سلام عليكم
انا محمد ثانويه عامه لسه مفتحتش كتاب ولا بدأت ومعرفش كلمه في المنهج هل أقدر أبدأ دلوقتى؟ واقدر الحقهم ولا اأجل السنه؟ انا كل ما أفتكر واقول هبدأ حرفيا برضو افتكر المنهج المتراكم فازهق ومزاكرش ومش عارف اعمل ايه وابدا ازاي! ياريت تفيدوني
السلم عليكم ورحمة الله وبركاته لأ ما تبصش على اللي متراكم اول حاجه استعين بربنا وقبل ما تذاكر صلى ركعتين او اتوضأ وبعدين ذاكر وهتلحق ان شاء الله وربنا يجازيك والله وبلاش الشيطان يلعب في دماغك وتقول هل انا هتساوي ب اللي بدأ من اول السنه ايوا طبعا تتساوى هو مش انت هتتعب ولا ايه وبعدين ربنا شايف وعارف قد ايه انت عايز تتعب علشان توصل والله بلاش تأجيل القرارات مش مضمونه وبعدين ليه تفضل ف الخوف سنتين عيش الخوف مره واحده بس 😂 وبعدين انت جدع ما شاء الله وباين عليك شطور والله هتقدر تذاكر بس جدد نيتك وممكن تشغل جمبك قرآن علشان ربنا يحميك ويبارك في وقتك كمان وحاول تقرب من ربنا الفتره دي وبلاش الفون يعني شغل قرآن واندمج مع القرآن وادخل في جو الدراسه مش لازم صحاب دلوقتي ومش. كل اما تذاكر بقا وتخلص كم كبير تروح تعمل فرح وتقول انا ذاكرت يا ناس وتتحسد 😂 الحسد مذكور ف القرآن بردو وربنا يصلح حالك و يراضيك يارب ينجحك ويريح بالك بس والنبي بلاش تأجيل لما بتأجل بتبقا بتدمر نفسك وبالنسبه انك بتقول بتبص المتراكم لأ فكك من المتراكم ركز على اللي انت انجزته كافء نفسك ولوحتي بأكله بتحبها او مثلا تلعب جيم بلايستيشن او لعبه من اللي انتوا بتحبوا سواء كوره او غيرها ساعه بس كدا تنسي فيها كل اللي وراك وتدلع نفسك زي ما بيقولوا وتنسي همومك والدنيا وركز وذاكر والله والله ربنا هيراضيك وهينجحك وهتحقق اللي بتتمناه ذاكر فترات اعمل مثلا معسكر ف بما ان كنت مش بتذاكر ف انت هتلاقيك مش حابب الفكره اصلا ممكن بقا تذاكر 45 دقيقه وتاخد 10 دقايق راحه سواء بقا هتصلي فروضك او تقرآ قرآن تطلع من اوضتك تاكل وهكذا بس اهم حاجه تذاكر بعيد عن أي حاجه تلهيك اعمل مشروبك اللي بتحبه اقعد في المكان اللي يريحك وقول انا هذاكر وبس مش مهم بقا ايه اللي متراكم بس يكفي بس انك بتحاول وبعدين أن تأتي متأخراً خيرا من آن لا تأتي أبداً وربنا موجود وهينجحك علشان خاطر اهلك اللي عايزين يفرحوا بيك وربنا يفرحك يارب متنسانيش في دعوه حلوه من قلبك كدا ولك بالمثل وبعدين ياابني دا انت تقدر تعمل اي حاجه والله ثق في ربنا وثق في نفسك ابعد عن حد يحبطك♥️
تم النشر الخميس، ٩ يناير ٢٠٢٥
السلام عليكم ورحمة الله، أعتقد لسه قُدامك أكتر من خمس شهور على الامتحانات وهي وقت كاف جدًا عشان تلحق تذاكر وتتفوق كمان بإذن الله. المهم تستعين بالله وتبدأ وتعرف إن القلق والتوتر هيأخرك مش أكتر وطول ما أنت قلقان وفاكر إنك مش هتلحق هتفضل واقف مكانك ومش هتبدأ أبدًا. يعني زي ما أنت شايف، بقالك فترة عاوز تبدأ لكن مش عارف تاخد الخطوة لأنك شاغل نفسك بسؤال هلحق ولا مش هلحق. كل دقيقة مهمة حتى لو قبل الامتحان بس المهم زي ما قلت تبعد عن القلق وترتب تفكيرك ووقتك وتعرف تذاكر بطريقة ذكية ومنظمة. تهتم بصحتك ونومك عشان تعرف تركز وتستوعب اللي بتذاكره.... بلاش فكرة هسهر وهنام أقل عشان ألحق... ده هيضرك مش هينفعك... نام كويس ومارس رياضة وخد أوقات راحة عشان تعرف تذاكر بطريقة صح. استعين بسماع شروحات الدروس لو موجودة على اليوتيوب واقرأ الدرس قبل ما تسمع الشرح ده هيثبت المعلومات ومهم جدًا تراجع اللي بتذاكره بانتظام. المراجعة وحل أسئلة الدروس والامتحانات السابقة هيثبت معلوماتك وهتكون أسهل لما تحتاج تسترجعها في وقت الامتحان. ممكن تشوف الفيديو ده لأحمد أبو زيد عن إزاي تذاكر بذكاء وفي وقت أقل... https://www.youtube.com/watch?v=A7zCOOEBxhU إن شاء الله يفيدك. ابدأ من دلوقتي وتوكل على الله ونصيحة أخيرة، قسم جدول مذاكرتك مع مواعيد الصلاة، ده هيخليك متقصرش في الصلاة علشان المذاكرة وهيخلي فيه بركة في يومك ومذاكرتك. بالتوفيق إن شاء الله.
تم النشر الاثنين، ٦ يناير ٢٠٢٥
طبعا طبعا حضرتك تقدر تبدأ قدامك وقت وطويل كمان بس لما تيجي تبدأ تبدأ بجد وتحط ل هدف قدام حضؤتك وتحط ف دماغ حضرتك برضه انك هتوصله مهما حصل ايه والله والله فكرة ان اي حد يصحى الفجر أو قبل الفجر ب ساعتين بجد رائعه حضرتك استعين بالله بس كده وأبدأ من فجر النهارده وياريت لو حضرتك تبعد التليفون🙃 او اقفل النوتيفيكيشن عشان ميحصلش لحضرتك تشتت وبإذن الله هتنجز وتحقق حلم حضرتك
تم النشر الأربعاء، ٨ يناير ٢٠٢٥
وعليكم السلام ورحمة الله وبركاته، محمد. في البداية، أود أن أؤكد لك أن الرغبة في بدء ثانوية عامة حتى وإن كنت قد تأخرت بعض الشيء هي خطوة إيجابية تعكس إصرارك على النجاح. من المهم أن نعلم أن التأخير لا يعني الفشل، بل إن البداية الجادة الآن يمكن أن تؤدي إلى تحقيق نتائج جيدة. إليك بعض الخطوات التي يمكنك اتباعها: تحديد الأهداف : قم بتحديد أهداف واضحة ومحددة لكل مادة. ضع خطة واقعية تتضمن عدد الصفحات أو الدروس التي ترغب في مراجعتها يوميًا. التقسيم إلى وحدات صغيرة : حاول تقسيم منهج كل مادة إلى وحدات أصغر، مما يجعله أكثر قابلية للدراسة والتركيز. وضع جدول زمني : قم بإعداد جدول زمني يحدد أوقات الدراسة لكل مادة. حاول الالتزام به قدر الإمكان، مع تخصيص فترات راحة قصيرة. دعم نفسي : تذكر أن هذه المرحلة تتطلب الجهد والمثابرة. اجعل نفسك محاطًا بأشخاص داعمين مثل الأهل والأصدقاء، الذين يمكنهم تحفيزك وتشجيعك. الموارد التعليمية : استخدم موارد تعليمية متعددة مثل الدروس الخصوصية، الإنترنت، ومقاطع الفيديو التوضيحية. لا تقارن نفسك بالآخرين : كل شخص لديه سرعته الخاصة في التعلم. اعمل على تطوير نفسك دون النظر إلى الآخرين. إذا كنت تشعر بأن استيعاب المنهج صعب للغاية، يمكنك التفكير في تأجيل السنة الدراسية حتى تكون مستعدًا بشكل أفضل، لكن إذا كنت متحمسًا، فإن البدء الآن سيكون أفضل. تذكر، النجاح يتطلب الجهد والتخطيط، وأنت قادر على تحقيق ما تطمح إليه بإذن الله. أسأل الله أن يوفقك في دراستك، وإذا كان لديك أي استفسارات أخرى، فلا تتردد في طرحها.
تم النشر الاثنين، ٦ يناير ٢٠٢٥
متشكر جدا
تم النشر الأربعاء، ٨ يناير ٢٠٢٥
✨️ابدأ فما تأخر من بدأ ✨️ ✨️ان تأتي متأخرا خير من ان لا تاتي✨️
تم النشر الأربعاء، ٨ يناير ٢٠٢٥
وعليكم السلام ورحمة الله وبركاته
تم النشر الأربعاء، ٨ يناير ٢٠٢٥
📹فيديوهات توجيهية فارقة للثانوية العامة 🔗https://youtube.com/playlist?list=PL5isa5XjlZ5rM6kT6sCsUXfpH96iM8mQ6&feature=shared
تم النشر الأربعاء، ٨ يناير ٢٠٢٥
🗒ورقة 🖊وقلم ☕️كوب شاي بنعناع 💡استعن بالله ولا تعجز وأدعوك لكتابة العناصر الرئيسة لهذه المرئية الفارقة للملهم أحمد أبو زيد 🔗https://youtu.be/jDcO9lyE7jc?feature=shared
تم النشر الأربعاء، ٨ يناير ٢٠٢٥
انت تقدر تلحق عشان تقدر تذاكر جدد جزء صغير تخلصه هتحس نفسك مرتاح وتكمل يعنى متروحش تذاكر وتجمع كل الكتب لا كتاب واحد وذاكر منه درس بعد ما تخلص الدرس هتحس بشعور الإنجاز واعمل كده فى باقى المواد ونوع لما تذاكر
تم النشر الأربعاء، ٨ يناير ٢٠٢٥
متشكر جدا
تم النشر الثلاثاء، ٧ يناير ٢٠٢٥
السلام عليكم ابدأ يامحمد وبدون تعقيد بس خطط جيدا لن تحتاج مجهود كبير لاكن تحتاج لانبضاط اكثر من احتياجك للمجهود واولا هو التسليم بالقضاء والقدر وعدم الخوف والصلاه ثم الصلاه ثم الصلاه هي الحل
تم النشر الثلاثاء، ٧ يناير ٢٠٢٥
لازم تبدا
تم النشر الثلاثاء، ٧ يناير ٢٠٢٥
ان شاءلله تقدر ربنا يوفقك اسمع المراجعات واكتب كل الملاحظات وحل كتير بعد كل فصل تراجعه الحل هينجز معاك كتير
تم النشر الاثنين، ٦ يناير ٢٠٢٥
وعليكم السلام ورحمة الله وبركاته تقدر تبدأ
تم النشر الاثنين، ٦ يناير ٢٠٢٥
وعليكم السلام تقدر تبدأ بس تجتهد وتركز فالمذاكرة وبس وتحاول متضيعش وقت على قد ما تقدر
تم النشر الاثنين، ٦ يناير ٢٠٢٥
لعرض السؤال في فدني اضغط هنا