انا مبرمج وبعمل منصات وكده، في مدرس عزيز عليا كنت كلمته قبل كده إني بعمل منصات وكده، وهو على منصة مش معروفة اوي، ولما بييجي ينزل فيها فيديوهات بيجيب اعلى مشاهدة، لما كلمته قالي عاوزين نقعد مع بعض وتفهمني الموضوع كله، بس وبعد كده مكلمنيش، هو مكلمنيش عشان مش عاوز يعمل عندي لاء هو راجل كاريزما شوية شويتين، فأنا عاوز أكلمه في الموضوع تاني عشان أشرحله بتفاصيل وفي نفس الوقت مش عاوز أكلمه عشان ميقولش مدلوق عليه وبتاع، فأنا المفروض أعمل إيه، وفي نفس الوقت مش عاوز اتجاهله
ارجو الرد عليا
السلام عليكم طيب يعني خلينا نقول انه في الامور اللي زي دي بالعكس انت لما تكون بتتكلم كده بكل ثقه لانك عارف انك اللي انت بتعرف تعمله بتعمله بشكل كويس فده من بنود الثقه مش معناها انك مدلوق خالص فانت يعني ممكن تشوف مدرس ده انت بتقابله فين عاده يعني وتروح المكان اللي هو بيكون موجود فيه وبتسلم عليه عادي جدا زي حضرتك عامله ايه الاخبار اه صحيح انت كنت كلمتني في موضوع المنصه ده وقلت لي عايز تفهم الموضوع كله فاضي دلوقتي ولا اشوف وقت ثاني نتفق عليه وابدا حدد معاه وقت اتفق معاه على وقت محدد جدا بلاش بقى موضوع ايه طب نبقى نشوف وقت ونقعد فيه لا حدد وقت معاه قول له مثلا انا فاضي يوم الفلاني انهي يوم في يوم ينفعك طب. الساعه كام طيب وهكذا طب هنقعد فين طب طب خلاص تمام كده يبقى حددنا ميعاد نقعد فيه تقول له كل التفاصيل وتفهمه كل حاجه وتقدروا تبدا تتفق معاه.
تم النشر الأربعاء، ٢٦ يونيو ٢٠٢٤
ممكن حضرتك تكلمه بوجه عام وتوضح تفاصيل الموضوع والايجابيات كلها ولو فى سلبيات ممكن تأثر وضحها وممكن كمان تقوله عن نجاحك وانجازاتك فى الشغل ده وفى اخر الموضوع ممكن تقوله أنه لو حابب ينضم معاك فى اى عمل يتواصل معاك .واكيد هو هيفكر ويقرر بالمناسب ليه.فمتقلقش اعرض عليه الفكرة
تم النشر الثلاثاء، ٢٥ يونيو ٢٠٢٤
يا أخي، أنا فاهمة موقفك تمامًا. الموضوع محتاج شوية توقيت وشوية مهارة في التواصل. خلينا نتكلم بصراحة، إذا حسيت إنه الشخص عنده شوية كاريزما ومشغول طول الوقت، ممكن يبقى لازم تكون دبلوماسي في النهج بتاعك. أول حاجة، اكتب رسالة وديّة ولطيفة توضح فيها إنك مهتم تكمّل الحديث اللي بدأته معاه. ممكن تقول حاجة زي: "إزيك يا أستاذ [اسمه]، كنت سعيد جدًا بحديثنا اللي فات بخصوص المنصات والمشاهدات الممتازة اللي حضرتك بتحققها. حبيت أقولك إن أنا لسة مهتم جدًا أقدم لك كل الدعم وأوضّح لك كل التفاصيل اللي ممكن تفيدك وتنقل شغلك للمرحلة الجاية. لو عندك وقت قريب، هتكون فرصة عظيمة نكمل اللي بدأناه. لك مني كل الاحترام والتقدير." كده بتوصل له إنك مش مدلوق عليه بل إنه فيه اهتمام حقيقي من جانبك، ومن غير ما تبان إنك متجاهله. وتاني حاجة، تأكّد إنك بتحدد وقت للمراسلة بحيث يكون متقبّل عنده. يعني مثلاً تبعت الرسالة وقت الصبح يوم عمل، بيكون دايماً توقيت كويس. ولما تيجي تشرح له الموضوع بعد كده، خلي الموضوع بسيط وسهل الفهم. إبدأ بالكلام عن الفوائد اللي هتعود عليه بشكل مباشر. وأخيراً، خليك دايماً جاهز لحصول رد إيجابي أو سلبي. لو متجاوبش على طول، متقلقش. ممكن يكون عنده ظروف، وأنت ببساطة بتظهر اهتمام واحترافية. بالتوفيق يا بطل، وإن شاء الله الأمور تمشي زي ما تتمنى.
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا