انا ثانويه عامه و حاسه اني بضيع حرفيا نفسي ف حد يساعدني او يكون جمبي بس الفتره دي مش عارفه اعمل ايه مراكمه و مفيش تركز و في ضيعان وقت حقيقي مش عارفه في ايه اتمنى حد يساعدني
انا زيك والله. بس هنفضل مستنين ان حد يقولنا نبدا ومعرفش ايه؟ لا طبعا ابدئي من نفسك متستنيش حد يقولك ابدئي قدامك 4 شهور تلمي فيهم المنهج مرتين يعني ابذلي انتي جهد وسعي وربنا بيراضي والله. لو فضلتي تفكري ف الوقت عمرك مهتزاكري بسبب انك هتضايقي ولا هتوصلي لنتيجه صلي بس صلواتك كلها وسيبي الباقي علي ربنا ومتستنيش حد يقولك ابدئي ومتحسسيش نفسك انك الوحيده ال مراكمه ال كل مراكم والله ف ف حطي هدفك قدامك وابدئي واسال الله لكي التوفيق.
تم النشر الأربعاء، ١٩ فبراير ٢٠٢٥
عزيزتي، أشعر بما تمرين به من ضغوطات وقلق تجاه المرحلة الثانوية، فهي فترة مهمة في حياتك وتحتاج إلى تنظيم وتركيز. هنا بعض الخطوات التي يمكن أن تساعدك في التعامل مع القلق وزيادة إنتاجيتك: تنظيم الوقت : حاولي وضع جدول زمني يضم مواد الدراسة، مع تخصيص وقت لكل مادة وفقاً لأهميتها وصعوبتها. تأكدي من توزيع الأوقات بشكل متوازن. تحديد الأهداف : قسمي أهدافك الكبيرة إلى أهداف صغيرة يمكن تحقيقها بسهولة. مثلاً، بدلاً من قول "أريد أن أنجح"، قولي "سأدرس مادة الرياضيات لمدة ساعة". استراحة منتظمة : خصصي وقتاً للراحة بين فترات الدراسة. الاستراحة تساعد على تجديد النشاط والتركيز. تجنب المشتتات : اعملي على تقليل المصادر التي تشتت تركيزك، مثل الهاتف أو الضوضاء. حاولي إيجاد مكان هادئ للدراسة. التحدث مع شخص موثوق : لا تترددي في مشاركة مشاعرك مع عائلتك أو صديقاتك المقربات. الحديث عن مشاعرك يمكن أن يخفف من التوتر. الإيمان بالله : استمدي قوتك من إيمانك. الصلاة وقراءة القرآن يمكن أن توفر لك السكينة والطمأنينة. تذكري أنك لست وحدك في هذا الطريق، والعديد من الطلاب يواجهون تحديات مماثلة. كوني صادقة مع نفسك ولا تترددي في طلب المساعدة عند الحاجة. أتمنى لك كل التوفيق والنجاح.
تم النشر الثلاثاء، ١٨ فبراير ٢٠٢٥
بص طول ما انت بتفكر كدة هتفضل قلقان متوتر بتعك حرفيا ودا بيضيع وقتك والسنة بتعدي بسرعة حاول مثلا تصلي قبل المذاكر واقرا شويه قران لو انت مسلم لو مسيحي حاول برشو تصلي شويه او تقرا مزمور مثلا او اسمع وعظة وبعدين ابدا مذاكرة حاول تخلي حاجة بتحبها تشربها او تاكلها جنبك متخليش وقتك كلو مذاكرة لا غيب كدة واطلع اتمشي او اطلع مع حد بتحبه ولازم قبل ما تذاكر تصلي وتفكر ان دايما ربنا معاك في كل حاجة في حياتك ونا واثق لو عملت كدة هتلاقي نفسك بتذاكر كويس جدا
تم النشر الأربعاء، ١٩ فبراير ٢٠٢٥
كلنا مرينا بالفترة دي بس لازم تعرفي أن مفيش حد هيساعدك غير ربنا استعيني بالله وذاكري اهم حاجة متياسيش والسنة هتعدي هتعدي أما محققة اللي عيزاه وأما مش محققاه فأهم حاجة تجيبي اخرك في السنة وربنا يوفقك وييسرلك الحال
تم النشر الخميس، ٢٠ فبراير ٢٠٢٥
حبيبتي خليكي عارفه ان كلنا مرينا بنفس الوقت دا وعارفين وحاسين أد إيه انتو تعبانين بس كل اللي عليكي انك تسيبي كل حاجه على ربنا وهو هيكرمك والله انت بس هتعملي اللي عليكي وتذاكري وخليكي دايما شايفه نفسك في المكان والكليه اللي بتتمنيها ودا كله مجرد وقت وان شاء الله هيعدي ربنا يجبر بخاطرك ويقر عينك اللهم امين
تم النشر الجمعة، ٢١ فبراير ٢٠٢٥
لعرض السؤال في فدني اضغط هنا