دلوقتي انا عندي صديقة ليا حاليا احنا كنا فلاول مبسوطين جدا وبنتكلم في كل حاجه وقريبين من بعض اوي بعدين انا بعدت فترة عشان امتحانات تانيه ثانوي وكده وكان لازم اذاكر فا انا سبت الموبايل وركنتو بعدين لما رجعت لقيت اسلوبها متغير معايا او مش زي الاول بمعني اصح ومعدناش بنكلم في كل حاجه والخناقات والمشاكل زادت
بس انا كنت لسه بحبها يعني احنا صحاب جدا
المهم في الفتره الحاليه حصلت بينا حتي مش هسميها مشكله سوء تفاهم ضعيف جدا لقيتها بعدت فجأة عني ولحد دلوقتي ولما جيت اسالها واتكلم معاها ردت عليا بتقولي انتي متعرفيش انا بمر ب ايه انا مخنوقه ومدايقه وببعد عنك عشان مش عايزه اجرحك بلكلام ودايما تعمل معايا الحركه دي بس المره دي زياده شويه وساعات هي بتكون هي الغلطانه بس انا بصالحها مع ان شخصيتها صعبت الفهم بس انا لسه متمسكه بيها بردو يعني شويه تحسسني ان احنا صحاب اوي وشويه تحسسني اني ولا حاجه بس مش عارفه اعمل ايه وانا عارفه ان عندها مشاكل فحياتها بس ده مش عذر ان هي مفضتش دقايق ترد عليا
انا بردو مش مقرره ابعد او كده لاني متعلقه بيها بس اتمني حد يفيدني ويقولي اعمل ايه
بصي أنا تقريبا مريت بموقف زي ده مع صحبتي كنت دائما أنا اللي اروح اصالحها لحد ما تعبت واكتئبت بسببها فيا حبيبتي بلاش تيجي على نفسك علشان حد وطالما انتي متمسكه بيها هقولك على حل روحي واجهيها بكل اللي انتي حاساه ده واطلبي منها تبرير للي بيحصل ده وعلى أساس رد فعلها هتقرري لو تفهمت كل حاجه وفعلا قالتلك تبرير للي بيحصل أفضلية معاها واقفي جنبها لاخر لحظه بس لو اتخانقت معاكي على كلامك فابعدي عنها احسن ليكي لأن شخصية زي دي مش هيفرق معاها غير نفسها ونصيحة مني بلاش تتعلقي بحد لان مهما كان مين الشخص مسيره في يوم هيختفي الناس في حياتنا فترات بيجوا يعلمونا درس ويمشوا
تم النشر الجمعة، ٢٥ أغسطس ٢٠٢٣
يمكن هي اضايقيت لما انتي بعدتي ... هل انتي كنتي قايلة ليها انك هتبعدي فترة مثلا علشان فيه امتحانات ومذاكرة؟ ولا لا ربما تكون اضايقيت لو مكنتيش مفهماها من الاول مثلا، وممكن تكون افتكرت انك بعدتي عنها او خذلتيها .. ايا كان الموضوع .. الحل انك تتكلمي معاها تحاولي تفهميها انك لما بعدتي ده كان علشان امتحاناتك، وحاولي تقولي لها يمكن انا غلطانه اني معرفتكيش اني هبعد .. وده كان غلط. لو مش هو ده السبب .. اتكلمي معاها واعرفي السبب منك ولا السبب منين بالظبط! ايا كان، لو استمرت ع الوضع ده وانتي بقيتي متضررة نوعا ما من اسلوبها ومن طريقتها معاكي .. لازم تقولي لها كده، ولو مش قادرة تستحمليها امشي.
تم النشر السبت، ٢٦ أغسطس ٢٠٢٣
اجبتي علي سؤالك.. انك غلطيت الاول لما بعدتي ممكن ده اساس المشكله... كان ممكن لو علي الاقل انك تكلميها ربع ساعه عادي لكن مكنتيش تبعدي... لانها ممكن تكون مش عاوزه تثق فيكي وتحبك علشان اتني ممكن تبعدي كل ميحصلك ظروف فا هي بتقرب لما تبدأ تثق فيكي وبتبعد لما تخاف انك تتمشي او انها تحبك وفي الاخر تسبيها... بس انا انصحك انك تتكلمي معها وتقولي كل اللي انتي حس وتقولها هي زعلت منك لما بعتي ولا لا وتتكلموا بصراحه... ورأي دانا محمد كويس بس تستخدمي لما تحسي ان هي بتبعد وتقرب بمزجها ومش لسبب... بس ولا هي بتبعد السبب اللي قلتلك علي فا اتكلومه زي مقولتلك.... وممكن كمان تكون من الناس اللي لما بيحصل معها مشاكل بتحب انها تفصل عن كل اللي حوليها فا لو كده قدريها... وإن شاءلله خير انتي حد جميل جدااا وصفاتك هايله وحاجه حلو اووي منك انك متمسكه بيها بس متجيش علي نفسك علشان خاطر حد ممها حصل ألا لو الانسان اللي قدامك فعلا يستاهل انك تيجي علي نفسك علشانه وبس كده يارب انكو افتك 🤍☺️
تم النشر الجمعة، ٢٥ أغسطس ٢٠٢٣
انا فاهمة عليكي الموقف دا.. تقريبا مر عليا الموقف نفسه كنا صحبات وكنا نتكلم يوميا بس فجأة هيا اختفت وبعدين قالتلي انو عم تمر بظروف صعبة ف كنت اواسيها واراعي سبب غيابها وكنت كدا اقول عندها مشاكل خليني اقف جنبها ودايما ادعمها ويوم انشغل انا وما ابعتلها شي ما تسال عني ومع ذلك بس افضى ارجع ابعتلها اطمن عليها وادعمها رغم معرفتي الضئيلة فيها بس اقول دي علاقة صداقة ولازم احافظ عليها واكيد حالتها صعبة وظروفها صعبة لهيك مو فاضية ترد عليا حتى بكلمة وحدة مع انو ممكن الاقيها منزلة ستوري او فاتحة نت بس بتكلمنيش وبعدين قعدت فترة اسبوعين مكلمهاش وطبعا هيا ما سالت عليا ولا حتى حست ب غيابي زي كانو وجودي وعدمي واحد.. ف بيوم عرفت معلومة عنها انها اتخطبت ف رحت اتاكد لقيت المعلومات بتخصها ف بعتلها عتاب وعاتبتها وكدا ف ردت علي اجابة عمري ما توقعتها قالتلي ( انتي ليه محسساني انو بينا علاقة اصلا).. انا انصدمت من ردها ف قلتلها اوك بعتذر عالازعاج ومن وقتها لا بكلمها ولا ببعتلها شي.. يمكن انا اعطيت اكثر من اللازم بس انا كان كل قصدي خير ودعم وتفاؤل بس طلعت شخصية مزعجة ببالها وانسانة ملهاش في حياتها غير حد ببعت وملوش لزوم... ف نصيحتي الك انو انتي وقفي تبعتيلها وابعدي واغصبي نفسك انك تبعدي لانو انتي من كلامك فهمت انك عم تعطي كل خير ودعم وعم تحاولي تقفي جنبها وهي عم تصدك.. ف بكفي ابعدي ولا تبعتي اذا هي لاحظت غيابك وبعتتلك سالت عليكي كلميها قليلها انك متدايقة من تصرفها او الي بدك اياه.. بس هلق انتي عم تعطي وما عم تاخدي.. والمفروض العلاقة تكون على طرفين وعلى حاجتين الي هو الطرفين يعطو والطرفين ياخدو..يعني ما بنفع انا اعطي صحبيتي وهيا تاخد وما تعطيني رح تتعبي وتنهاري.. واحتمال يوم تقليلها ليه هيك ترد عليكي نفس الرد الي ردت عليا فيه صحبيتي انو ببالها اصلا لا بتعرفك ولا شي.. وقفي حالا وابعدي وغصب عنك لازم تبعدي ما بنفع تضلي بهيك علاقة بتعطي ما بتاخدي... اذا حست بغيابك معناها عم تسال عليكي ارجعي كلميها.. انا عم احكي بناءً على تجربتي والموقف يلي هو نفسه مريت فيه.. يمكن تختلف شخصيات الصديقة بس انو المحتوى والموضوع واحد
تم النشر الجمعة، ٢٥ أغسطس ٢٠٢٣
خلاص انتي حاولتي تفهمي هي بتعمل ليه كدا وهي برضو لسه زي م هي ..قوليها أنا مش عاوزه اخسرك بس انتي اللي عاوزه أنا هبعد لو قررتي ف يوم نتكلم أنا موجوده مش هقولك لا واعمل زي م عملتي معايا ..
تم النشر الجمعة، ٢٥ أغسطس ٢٠٢٣
عمليها بنفس الطريقه وفكك منها هو مش منطقي الصراحه هي بتغلطت وانت تسمحيها ليه وهي تقولك مش عايزه اجرحك بالكلام ايوه انت مقدره ظروفها بس متخديش تمن التقدير اهانه! ابعدي عنها فتره وشوفي هتعمل ايه لاكن بلاش تتمسكي بيها خالص وربنا يكتبلك الصحبه الصالحه
تم النشر السبت، ٢٦ أغسطس ٢٠٢٣
المفروض تعاملي ها بالمثل انتي بعدتي ودا مكنش بأيدك م هتسيبي مستقبلك بردو وهي المفروض تقدر دا اصلا انتي اتجاهلها حاولي غصب عنك طلاما هي اسلوبها مش كويسه بتتعامل كدا معاكي متديهاش وش اتجاهلها خالص وفكك منها طلاما هي بتعمل كدا معاكي ولله بجد فكك منها
تم النشر الجمعة، ٢٥ أغسطس ٢٠٢٣
لعرض السؤال في فدني اضغط هنا