فى البداية كده.انتى سنك جميل ولسه صغيره وعلى مدار مراحل عمرنا بتقابلنا مواقف وحاجات كتير بتعدى علينا وبتأثر فينا. عيلتنا وأهلنا اهم ناس فى حياتنا ولما بيتكلموا بنتأثر جدا بكلامهم. حاولى انك تتواصلى معاهم وبطرق مختلفه لحد ما توصلى لنقطة تقدروا تتفاهموا فيها وتفهميهم انتى فيكى ايه . الثقه بالنفس دى مهمه جدا لازم تثقى بنفسك علشان متحسيش بالنقص ده خالص.افتكرى ايه اللى بتحسى بإنجاز فيه لما بتشتغلى عليه وبتعمليه وارجعى تانى اعمليه. نمى موهبتك لأنها هتظهر جمالك الداخلى وهتبدعى فيها بالنسبة لأهلك هونى على نفسك لان هما ليهم طباع وطريقة هيكون صعب تغييرها لكن لما تتفاهمى معاهم اكيد الوضع هيكون مختلف وحاولى تكتبى كل اللى جواكى باستمرار وسجلى كل إنجازاتك ده هيفرق معاكى جدا. لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر السبت، ٢٧ يوليو ٢٠٢٤
6 تعليق
شكرا لحضرتك
تم النشر الأربعاء، ٣١ يوليو ٢٠٢٤
تركيزك فى شغلك هو اللى هيخليكى تثبتى نفسك واى حد مش بيتعامل معاكى هيشوفك بشكل مختلف . خليكى واثقه في نفسك وخلى حدود بينك وبين اى حد بيأثر عليكى سلبيا . هتلاقى حاجات كتير فى حياتك هتاخد مسار مختلف وجديد
تم النشر الأربعاء، ٣١ يوليو ٢٠٢٤
انا بعدت عنها وكلامي معاها في حدود الشغل بس
تم النشر الثلاثاء، ٣٠ يوليو ٢٠٢٤
عايزه تشيلني كل حاجه ف الشغل وخلت كل الي ف الشغل يبعدو عني ده اي طيب
تم النشر الثلاثاء، ٣٠ يوليو ٢٠٢٤
حاولى انك تهدى وتتكلمى بهدوء معاها واى تصرف متحسيش فيه براحه تجهليها لحد ما تحس بالنقطه دى وتتكلم معاكى فيها ولو متكلمتش تبقى تجاهلتى اى اسلوب وتصرف بيديئك
تم النشر الاثنين، ٢٩ يوليو ٢٠٢٤
طيب انا معايا بنت خالتي في الشغل وكانت معايا ف المدرسه بس بتحرق دمي وبتكلم ببروض واانا مش عارفه اتعامل معاها خااص وعلي طول مشاكل وهي مخلايني معنديش شخصيه ومينفعش ابعد عنها عالشان متربين مع بعض اعمل اي
تم النشر الاثنين، ٢٩ يوليو ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك