السلام عليكم انا مخطوبه صالونات من شهرين بس للامانه حبيت خطيبي جدا وهو كمان بس والله انا محترمه جدا ومتربيه كويس وعمري ماسمحت لحد يقرب مني بس معرفش ليه سلمتلو انه يحضني ويبوسنى الموضوع دا حصل واحنا قاعدين لوحدنا من اسبوع وبجد زعلت اووى من اللي حصل وندمت وفضلت اصلي وادعي ربنا يسامحنى واتفقنا انها مش هتتكرر تاني بس للاسف حصلت تاني وانا منعت نفسي عنه بس قدام انى بحبه وعيزاه مقدرتش بعدها اخدت عهد على نفسي متتكرش ابدا غير بعد الجواز حتى لو هيحصل مشاكل بس للامانه خايفه ومش عارفه اعمل اي افيدوني ازاي اعمل حدود بنا من تاني واوقفه عند حده واحافظ على نفسي من تاني
الحب مش غلط بس الغلط انكم تبقو في مكان واحد وانتو الاتنين مش عارفين تسيطرو ع نفسكم اجعلي معكم دائما محرم لتجنب الوقوع ف المعصيه لحد ما يتم الجواز وربنا يسترنا جميعآ يارب
تم النشر السبت، ٣ فبراير ٢٠٢٤
وعليكم السلام ورحمة الله وبركاته .. ربنا يجمعكم مع بعض في حلاله باذن الله .. باذن الله ربنا يتقبل توبتك .. ولكن علشان توقفي هذه التجاوزات ياريت يكون فيه محرم معاكم .. يكون شايفكم ع الاقل حتى من بعيد. يكون شايف اللي بيحصل لكن مش سامع. لان معنى ان حصل تجاوزات ف اكيد كان فيه خلوة .. وده مينفعش. واتكلمي معاه وقولي له ان ده ميرضيش ربنا، ولازم توقف اللي بيحصل. ولازم تكون فيه مسافة بينكم متقعديش جمبه او قريبة منه للدرجة اللي تخليه يلمسك.
تم النشر السبت، ٣ فبراير ٢٠٢٤
لا تسمحي لنفسك ان تنعزلي معه. يجب ان يكون هناك محرم لكِ يجلس بينكم.
تم النشر السبت، ٣ فبراير ٢٠٢٤
متعمليش كدا تانى عشان متنزليش من نظره ويشوفك سهله ويدور عالصعب
تم النشر السبت، ٣ فبراير ٢٠٢٤
متقعديش معاه لوحدك تانى وقولى مثلا لمامتك او اختك متسبينيش معاه لوحدى اصل بحسه انه بيتظارف كدا بس متقوليش على اللى حصل بينكم او متقوليش على حاجه بس خلى فى حد معاكوا وخلاص وحاولى انك تقللى من الزيارات بتاعته اوخروجك معاه
تم النشر السبت، ٣ فبراير ٢٠٢٤
ولو جرك مرة التانية ل كدا حذريه لو كررها تانى اعرفى إنه حد مش كويس ومش بيصونك ولو وصلت إنك تقوليله هننفصل اعملى كدا.
تم النشر السبت، ٣ فبراير ٢٠٢٤
هاتي مصحف فى يوم وحطيه قدامك وقدامه وأحلفوا يمين على المصحف إنكم مش هتكرروا الغلطة دى تانى ، ومتقعدوش لوحدكم أصلا غلط القعدة وحدكم لازم حد تالت وإلا يكون ثالثكما الشيطان ودى اسمها خلوة وهى اللى بتجلب كل المصائب اللى بيقعوا فيها المخطوبين ، كونى على علم إنه حتى لو بتموتوا فى بعض فالله أعلم هتكملوا مع بعض ولا لاء لأن النصيب غلاب وفى قدر مكتوب انتوا الاتنين متعرفهوش ، فحافظى ع نفسك عشان تكوني كلك لنصيبك .
تم النشر السبت، ٣ فبراير ٢٠٢٤
اقري كتاب فن الحب لاريك فروم
تم النشر السبت، ٣ فبراير ٢٠٢٤
خدى خطوه انك تسري ع قرارك ان ده حرام متعمليش كده تاني حتي لو هيزعل وهيبعد ربنا اهم من كل ده وانتي هتزعلي في الاخر وهتندمي انك غضبتي ربنا
تم النشر السبت، ٣ فبراير ٢٠٢٤
اول شئ لازم تعرفيه ان ربنا غفور رحيم ، بس في حالة ان العبد تاب توبة نصوحه يعني مش هيرحع للذنب دا تاني ، الصح زي ما هما قالولك في الكونتات انك متقعديش لوحدك معاه في مكان يكون مغلق أو مايكونش في مكان عام ، ثانيا انا عارف انك بتحبيه و دا باين من كلامك بس الحب حاجه و الشهوة حاجه تانية طيب هو لو بيحبك حب بجد مش هيعمل كدا مع حد هيكون شريك حياته ، واحذر ثم احذري ان دي بتكون البداية للعلاقة الكاملة (علاقة محرمة) ، و ربنا يصلح حاله و حالك .
تم النشر السبت، ٣ فبراير ٢٠٢٤
لعرض السؤال في فدني اضغط هنا