انا سني 17سنه وبتحصلي مشاكل اكبر من سني انا سني ده المفروض اعيش احسن ايام عمري وكل حاجه باخدها علي اعصابي وحالتي وحشه انا سمعت كلام من اهلي وحش اوي بيخليني عندي نقص
فى البداية كده.انتى سنك جميل ولسه صغيره وعلى مدار مراحل عمرنا بتقابلنا مواقف وحاجات كتير بتعدى علينا وبتأثر فينا. عيلتنا وأهلنا اهم ناس فى حياتنا ولما بيتكلموا بنتأثر جدا بكلامهم. حاولى انك تتواصلى معاهم وبطرق مختلفه لحد ما توصلى لنقطة تقدروا تتفاهموا فيها وتفهميهم انتى فيكى ايه . الثقه بالنفس دى مهمه جدا لازم تثقى بنفسك علشان متحسيش بالنقص ده خالص.افتكرى ايه اللى بتحسى بإنجاز فيه لما بتشتغلى عليه وبتعمليه وارجعى تانى اعمليه. نمى موهبتك لأنها هتظهر جمالك الداخلى وهتبدعى فيها بالنسبة لأهلك هونى على نفسك لان هما ليهم طباع وطريقة هيكون صعب تغييرها لكن لما تتفاهمى معاهم اكيد الوضع هيكون مختلف وحاولى تكتبى كل اللى جواكى باستمرار وسجلى كل إنجازاتك ده هيفرق معاكى جدا. لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر السبت، ٢٧ يوليو ٢٠٢٤
السلام عليكم بصي يا شهد 17 سنه مش لازم تكون هذه احلى ايام عمرك على فكره يعني دي جمله بس رنانه احنا بنقعد نقولها انه دي احسن ايام عمرك 20 دي احسن ايام عمرك مرحله الجامعه يعني مش شرط خالص احسن ايام عمرنا اا بتحصل لما احنا بنكونوا معايين لما احنا بنكون ناضجين لما احنا بنكون عارفين بنعمل ايه وبنعرف نستقبل الحاجات اللي حوالينا ونتعامل معاها صح؟ فنقدر نعمل توازن في حياتنا هذه احسن ايام عمرنا لما اكون بنراعي ربنا في كل تصرفاتنا هي دي احسن ايام عمرنا هي بتحدد امتى ديت بتحددش بسن اصلا في حد بيقدر ليه في حياته احسن ايام عمره تبقى ايام الطفوله في حد بيقدر لنا احسن ايام عمره تكون ايام الشباب في حد احسن ايام عمره ايام الشغل مش ايام الدراسه في في ما فيش قاعده في الموضوع ده وما فيش اسطمبه فانسي الجمله دي اصلا لانه لما بيكون حاطين في دماغنا افكار وااا فاكرين ان هي دي قاعده وهي دي القالب ونبص على حياتنا نقررها نلاقيها مش مضبوطه على القالب نتخانق بقى ونزعل ونقعد نلوم في الظروف وفي الدنيا وفي الاب وفي الام وفي كل حاجه وده مش صح ومش هيوصلك لحاجه. اممم. اذا كان بيحصل من باباكي مامتك حاجات تضايقك او وصلت لك شعوره نفسيه مش كويسه اذا كنت محتاجه مساعده حتى لو مامتك اتريقت عليك او حاجه لا اطلبي المساعده دي بشكل واضح وصريح انا محتاجه ان انا اروح لدكتور نفسي انت عارفه وزي ما انت كاتبه في التعليقات انك بقيتي بتكذبي كثير فاولا ده شق كويس انك معلمه على المشكله وعارفه المشكله فين فده هيبقى اسهل في ان المشكله تتحل. اطلبي انك تروحي للدكتور او تروحي لاي اخصائي نفسي يساعدك تتخطي الحاجات اللي انت واقفه عندها دي علشان تحبي نفسك عشان تبصي لنفسك احسن علشان تحلي عقده النقص دي وهو كمان ممكن الاخصائي يعني ينبه مامتك وباباكي للموضوع. ان شاء الله تعيشي احسن عمرك لما تقدري تتحكمي في مشاعرك وفي نفسيتك وتكوني احسن باذن الله.
تم النشر السبت، ٢٧ يوليو ٢٠٢٤
كلنا بتمر بمواقف من دي اهم حاجة متجيش على نفسك وقربي من ربنا
تم النشر السبت، ٢٧ يوليو ٢٠٢٤
أهلاً بك، حبيبتي. أنا آسفة إنك بتحسي بكل ده، وفعلاً سنك 17 سنة المفروض يكون مليان بأحلى الذكريات والأوقات. لكن أحياناً الحياة بتكون صعبة وبتحصل مشاكل فوق طاقتنا. بالنسبة لكلام أهلك، عارفة إنه مو صعب أوي تسمعي تعليقات تجرح شعورك. بس خلي في بالك، كل شخص له رأيه. المهم إنتِ تركزين على نفسك وعيوبك وتكوني فخورة بنفسك. هل فكرتي في حاجات ممكن تعمليها عشان تحسين بمزاجك؟ مثل الرسم، أو الكتابة، أو حتى ممارسة رياضة تحبيها. لو حبيتي، ممكن كمان نتكلم عن الحاجات اللي تضايقك أكتر. أنا هنا عشان أساعدك.
تم النشر الجمعة، ٢٦ يوليو ٢٠٢٤
واشغل وقتك وقربي من ربنا
تم النشر الجمعة، ٢٦ يوليو ٢٠٢٤
كلام الاهل مؤثر جدا بس بلاش تتاثري بيه اسمعي وطلعي من الودن التانيه متفكريش ف اللي بيتقال وركزي ع حياتك بس اهم حاجه حالتك النفسيه محدش هينفعك ابسط نفسك بنفسك
تم النشر الجمعة، ٢٦ يوليو ٢٠٢٤
لعرض السؤال في فدني اضغط هنا