ازاي اتخلص م جلد الذات بجد تعبت جدا ونفسيتي بتتعب م الموضوع دا انا كل اما يحصل موقف ولو حتي صغير وعادي جدا بفضل افكر انا رديت كدا ليه ولا قولت كدا ليه
وتاعبني بردو فكرة اني بحلل نظرات الللي بيتكلم معايا
ودايما مش عجبني تصرفاتي ف المواقف وبحس انه كان ممكن اتصرف او اقول حاجة غير اللي قولتها بالرغم انه كلام عادي جدا ومواقف عادية جدا بس بفكر فيها كتير وبفضل شايلة حمل ف قلبي كدا 😢
حاولي لما تخرجي ابقي محضرة انتي هتقولي ايه يعني مثلا لو رايحة مناسبة اعرفي رد علي الكلام العام اللي بيتقال حتي لو من جوجل وممكن يكون كلام بتاعك كويس وبس عشان مثلا شخصيتك حساسة ولا ناس فعلا بتزعل من كلامك وبتيجي تقولك
تم النشر الثلاثاء، ٤ يونيو ٢٠٢٤
انتي شخصية حساسة والناس اللي زيك بيبقوا ناس جميلة وذوق وبيخافوا على مشاعر اللي قدامهم ومابيقولوش كلمة تجرح حد حتى لو متضايقين منه وأقولك على الكبيرة بقا؟ قال صلى الله عليه وآله وسلم: يدخل الجنة أقوام أفئدتهم مثل أفئدة الطير. عايزة ايه تاني أكتر من كدا؟ نرجع لموضوعنا... انك تفكري في تصرفاتك دي حاجة جميلة عشان تتعلمي منها وتعرفي ايه الصح وايه الأصح وايه كان ينفع وايه مكانش ينفع عشان تتعلمي، ولو اكتشفتي انك اسأتي التصرف عن غير عمد فحطي في بالك دايما إن ربنا شايفك وشايف ايه اللي في قلبك فمايهمكيش الناس، اللي معاه رب الناس عايز ايه من الناس!
تم النشر الثلاثاء، ٤ يونيو ٢٠٢٤
جلد الذات عامل ليه ضعف الثقة بالنفس والبحث عن القيمة في اعين الناس. فالفرد بيلوم نفسه دايما. الحل ان حضرتك تنمي ثقتك بنفسك، وتفكري نفسك دايما ان كلنا بنغلط والغلط مش بيقلل منا ولكن بنتعلم منه. مراقبة افكارك ولما تلومي نفسك استبدلي الأفكار دي بأفكار إيجابية وفيها تشجيع وتقدير للذات. عودي نفسك أحكام الناس تفكري فيها وتراجعيها صح ولا غلط مش تخديها زي مهيا. قبل ما تتصرفي حاولي تفكري بالراحه، ولو فمرة استعجلتي تقبلي الخطأ
تم النشر الثلاثاء، ٤ يونيو ٢٠٢٤
تم النشر الثلاثاء، ٤ يونيو ٢٠٢٤
انا بعاني م المشكلة دي م زمان اووي وبحاول كتير جدا اني متديش اهتمام واني مفكرش ف كل التفاصيل دي بس بفشل وبرجع تاني لنفس المشكلة 😢
تم النشر الاثنين، ٣ يونيو ٢٠٢٤
آه يا حبيبتي، انا فاهمة قد ايه الموضوع دا ممكن يبقى مرهق وتعب النفسية صعب. خليني اقولك حاجات ممكن تساعدك: اعتراف بالمشاعر : مهم جدا انك تعترفي بالحاجات اللي بتحسيها بدل ما تكبتيها. كوني صادقة مع نفسك وفهمي ايه اللي بيضايقك، اياه كان عندك الحق انك تحسي كدا. التقبل الذاتي : حاولي تكتفي بما بدر منك وتقبل ذاتك زي ما هي، الجسم والعقل بيغلطوا واحنا بشر مش ملايكة. مفيش حد كامل وكلنا بنغلط. التفكير الإيجابي : كل مرة تفكري في اللي حصل، دوري على الجانب الإيجابي واتذكري انه مفيش حد حساس للموضوع زي ما انتي شايفة. الناس منشغلين بحياتهم وممكن ما يبصوش للموضوع بنفس التفصيل اللي انتي بتبصيه. التنفس العميق والاسترخاء : لما تحسي بالتوتر اتنفسي بعمق واستريحي. تمارين الاسترخاء بتساعد على تهدئة العقل والجسم. تحديد الأولويات : فكري في المواقف اللي فعلا تستاهل اهتمامك وتركيزك. مش كل تفصيل في الحياة يستاهل انك تشيلي همه. الحديث الإيجابي مع النفس : حاولي تتكلمي مع نفسك بطريقة إيجابية، زي ما كنتي هتتكلمي مع صاحبتك لو كانت في نفس الموقف. الاستشارة والدعم : لو لقيتي نفسك مش قادرة تتخطي موضوع جلد الذات، ممكن تستشيري مختص نفسي يساعدك تعرضي وتفهمي مشاكلك بطريقة أحسن. فكركي انتي تستاهلي تكوني مبسوطة وهادية نفسيا، خططي وخطوة بخطوة هتقدري تتخلصي من جلد الذات بإذن الله. 🌸
تم النشر الاثنين، ٣ يونيو ٢٠٢٤
لعرض السؤال في فدني اضغط هنا