السلام عليكم ورحمه الله وبركاته طبعا كل الاعراض اللي عندك وكل الازمات اللي عندك محتاجه دعم، واضح انك مخدتيش الدعم الاجتماعي الكافي اللي يخليك تكوني في حاله احسن خليني اقول لك انه طبعا اي حد بيكون في حاله نفسيه سيئه محتاج دعم من اللي حواليه لكن للاسف مش دايما بيكونوا المحيطين بينا عندهم الدرايه الكافيه لايه شكل الدعم اللي المفروض يتقدم لشخص بيعاني نفسيا لذلك احنا بنحتاج يا إما بنحط نفسنا في وسط ناس قادره تدعمنا ومننتظرش من اللي هم اللي حوالينا عشان كده بيكون في مجموعات دعم نفسي بيكونوا ناس حاسين ببعض حاسين بمشكله بعض او مشاكلهم قريبه من بعض على الاقل بيقدروا يدعموا بعض في رحله العلاج النفسي. الانتظار دايما من اللي حوالينا اللي هم للاسف ممكن يكونوا مش بيجتهدوا انهم يعملوا الشكل الدعم المطلوب ده بيكون شيء مرهق فوق التعب النفسي اللي عندنا فيعني اتمنى انه دي اول نقطه تركزي فيها وتبعدي خالص نظرك عن انك تنتظري منهم يكونوا هم الداعم للمرحله العلاجيه النفسيه اللي انت هتبدئي فيها. تاني نقطه كل الازمات اللي عندك محتاجين ان احنا نبدا نشوف ما وراءها، الجذر المتاصل بتاع كل الازمات دي ليه في قلق ليه في وسواس القولون أكيد عصبي في احتماليه ان الموضوع يكون عندك له علاقه بقله الاكل او بنظام غذائي غير متوازن ممكن تكوني في اوقات العصبيه طبعا بتمتنع عن الاكل فده ماثر على صحتك العامه كل الامور دي محتاجين ان احنا نناقشها فلو تقدري تدينا تفاصيل يعني نحاول نساعدك أكثر ان شاء الله.
لعرض الإجابة في فدني اضغط هنا