفتح باب المشاكل انتي عاوزه البيت يتهد بسبب العند والكلام اللي بيضايقنا وادعيلها ربنا يهديها حاول لما تحس ان الدنيا ضاغطه عليها تساعدها وحاول طول الوقت تاخد لقطه يعني ايه لقطه يعني مثلا هي قالتلك اعمل حاجه معينه وانت كده كده هتعملها مش تقولها اديني عملت اهو علي الله نخلص تقولها أنا مبحبش اعمل الحاجه دي بس عملتها علشان خاطرك شوفتي أنا بحبك ازاي كده يعني أنا بديلك مثال شايفها مثلا واقفه طول اليوم تعبانه قولها الله يقويكي ربنا يبارك فيكي ويديكي الصحه ويخليكي لينا طول الوقت تدعمها بالكلام والفعل اعمل كل اللي عليك وزياده علشان كمان ربنا مطلع وعارف انت بتعمل ايه وان شاء يجازيك خير وبعيدا بقي عن كل ده لو انت بتعمل حاجه تغضب ربنا راجع نفسك علشان الحاجات دي بتهد البيوت وبتلاقي البيت أكن في حريقه وربنا يصلح الحال
تم النشر السبت، ٢٩ مارس ٢٠٢٥
الحل تختارو شخص عاقل من عائلتها أو عائلتك وتتصارحوا وتفهموا تفكيرها وتوصلوا لحل يرضي الجميع
تم النشر الأحد، ٣٠ مارس ٢٠٢٥
من الضروري التواصل مع احد الاقارب الحكماء حتى يصلحو ويقربو وجهات النظر بينكم او استشارة مختص ارشاد اسري ولو الزوجة توافق على تدخلي سوف اجتهد في ذلك دون اي رسوم من اجل هذه الايام الطيبة لعل الله يجمع بينكم بالخير والسعادة
تم النشر الأحد، ٣٠ مارس ٢٠٢٥
اقعد معاها وتكلم معاها وحاول تبعدها عن امها عشان محدش هيخرب البيت غير امها وهيا الي هترجع تندم في الاخر
تم النشر الأحد، ٣٠ مارس ٢٠٢٥
هى ممكن تبقي محتاجاك حنين عليها تسمعها وتحس بيها وممكن تبقى مضغوطه من العيال وبلاش ترد الإساءه بالإساءه عارفه جدا أن فكره حد يقولك كلام يجرح دى بتوجع جدا بس سيبها وعاتبها عليها متبقاش انت كمان غلطان وقتها هتقولك ما انت كمان قلت فا محتاجين تقعدوا تصفوا الدنيا بينكم علشان العيال اكيد بيتأثروا جدا بكل دا ربنا يهديكم لبعض ويصلح أحوالكم
تم النشر السبت، ٢٩ مارس ٢٠٢٥
من رأي انك تقعد معاها انت وهيا بس تقعد تتكلم معاها بكل هدوء وعقلانه وبكل حنيه تقولها فاكره يوم فرحنا كنتي جميله ازاي اديها كلام حلو قولها اي غيرك ممكن الست تكون عندها اكتئاب من شيل مسؤوله الاطفال والدتها بتشجعها علي الغلط اتفق معاها ولا تقوليلي في الخناق اي كلام تجريح ولا اقولك نتعود لما ندخل علي خناق نسكت وندخل علي تاني يوم احباب ونتفاهم بهدوء هيا بصه لغيرها من ناحيه الماديات مثلا اقعد كده كل فتره جيبلها هديه قولها كلام حلو اتعوده تصلوا سوا وتشغلوا قرآن اسمعوا فيديوهات سوا عن الرضا وقولها خلينا نجرب شهر واحد بس نستحمل فيه ومش ندخل اي حد في علاقتنا ولا عيلتي ولا عائلتك ولو مقدرناش شهر واحد بس نبعد وكل شئ اسم ونصيب
تم النشر السبت، ٢٩ مارس ٢٠٢٥
لعرض السؤال في فدني اضغط هنا