انا اسفة اني بتكلم في حاجة زي دي بس محتاجة مساعدتكم جدا جدا
انا عندي ٢٣ سنة ومقبلة علي جواز وفي حاجة معقداني ف حياتي ومخوفاني من الخطوة دي
وانا صغيرة عندي ١٥ سنة مكنتش فاهمة حاجة وكنت كل مااحب اعرف البيريود قربت ولا لا كنت بحط صباعي اتأكد وحتي لو هي عندي كنت بعمل كدا عشان اشوفها خلصت ولا لسه وبجد كل دا ومش فاهمة ان الموضوع فيه خطورة عليا
المرة ال عملت كدا ومكانتش البيريود نزلت صحيت تاني يوم لقيتها جات والمرة ال كانت عندي فيها كنت بلاقي دم على صباعي ولقيتها فعلا مخلصتش
انا خايفة اوي اوي اكون عملت حاجة بدون قصد خصوصا مستحيل ينفع اني اروح اكشف او اصارح حد من اهلي مستحيل ، هل كدا ممكن اكون عملت حاجة ضرتني ؟. واتأكد ازاي اني تمام وهل لازم احكي لخطيبي عن اللي حصل دا خصوصا انه متشدد جدا ومستحيل يفهم حاجة زي دي وممكن الموضوع كله يبوظ وانا بحبه ومش عيزاه يشك فيا وانا والله فعلا انا عملت كدا بقلة وعي وفهم مني انا كنت عيلة صغيرة وقتها ومفهمتش دا الا بعدين
طمنوني انا بقالي كتير دماغي مشغولة اوي ومش ببطل تفكير
حبيبتي، أولًا أحب أطمنك إن الأمور مش بالدرجة اللي إنتِ متخاوفة منها. العذرية مش بالضرورة تتأثر بالطريقة اللي بتفكري فيها. غشاء البكارة جزء حساس وأكيد، بس مش دايمًا بينفض بالطريقة اللي انتِ متصورة. مش كل إدخال للاصبع بيعني فقدان العذرية. الموضوع محتاج شوية فهم ووعي، وغشاء البكارة ممكن يكون مرن، وفيه كمان أنواع مختلفة من غشاء البكارة بين البنات؛ البعض بيفضل غشاء بكارتهم سليم حتى بعد النشاط الجسماني الشديد زي الرياضات، والبعض ممكن يكون غشاءهم أقل مرونة ويتأثر بسرعة. الإصابة أو النزيف البسيط مش دايمًا يعني فقدان العذرية. لو الحاجة دي شاغلة بالك قوي، ممكن تروحي لدكتورة نسائية تقدر تكشف عليكي بسرية تامة وتطمنيكي على حالتك. هما متفهمين كويس وبيتعاملوا مع الحالات دي بمنتهى الاحترافية والسرية. أما بالنسبة لموضوعك مع خطيبك، لو حسيتي إن الموضوع ده ممكن يأثر على علاقتكم بشكل سلبي، خليكي صريحة وصادقة معاه لو اضطررتي. ومش لازم تحكي له كل التفاصيل لو مش مرتاحة، الأهم إنك تكوني مرتاحة ومتصالحة مع نفسك. وأخيرًا اتذكري، انتِ كنت صغيرة وما كنتيش فاهمة، خدي الوقت لتفهمي نفسك وتحب نفسك بما فيها من تجارب. الاستعانة بدكتورة نسائية هتكون خطوة مهمة لطمنتك ويخليكِ تتقدمي براحة وأمان في خطواتك الجاية. طمنيني عليكي، واكبري قريبة مني لو حابة تاخدي نصيحة أكتر. 🌸
تم النشر الأربعاء، ١٢ يونيو ٢٠٢٤
اطمنى حبيبتى ...العمق اللى بيوصله الاصبع بعيد عن غشاء البكارة اللى بتفكرى فيه صعب يحصل بالشكل ده خاالص
تم النشر الخميس، ١٣ يونيو ٢٠٢٤
اطمني يا حبيبتي الموضوع مش بالخطورة دي، مش معنى انك دخلتي صباعك يبقى كده فقدتي عذريتك مش ده معنى العذرية اصلا. خليني اوضحلك حاجة العذرية هي حالة الشخص اللي مدخلش في علاقة جنسية قبل كده سواء كان راجل أو ست. اللي انتي عملتيه ده مش دليل على العذرية و انتي كده مفقدتيش عذريتك ولا حاجة فمتخافيش. بالنسبة لخطيبك، متكلموش في اي حاجة خالص ولا تقوليله حاجة و اللي انتي عملتيه ده مش هيضرك ان شاء الله و ده مش معناه انه حصلك حاجة أو خطيبك لازم يعرف او اهلك أو لازم تروحي عند الدكتور لا لا مش محتاجة كل ده. بكل بساطة غشاء البكارة مش دليل على العذرية، لأنه عبارة عن غشاء رقيق و حساس جدا ممكن يتقطع لأي سبب، زي مثلا الرياضة أو العمل اللي محتاج مجهود أو رياضة ركوب الخيل و أمثلة كتير ممكن يتقطع بسببها. فاطمني و متخافيش.
تم النشر الخميس، ١٣ يونيو ٢٠٢٤
لعرض السؤال في فدني اضغط هنا