انا بنت عندي 17 سنه في تانيه ثانوي عام انا من عيله محترمه وكل الناس بتتكلم ع احترامي انا واخواتي وانا محجبه ولبسي كلو واسع بس انا كنت باخد عند مستر رياضه عنده 25 سنه باخد عنده من أولي ثانوي هو كلمني وقالي انا معجب وبحبك وكدا وبصراحه انا ساعتها كنت شيفاه محترم جدا وكان بيصلي الوقت بوقته المهم اقنعني أن دي مش حاجه غلط وبصراحه انا كنت مشدوداله من زمان واقتنعت بكلامه فعلا وقالي مش هبعد عنك وهستناكي وفرق السن بينا مش كتير وبصراحه انا كنت خايفه ع زعل بابا وماما وكنت كل لما أكلمه في الفون احس بالذنب بس كنت بكلمه وفي الدرس كنت مجرد طالبه بس كنا بنتكلم في حدود الدرس بس وبعد فتره لقيت بيتكلم معاينه في الفون في كلام عن جسمي واعضائي وكدا وقطعت الكلام معاه قولتله لو اتكلمت في حاجه زي دي تاني انا مش هكلمك مهما حصل قالي ماشي بس واليومين دول قالي العديد عني عشان انا تعبان تعب خطر عليكي انتي وانا وبقا بيعاملني وحش وانا مش عارفه هو كان بيتسلي ولا بيتكلم بجد ومش عارفه ابعد عنو ممكن تقولي اعمل اي
مجرم، وعلاجه الحبس. مدرس غير امين، دنس رسالة التربيه والتعليم، لم يحترم ذاته، اتبع هواه. ملكيش ذنب لانك قاصر. بس حاليا ملكيش اي عذر بعد مالاساتذه هنا هيعرفوكي انها علاقه تستحق منك تنهيها بشكل فوري لاسباب متعدده. اولهم/ الدين ومحدش هيختلف ع حرمة العلاقه دي. ثانيهم/ انها علاقه غير متكافئه ثالثهم/ ودا مهم، انك ضحية استغلال من شخص له تاثير عليكي بالطبيعه.
تم النشر الاثنين، ٢٧ نوفمبر ٢٠٢٣
ده انسان غير امين اساسا انه يبقى معلم من أصله! بصي مش معنى ان الواحد بيصلى وبيصوم يبقى كده ملاك، متحكميش على اي حد غير لما تعاشريه كويس اوي وتفهمي طباعه وسلوكه ده اول حاجه. تاني شئ بقى انتي متاخديش عنده تاني وتمشي من عنده .. لانه واضح اوي انه بيتسلى .. هو هيوضح ايه اكتر من كده؟ حضرته كان بيتكلم معاكي في امور خارجة، ف مستنية ايه علشان تعرفي انه عايز منك حاجه مش محترمة! واي حد يقولك بحبك متصدقيش عمياني كده .. اللي عايز الحلال يا بنت الناس هيجي البيت، مش هيروح ويكلمك من ورا اهلك، ويعقد يقول في كلام معسول.. حافظي على نفسك كويس اوي .. وخلي بالك لان للاسف الفتن بقت كتير جدا.
تم النشر الاثنين، ٢٧ نوفمبر ٢٠٢٣
حتة عيل للأسف بيدرس منهج.. ودى واحدة من مشاكل الدروس الخصوصية. هو يا حبيبتى اه كان بيتسلى.. ولا تعبان ولا زفت.. دى طريقة تقليدية وقديمة من الأشخاص الغير محترمين فى الضحك على البنات بشكل عاطف. موقف اتعلمى منه انك تلتزمى باللى ماما وبابا ربوكى عليه ومتسمعيش لكلام حد تانى يقولك عادى.... ربنا يحفظك انتى وكل بنات المسلمين
تم النشر الأربعاء، ٢٩ نوفمبر ٢٠٢٣
الموضوع بسيط جدا ... علاقته بيكي كانت بهدف انه يوصل ل حاجة معينة ،ولما انتي صدتيه و فهم انه مش هيعرف يوصل للهدف ده طبيعي معتش هيكلمك او يعاملك ب اسلوب وحش لان الود الي في الاول كان مزيف بغرض انه يوصل للهدف
تم النشر الثلاثاء، ٢٨ نوفمبر ٢٠٢٣
يبنتي دول صنف اغلبيته بيشوف البنت من جسمهاا.. ميتصدقوش ولا يتوثق فيهم.. لو محترم مكنش كلمك اصلا... بصيىي ي حبييتي انتي اخطأتي فتوبي لربك واستغفريه وامسحي رقمه من عندك ومترخصيش نفسك عشان انتي غاليه 🤍🤝🏻
تم النشر الاثنين، ٢٧ نوفمبر ٢٠٢٣
مفيش راجل هيكلم بنت فى الفون الراجل بيخبط على الباب وبطلب
تم النشر الثلاثاء، ٢٨ نوفمبر ٢٠٢٣
طبعا ابعدى عنو وعرفى اهلك انا عارفه انى لما تعرفي اهلك هيكون صعب بس حاولى
تم النشر الثلاثاء، ٢٨ نوفمبر ٢٠٢٣
سيبك منو بجد
تم النشر الثلاثاء، ٢٨ نوفمبر ٢٠٢٣
ابعدي عنه ومتحاوليش تتكلمي معاه لان دا عمره محبك وتفكيره كله في الغلط وكان مفكر أن لما يقولك كدا انتي ممكن تتكلمي معاه بس جدعه انك وقفتيه عند حدوده دا شخص مش محترم ولو حاول يتكلم معاكي تاني اعمليله بلوك من حياتك نهائي علشان متاذيش نفسك وتخسري ثقه اهلك فنصيحه من اختك بلاش تفكري تتكلمي معاه تاني وابعدي علشان تبقي مرتاحه نفسيا
تم النشر الثلاثاء، ٢٨ نوفمبر ٢٠٢٣
ده مدرس أخلاقه مش تمام والمفروض أنه لا يؤمن على بنات الناس وانت صغيرة وياما هتسمعى وتشوفي في حياتك انسي الامر وابعد عن المدرس ده تماما اذهبي لآخر واسالى على المدرس قبل أن تذهبى إليه المدرس سمعه يا بنتى واكيد المحترمين والرجال من المدرسين موجودين تحرى الدقه في اختيارات من تتحدثين إليهم ولا تصغي لاي شخص ولا صديق ولا صديقه التزمى بيبتك وعائلتك المحترمه وخافي الله اولا وخافي على نفسك فأنت ليست ملك نفسك انت ملك الخالق تمسكى بدينك واخلاقك وانسي الأمر فإنه غير اميبببببببن..☠️☠️ مع كل الحب والتوفيق ابنتى🥰
تم النشر الثلاثاء، ٢٨ نوفمبر ٢٠٢٣
سيبك منه خالص
تم النشر الاثنين، ٢٧ نوفمبر ٢٠٢٣
بيتسلى طبعا
تم النشر الاثنين، ٢٧ نوفمبر ٢٠٢٣
لعرض السؤال في فدني اضغط هنا