السلام عليكم، طيب حضرتك بتقول إن زوجتك بقت غريبة، معنى كده إن ده شيء طارئ عليها؟ ممكن تكون ضغوط الحياة تعبتها وغصب عنها بقت بتنفعل وتتعصب بطريقة مش قادرة تتحكم فيها. ** العناد للأسف بيزود الطين بلة، حاول تتواصل معها في وقت تكونوا انتم الاتنين هاديين، لو بدأ يبقى في عصبية من ناحيتها ممكن حضرتك تأجل الحوار، كونك الرجل ومعك القوامة يخليك المفروض تقدر تتحكم أكتر وتاخد قرار وقف الأمور قبل تصاعدها لمستوى سيئ. جرب تفهم منها إيه اللي جد في حياتها وتعبها، استخدم التفاهم والكلام الحلو واستغل أي فرصة إنك تقول لها كلام يشجعها ويزود ثقتها بنفسها وبقيمتها عندك. الحل مش العناد ولا الانفصال، إنها تفضل عند أهلها والمشكلة تزيد أكتر وأكتر. فيه عشرة بينكم وأطفال، محتاج الطرفين يبذلوا جهد لكن مش عيب أبدًا إنك تكون المبادر وتاخد الخطوات عشان تمد الخيوط بينكم وتصلحوا علاقتكم. *** إذا شايف إن والدتها بتعصيها ممكن تتكلم مع والدتها وتتفاهم معها وتفهمها إنك بتحب بنتها ويهمك سعادتها وسعادة البيت والأولاد وتحاول تفهم هي عاوزة توصل لإيه، إيه مشكلتها معك يعني؟ (حماتك أو بنتها) ** وأخيرًا، ضروري جدًا تشغلوا سورة البقرة في البيت، وربنا إن شاء الله يبعد عنكم أي شياطين تحاول تفرقكم ويحفظ بيتكم وأولادكم إن شاء الله. بالتوفيق.
حاول تدخل حد كبير من عائلتها لكن بطريقة لطيفة ويا ريت يكون شخص حكيم وعاوز الصلح فعلا عشان المشاكل متزدش، وما زلت عند رأيي إنك تحاول الأول تتفاهم بود مع حماتك وتقنعها، لو منفعش دخل حد كبير ومن عائلتك كمان (وإن خفتم شقاق بينهما فابعثوا حكمًا من أهله وحكمًا من أهلها إن يريدا إصلاحًا يوفق الله بينهما إن الله كان عليمًا خبيرًا) وصلي وادعي ربنا يصلح ذات بينكما وإن شاء الله يوفقكم للي فيه الخير.
تم النشر الأحد، ٣٠ مارس ٢٠٢٥
المشكلة أن حماتي هيا اللي مشجعه بنتها وهيا اللى دخله في كل كبيره وصغيره حسبي الله ونعمه الوكيل
تم النشر الأحد، ٣٠ مارس ٢٠٢٥
لعرض الإجابة في فدني اضغط هنا