في واحد ملحد اسمه شريف جابر كان كاتب حلقه اسمها خرافه الإعجاز العلمي المهم ان الحلقة بتتكلم على المعجزات في كل الاديان السماوية ويشكك فيها دا مش المهم في الموضوع أنا مؤمنه بكل المعجزات الي في الإسلام بس استوقفني حاجه اول مسمعت المعجزات الي في الاديان التانيه مصدقتش وشفت ان ده تحريف في الدين وان مستحيل ده يحصل بس سألت نفسي سؤال ليه أنا مصدقه معجزات ديني وباقي الاديان لا والاتنين اصلا معجزات يعني حاجات متصدقش المشكله انه شريف جابر ده رد على السؤال وقال ان اي حد مؤمن بحد وبيقدسه استحاله يشوف انه كداب حتي لو الي بيقوله ميتصدقش
شريف جابر 😂 بعيداً عن الموضوع لو افترضنا اننا عملنا سيرش مثلا عن اضرار الشاي هتلاقي كمية مقالات قد ايه الشاى ده مضر وخطر على صحة الإنسان ولو عملنا سيرش تاني عن فوائد الشاي هنلاقي بردو كمية مقالات قد ايه الشاي ده ليه فوائد كتير لدرجه ان فى علماء قالو أنه بيقلل خطر السرطان مع أننا لو بحثنا هنلاقي أنه خطر على الإنسان بردو ، الى عاوزه أقوله أن كل حاجه فى حياتنا فى ناس بتؤمن بيها وناس لاء وكل واحد لو اختار الطريق هيلاقي بدل السبب مليون يكمل فيه لو عاوزه تصدقي كلام شريف هتلاقي كميه ناس زيو وممكن يقنعوكى لأنهم بيتعاملوا مع الناس الى معندهمش ايمان قوى أو معلوماتهم قليله جدا فى الدين عن طريق دس السم ف العسل ويقولوا احنا بنفهمكوا الحقيقه وقال ايه الكون عمل نفسه بنفسه وإن الإنسان بعد ما يموت هيكون اتبخر وكلام عبيط كده والحقيقة أن هما بيعتمدوا على الاسأله الصعبه الى قليل لو حد عرف يجاوبها لان معظمنا موصلش للمرحله دى من الايمان زى أسئلة فعلا ممكن تخلينا نقول أنهم صح ولكن الحقيقه ان مش معنى أننا فشلنا ف الاجابه على سؤال معين يبقى معناه أن ده محصلش مش معنى إن فى معجزه معينه مش عارفين نستوعب حدوثها انها محصلتش وليه روحتي بعيد فى المعجزات هو المعجزات مش حواليكي ف كل مكان ولا ايه ؟ ازاى السماء ثابته ازاى كل حاجه بمقدار محدد مبتزدش أو تنقص ازاى اساسا كل حاجه ف جسمنا بتشتغل بالنظام ده ازاى الكون اتعمل ؟ ولو نفترض إن والعياذ بالله مفيش إله طب مين عمل الكوكب ؟ هو عمل نفسه بنفسه ؟ ده شىء مضحك جدا بصراحه المعجزات مقياس لايمان الإنسان زى معجزه شق صدر النبي ومعجزة الإسراء والمعراج وغيرها كل دى مقاييس لاختبار الإنسان ولو انت مش مؤمن بمعجزات قليله جدا بالنسبة المعجزات إلى حوالينا والى لسه هتحصل حضرتك مسلمه على اى أساس راجعى نفسك وربنا يهديكي وبلاش تتابعي الراجل ده لو عايزه تفضلي مسلمه 🤷🏻♀️
تم النشر الثلاثاء، ١٨ مارس ٢٠٢٥
المعجزات التي حدثت بالفعل للأمم السابقة قد انتهت ولا يمكننا معرفتها إلا بالخبر الصادق الذي أتى عن طريق الوحي أو النقل المتواتر، أما الوحي فلا يوجد كتاب ديني على الأرض اليوم سلم من التحريف سوى القرآن الكريم وأما النقل المتواتر فموجود بوفرة عند المسلمين الذين برعوا في علم الرواية جدا حتى فاقوا به جميع الأمم وربما بنسبة أقل جدا عند غير المسلمين ولذا فإن المعجزات التي لم يرد ذكرها في القرآن الكريم أو على لسان النبي الكريم ﷺ لسنا ملزمين بتصديقها وأنت لست بحاجة لمعرفة المعجزات التي يتناقلها أهل الأديان الأخرى وقد تكون ثابتة أو مختلقة لأن بين يديك معجزة مستمرة بالفعل يمكنك أن تعايشيها في أي ساعة من ليل أو نهار وهي كتاب الله عز وجل .. لو فهمت حقا ما تقرئينه من آيات لعرفت من غير شك أن هذا الكتاب فوق مستوى البشر وهذا هو عين الإعجاز، فالمعجزة بالتعريف هي أمر خارق للعادة أو لقوانين الطبيعة، وأن يأتي رجل أمي من قلب الجزيرة العربية بهذا الكتاب هو أمر خارق لكل ما هو معروف من قوانين العالم!
تم النشر الاثنين، ١٧ مارس ٢٠٢٥
يعني بعيدا عن المعجزات بتاعتهم لإني ماسمعتش عنها قبل كدا. انتي شايفة إن أحكام الدين بتاعهم تنفع أحكام؟ شوفي أحكام الدين الإسلامي وأحكام أي دين تاني وانتي هتعرفي انهي دين هو اللي بيحفظك ويعلي مكانك "حرفيا" وماتسمعيش لأي حد وخلاص؛ أي حد بقا عايز يتشهر اما يسمي نفسه ملحد ويضحك على الناس اما يطلع يعمل حاجات مايستوعبهاش العقل.
تم النشر الاثنين، ١٧ مارس ٢٠٢٥
لو وقعت في شبهات منه هتلاقي هيثم طلعت رد عليه كتير
تم النشر الاثنين، ١٧ مارس ٢٠٢٥
بالمناسبة .. لا يوجد كتاب على وجه الارض فى متناول العالم كله لم يتم تحريفه طيله هذه المدة الا كتاب الله القرآن الكريم .. ثم الصحيحين البخارى ومسلم بما فيهم من قول رسول الله صلى الله عليه وسلم .. وهذا ما يجعل قلوب المحلدين تحترق رماداً من الغيظ لعدم قدرتهم على تحريفها ، فيبحثون عن الشبهات التى يجهلها العوام لطرحها ليتشككوا .. لا بأس إن كان لديك إشكال اطرحه هنا
تم النشر الاثنين، ١٧ مارس ٢٠٢٥
اثبتلك إن شريف جابر دا كذاب ومدلس و لا يتصيد الا ضعاف الإيمان لزعزعة إيمانهم وهذا هو هدفه الأساسى ، يلجأ لإسلوب السخرية والاستهزاء لضرب الايمان عند ضعاف النفوس ولبس الحق بالباطل والبحث عن الشبهات وطرحها .. جميعهم نفس الأسلوب .. الدليل الاول .. هذا الشاب قد عرض عليه عشرات المشايخ لمناظرته علنا على الهواء وقد رفض وهرب عشرات المرات حرفياً لأنه هدفه ليس هؤلاء وانما يبحث عن الجهلاء بدينهم فقط ... ثانيا القرآن الكريم هو أكبر معجزة حرفيا فى الإسلام .. الم تسأل نفسك لماذا لم يتم تحريفه منذ عشر قرون حتى الآن برغم الحروب الطاحنة والابادات التى تعرض لها المسلمون من الأعداء ؟! وقد تحتدى الله الكافرين بحفظه وها هو محفوظ بالحرف الواحد فى جميع أنحاء العالم منذ عشرة قرون والى الآن .. ما المعجزة التى تريدينها بعد ذلك ؟!
تم النشر الاثنين، ١٧ مارس ٢٠٢٥
الأمر يتوقف على المصدر الناقل لهذه المعجزة وتوافر الأدلة التى تثبت ذلك المصدر
تم النشر الاثنين، ١٧ مارس ٢٠٢٥
مانا بقول لحضرتك .. القرآن هو فى ذاته معجزة لما ذكرته سابقاً فأيهما اصدق عندك .. معجزة كتاب الله الذى تحدى الله فيه الجميع أنهم لن يستطيعوا تحريفه ابدا ولم يستطع أحد طيله هذه القرون ذلك .. يخبرك فى هذا الكتاب بوجود المعجزات التى ذكرها القرآن .. فأيهما اصدق برأيك ذلك أم كتب كتبها بشر تم تحريفها مرارا ، بل وتختلف الكتب ذاتها من بلد لآخر لنفس الملة ؟؟ فكرى جيداً فى هذا السؤال
تم النشر الاثنين، ١٧ مارس ٢٠٢٥
مش ده الي انا اقصده قصدي اشمعنا أنا مؤمنه بمعجزات الدين بتاعي وباقي المعجزات لأ ومش مصدقها مع ان تسميه المعجزات بهذا الاسم لأنها حاجات مفيش عقل يستوعبها او متصدقش
تم النشر الاثنين، ١٧ مارس ٢٠٢٥
لعرض السؤال في فدني اضغط هنا