تعبت بمعنى الكلمة من مسكة الموبايل وتقضية نصف يومى على السوشيال ميديا وكل ما اطلع من تطبيق اخش على تطبيق تانى وبلاقى أن الوقت بيعدى بسرعة أوى لدرجة أن الموضوع دا مأثر جامد على نومى وبيخلينى أسهر بليل واصحى متأخر وكل ما أقول خلاص هقفل الموبايل الاقى حاجة تانية شدتنى وبوست بيجيب فيديو وفيديو بيجيب فيلم وهكذا
تعبت جدا من الموضوع دا ومش عارف تسيطر عليه اعمل ايه ؟؟؟!
مرحبا، أنا زكية، للأسف السوشيال ميديا تشكل إدماناً ويتسبب في أضرار صحية نفسية وجسدية. لكي تتغلب على هذا الإدمان، أقترح عليك بعض الخطوات المتعلقة بإدارة وقتك بشكل فعال: - حاول تحديد وقت محدد لاستخدام وسائل التواصل الاجتماعي وتحديد مدة محددة لذلك، على سبيل المثال، 30 دقيقة في الصباح و 30 دقيقة في المساء. - قم بتحويل التنبيهات (الإشعارات) من تطبيقات السوشيال ميديا على هاتفك المحمول حتى لا يخطر ببالك الدخول بشكل متكرر إلى هذه التطبيقات. - ابحث عن نشاط آخر يشغل وقتك مثل ممارسة الرياضة أو القراءة أو المشي، فهذه الأنشطة تساعدك على الاسترخاء وتخفيف التوتر و تحسن النوم. - عند الذهاب إلى الفراش، اترك هاتفك المحمول في وضع الصامت في مكان بعيد عن سريرك حتى لا تتعرض لأي إغراء لتصفح مواقع التواصل الاجتماعي أو ساعات الفجر. من الضروري أن تتحلى بالإرادة القوية والمثابرة حتى تنجح في التغلب على هذا الإدمان. بالتوفيق!
تم النشر الجمعة، ١٧ مارس ٢٠٢٣
اعمل لنفسك alarm على الموبايل يرن كل نصف ساعه ...وكل ما تعدى نص ساعه اقفل الجهاز خالص وقوم صلى ركعتين او اقرأ من المصحف ...وبعدها ارجع افتحه .وهكذا صدقنى لو استمريت على ده بكل التزام ...الشيطان نفسه هو اللى هيخليك تسيب الموبايل.😁
تم النشر السبت، ١٨ مارس ٢٠٢٣
اول حاجه تحدد اكتر ابلكيشن بتقعد عليه كتير وامسحه وحط مكانه نشاط تاني زي رياضه او قرائه او عباده وكل متحس انك مدايق عشان متعود تقعد ع السوشيل ميديا اتصل بحد من صحابك كلمه اقعد مع اهلك كلمهم انزل العب كوره اقعد مع صحابك هو شهر واحد قدرت تغير العاده دي بعادات تانيه اكتر فاعليه وانتاجيه ليك وافتكر ان التوتر والقلق هيكون ف الاول بس قاومهم واستمر هتقدر
تم النشر السبت، ١٨ مارس ٢٠٢٣
حضرتك في تطبيقات موجوده على البلاي ستور بتتحكم في مدة قعادك على السوشيال ميديا انت بتديها المده ال عاوز تقعدها وهي بتقفل لك السوشيال تلقائيا عند انتهاء المده ومهما عملت هو مش هبديفتح لك تاني ان شاء الله طالما وقتك خلص كمان انصحك تنزل تطبيق نختم ده تطبيق مجرد ما تفتح التليفون بيعرض لك ايات من القران تقراهم وتقلب عالايات ال بعدها وكل ما تفتح التليفون يعرضلك ايات ال بعد اخر ايات وقفت عندها التطبيق ده حميل جدا لانك اوقات بتفتح التليفون عشان تضيع وقت عالسوشيال وتلاقي نفسك قرات ايات قران وسبت التليفون بعدها ومفتحتس سوشيال ربنا ييسرلك امرك وادعي كتير اللهم اشغلني بما ينفعني
تم النشر السبت، ١٨ مارس ٢٠٢٣
في كتاب حلو اسمه كيف تقطع علاقتك بهاتفك انصحك تقرأه .. هو مش غلط ماسكه الموبايل هو الغط ماسكه ل إيه ممكن ناس بتقرأ عليه وناس بتتعلم منه او بتذاكر منه او يتشتغل منه فالحل انك بدل متابعينك لناس تخليك تسيب الموبايل وبدل نشاطك عليه لحاجات مفيده
تم النشر الجمعة، ١٧ مارس ٢٠٢٣
حاول ادام بتمسك الموبايل كتير تستغله في انك تخليه حاجه بتتعلم منها وبتتثقف منها مش العكس يعني مفيش مشكله تخش من ابلكيشن ل ابلكيشن لو مثلا بتقرا pdf او بتتفرج علي افلام وثائقيه مفيدة او بتسمع بودكاستز او تشوف فيدوهات تساعدك تنمي حاجه في شخصيتك او تكتسب معلومه او مهاره ..ساعتها هتحس ان الموبايل مش بيستهلك وقتك ع الفاضي او جاي عليك بتعب
تم النشر السبت، ٢٥ مارس ٢٠٢٣
امسح البرامج اللى بتستخدمها كتير. زى الفيس بوك مثلا او اليوتيوب وهكذا.
تم النشر الجمعة، ١٧ مارس ٢٠٢٣
ما انت بعمل كدة فعلا
تم النشر السبت، ٢٥ مارس ٢٠٢٣
لعرض السؤال في فدني اضغط هنا