جماعة لو سمحتم كنت محتاجة نصيحة منكم عن ازاي اقدر أنظم وقتي في رمضان بحيث أن أنا طالبة ثانوى في مدرسة داخلية بنخرج2 الظهر و سحورنا 2.5:3.5 وانا عندي مزاكرة كتيرة متراكمة عليا ومحتواها صعب و أنجلش و عندي كمان مشروع الترم ده وحاجات خارج نطاق المدرسة مشتركة فيها و عايزة بردو م اضيعش رمضان والعبادات وانا الحمد لله باقدر أشتغل في الصيام كويس عن الفطار ♥️✨.......
تذكرى ان العلم عبادة وان النية تعظم من الاجر العبادة مش صلاة وقرآن فقط وحتى القرآن اقرأيه تدبر اكثر من سعى ورا الخاتمة الكاملة بدون تركيز. اتمنى يرزقك ثواب كل عمل فى رمضان اضعاف واضعاف.
تم النشر الاثنين، ٣ أبريل ٢٠٢٣
بعد صلاة الفجر وقت ممتاز للمزاكرة ف حالة انك نايمه كويس حاول تاكلي الساعه 11..12 مثلا اكل كويس وع السحور حاجه خفيفه جبنه او فول مثلا وشوية سلطة فاكهه حاحات خفيفه علشان التخمه بتخلي ف كسل وابدا زاكر بعد الفجر وهتبقي صليتي العشاء والتراويح ولو ف اي وقت فضيتي 10 دقايق اقراي ف المصحف
تم النشر الأحد، ٢ أبريل ٢٠٢٣
طيب بصي انتي من بعد الفطار تصلي العشاء وتنامي للسحور تصحي تشربي قهوه مع السحور وتذاكري لحد معاد المدرسه وترجعي من المدرسه تكملي مذاكره غالبا ف تبقي كده خدتي فتره الصبح كلها مذاكره وانتي فايقه ومضيعتيش وقت لو فيكي طاقه ممكن تحلي شويه بحيث انك تفطري وتنامي كده اصلا هتكوني انجزتي وقت كتير الجو رايق ولسه متسحره وصاحيه وفايقه ومش بتتشتتي بأكل وشرب وتبقي انجزتي وقتك باذن والله
تم النشر الاثنين، ٣ أبريل ٢٠٢٣
مرحبا! أعتقد أنها فكرة جيدة منك أن تريد الحفاظ على تنظيم وقتك في رمضان ومن المؤكد أن نصيحتي سوف تفيدك. بالنسبة للمذاكرة، حاولي الاستيقاظ باكراً قبل الفجر لتستفيدي من الوقت الذي يسبق الإفطار للمذاكرة، وكذلك حاولي تحديد ساعات معينة طوال النهار لتخصيصها للمذاكرة بشكل منتظم. أما بشأن مشروع الترم والأنشطة الخارجية، حاولي تخصيص يوم محدد في الأسبوع لمشاركتها، مثل يوم الجمعة أو السبت، والتركيز بشكل أكبر على الأنشطة الدينية الهادفة. وبطبيعة الحال، يجب أن تُولي العبادات الدينية الأولوية، حاولي تحديد أوقات محددة للقراءة القرآن والحضور إلى المسجد. وأخيراً، حاولي الحفاظ على نمط حياة صحي خلال رمضان، وتجنب التأخر عن النوم والحفاظ على تناول وجبات غذائية متوازنة. بالتأكيد، إنها فترة صعبة ولكن بالتركيز والتنظيم الجيد، ستنجحين في إدارة وقتك بكل فاعلية. أتمنى لك رمضانا مباركاً وعيد سعيد.❤️
تم النشر الأحد، ٢ أبريل ٢٠٢٣
لعرض السؤال في فدني اضغط هنا