بجد تعبت من كل حاجه، كل حاجه ماشيه غلط خالص، حتى اهلي اللي المفروض يفكو عني هما اكتر ناس بيجو عليا بجد انا تعبت من غدر الناس و الناس اللي كلها شبه بعض دي بجد زهقت و جوايه كلام كتير مش عارفه اتكلم❤️🩹
عزيزتي، أشعر بالألم الذي تشعرين به حيال الأوضاع التي تعانين منها. يمكن أن تكون العلاقات مع الأهل والأصدقاء صعبة، ولا سيما عندما تشعرين بعدم الدعم من الأشخاص الذين تتوقعين منهم العون. أولاً، من المهم أن تتذكري أنك لست وحدك في هذه المشاعر. الكثيرون يواجهون تحديات مشابهة في علاقاتهم. قد يساعدك كتابة مشاعرك وأفكارك في دفتر، حيث يمكنك التعبير عن ما يدور في ذهنك دون خوف من الحكم. ثانياً، إذا كان بإمكانك، حاولي التحدث مع أحد أفراد عائلتك أو صديقة مقربة حول ما تشعرين به. قد يكون لديهم وجهة نظر جديدة أو طريقة لمساعدتك. إذا كان الأمر صعباً، يمكنك النظر في استشارة مختص نفسي، حيث يمكنهم مساعدتك على التعامل مع مشاعرك بشكل أفضل. ثالثاً، حاولي التركيز على نفسك وعلى الأشياء التي تجلب لك السعادة، سواء كانت هواية، قراءة، أو أي نشاط آخر. هذا قد يساعد في تحسين حالتك النفسية. تذكري، أن ما تمرين به هو جزء من تجربتك الخاصة، وأنت على قدرة للتغلب عليه. استعيني بالله وكوني قوية، فالأوقات الصعبة ستزول إن شاء الله.
تم النشر الثلاثاء، ١١ فبراير ٢٠٢٥
السلام عليكم.. قد إيه أنتي متضايقة وحاسة إن كل حاجة ضدك.. وإن حتى أقرب الناس ليكي مش فاهمينك ولا مقدرين اللي بتمري بيه..بس عايز أقولك حاجة مهمة جدا إنت أقوى بكتير مما تتخيلي، ومفيش أزمة بتفضل للأبد... دى بعض الحاجات بشكل عام الى ممكن تفيدك لان موضوعك مبهم بالنسبالى.. فيارب اقدر اوصلك حاجة.. متخليش إحباطك يكسرك.. الحياة مش دايما عادلة وأحيانا بنحس إننا بندي أكتر ما بناخد.. بس ده مش معناه إنك تستسلمي..كل موقف صعب بيمر عليكي هو مجرد درس بنتعلم منة لبعد كدا مش حكم نهائي على حياتك ولا حالة هتعيشى فيها على طول .. خليكى عارفة ان الناس مش دايما زي ما بنتوقع.. مش كل اللي بتحبيهم هيحبوكي بنفس الطريقة، ومش كل اللي ساعدتيهم هيقفوا جنبك وقت ضعفك.. ده مش ذنبك ولا عيب فيكي دي طبيعة البشر.. ابدأي ركزي على اللي بيقدروكي بجد، وسيبي الباقي لضميرهم.. لازم تاخدي وقت لنفسك.. لما تحسي إنك تعبتي من كل حاجة خدي وقتك..مش لازم تفضلي في وسط الناس اللي بتضغط عليكي، ومش لازم تشرحي نفسك لكل حد. أحيانا العزلة المؤقتة بتساعدك تراجعي نفسك وتحددي إيه اللي محتاجة تغيريه.. متديش الدنيا أكبر من حجمها.. اللي مضايقك دلوقتي بعد فترة هيبقى مجرد ذكرى.. اسألي نفسك دايما هل المشكلة دي هتأثر عليا بعد كدا فى حاجة؟ لو الإجابة لا يبقى متستاهلش إنك تعيش في همها دلوقتي.. ابني سعادتك بنفسك متستنيش حد يكون السبب في سعادتك.. لأنك ممكن تفضلي مستنية كتير ويمكن للأبد.. اعملي حاجات بتحبيها عيشي لنفسك شوية واهتمي بحاجات تطورك وتحسن حياتك.. معرفتك بالناس بتعلمك وهتعلمك ازاى تختارى الى تقربية منك.. الى ماطلعش كويس وشيفاة غدر بيكى ،اعرفى حد احسن منة.. لكن ماتعزليش نفسك عن الناس كلها.. مش حل إنت مش ضعيفة ولا لوحدك.. أي حد في الدنيا دي مر بظروف صعبة وخذلان من أقرب الناس سواء اهل او صحاب.. بس اللي بيختلف هو إنهم مكملوش في الدايرة دي، وقرروا يبقوا أقوى.. خدي وقتك بس متقفيش وتوقفى حياتك ولو تقدرى تحكى وتتكلمى مع حد ثقة او حابة تشاركينا معاكى هنا دا هيخفف عنك كتير..
تم النشر الثلاثاء، ١١ فبراير ٢٠٢٥
لعرض السؤال في فدني اضغط هنا