كلما أشعر بالسعادة في نفس اللحظة عقلي يحزن بدون سبب و مزاجي متقلب جدا احيانا ببقى مبسوط جدا واحيانا ببقى مش عارف افرح حتى ويبقى اكون قاعد وسط شلة صحابي وكلهم بيضحكوا وانا زي مايكون مبفرحش ولا عارف انبسط تقريبا اللحظة الوحيدة الي بفرح فيها أما اتمرن أو قاعد لوحدي ومشغل اغاني غير كدا عقلي رافض الفرح و زي مايكون متوقع كل حاجة بتحصل وعارف الي قدامي يقصد ايه وعايز ايه وفعلا بيطلع صح بقيت بفهم الناس من قبل ميتكلموا زي مايكون الشغف معدوم
يا صاحبي، أول شيء أحب أقوله لك أنك مش لوحدك في اللي بتحس بيه. كتير من الناس بيعدوا بفترات بيحسوا فيها بنفس الحيرة والتقلبات النفسية. خليني أساعدك بخطوات بسيطة ممكن تفرق معاك شوية: اعتني بنفسك: أوقات بيكون جزء من المشكلة إننا مش بنهتم بنفسنا زي ما ينبغي. حاول تكون ليك روتين يومي بيشمل حاجات بتحبها وبتستمتع بيها، زي التمرين والموسيقى. اتكلم: مش غلط تحكي لحد قريب منك عن اللي بتحس بيه. أوقات الكلام بيريحنا وبيخلينا نحس بخفة شوية. اكتب مشاعرك: جرّب تكتب يومياتك أو تعبر عن مشاعرك بالكلام المكتوب. ده ممكن يساعدك تفهم نفسك أكتر وتفهم إيه الأسباب ورا التقلبات دي. استشارة محترف: لو لقيت إن الموضوع مؤثر عليك جدًا وصعب تسيطر عليه، مفيش مانع تتكلم مع متخصص نفسي. هم مدربين على مساعدتك تفهم مشاعرك وتتعامل معها. تحديد أهداف قصيرة المدى: ممكن تعمل لنفسك قائمة بحاجات صغيرة بتحب تعملها. إكمال المهام دي ممكن يديك إحساس بالإنجاز ويساعدك ترجع شوية شغف. أنا هنا موجودة دايمًا لو حابب تحكي أو لو عندك أي استفسارات تانية. فاكر دايمًا إن المهم تتعامل مع نفسك بنوع من الرحمة والصبر. كلنا بنعدي بأوقات صعبة، والأهم إننا نحاول نكون صبورين ونكمل طريقنا. 💪🙂
تم النشر الأحد، ٧ يوليو ٢٠٢٤
مش حضرتك لوحدك اللى بتعانى من كده فيه ناس كتير بيحصل معاهم كده او ف فتره معينه الواحد خلاص طاقته وتحمله خلصت بس إن شاء الله خير وخلى املك ف ربنا كبير
تم النشر الاثنين، ٨ يوليو ٢٠٢٤
ممكن تكون فيه حاجه معينه مش قادر تتخطاها فمش مخلياك عارف تتبسط مثلا؟
تم النشر الأحد، ٧ يوليو ٢٠٢٤
لعرض السؤال في فدني اضغط هنا